Vratakanda 7.p82

7.p82

puṣpaiḥ patraiḥ phalairvāpi gandhavadbhi rasānvitaiḥ | ^2oṣadhībhiśca sarvābhiḥ yāvatsthāvarasaṃbhavaiḥ || ghṛtaṃ tilān vrīhiyavān hiraṇyaṃ kanakādi yat | maṇimuktāpravālāni vastrāṇi vividhāni ca || rasāśca svātukaṭvamlakaṣāyalavaṇādayaḥ | tiktāni ca nivedyāni tānyakhaṇḍāni yāni hi || tatpūjārthaṃ pradātavyaṃ keśavāya mahātmane | yena saṃvatsaraṃ pūrṇamakhaṇḍaṃ jāyate gṛhe || kṛtvopavāsaṃ devarṣe ^3dvitīyena na saṃśayaḥ | snānena tena snāyīta yenākhaṇḍaṃ hi vatsaraḥ || siddhārthakaistilairvāpi tenaivodvartanaṃ smṛtam | haviṣā padmanābhasya snānameva samācaret || home tadeva gaditaṃ ^4dānaṃ śaktyā dvijottama | pūjā ca kusumaiḥ kāryā ^5pādāvārabhya keśavam || ^6dhūpayedvividhaṃ dhūpaṃ yena syādvatsaraṃ param | ^7hiraṇyena ca vāsobhiḥ pūjayettaṃ jagadgurum || sarasadravacūṣyāṇi haviṣyāṇi nivedayet |^8