Vratakanda 7.p81

7.p81

¹nābhyāṃ niryāti hi tathā devasyaitadyathā bhavet || ²kaṃdarpasya karāgreṣu kadambaścārudarśanaḥ | tena tasya parā prītiḥ kadambena vivardhate || yakṣāṇāmadhipasyāpi maṇibhadrasya nārada | vaṭavṛkṣaḥ samabhavattena tasya hi ratistadā || maheśasyāpi hṛdaye dhuttūraviṭapaḥ śubhaḥ | saṃjātastena śarvasya ratikṛttasya cetasaḥ || tasyaiva madhyato dehājjāto marakataḥ prabhuḥ | khadiraḥ kaṇṭakī śrīmān bhagavadviśvakarmaṇaḥ || girijāyāḥ karatalaiṃ kundavṛkṣastu jāyate | gaṇādhipasya kusumaṃ rājate sindhuvārakaḥ || yamasya dakṣiṇe pārśve palāśo dakṣiṇottare | kṛṣṇaḥ kustūlako raudrājjātaḥ kṣobhakaro'vyayaḥ || skandasya bandhujīvaśca raveraśvattha eva ca | kātyāyanyāḥ śamī jātā bilvo lakṣmyāḥ kare kare || nāgānāṃ prabhuto brahman śarastambo vyajāyata | vāsukeḥ suśubhe pucche pṛṣṭe dūrvā'sitā sitā || sādhyānāṃ hṛdaye jāto vṛkṣo haritacandanaḥ | evaṃ teṣu ca sarveṣu tena tatra ratirbhavet || tasmin-³puṇye śubhe kāle yā śuklaukādaśī bhavet | tasyāṃ samyagyajedviṣṇuṃ yena khaṇḍaṃ ⁴prapūryate