Vratakhanda 100.0.2

100.0.2

vājapeyātirātrābhyāṃ phalaṃ prāptā divaṃ vrajet
caitre rājan viśālākṣīṃ pūjayedbhaktitatparā
dadhi prāśya svapet prātardadyāt hema sakuṅkumam
śubhasaubhāgyasampannā mṛtā śivapuraṃ vrajet
vaiśākhasya tṛtīyāyāṃ śrīmukhīṃ nāma pūjayet
ghṛtañca prāśayedrātrau punardadyāt dvijātaye
kanakaṃ śarkarāñcaiva pūjayitvā kṣamāpayet
sarvvān kāmānavāpnoti mṛtā śivapuraṃ vrajet
jyeṣṭhe nārāyaṇīṃ nāma pūjayet puṣpadīpakaiḥ
prāśayellavaṇaṃ rātrau tataścaikā niśi svapet
śivabhaktān dvijān prātarbhojayitvā yathepsitān
suvāsinīryathāśaktyā bhakṣyabhojyaiśca bhojayet
tāmbūlañcanakaṃ dadyāt praṇipatya visarjayet
ghṛtañca prāśayedrātrau punardadyāt dvijātaye
kanakaṃ śarkarāñcaiva pūjayitvā kṣamāpayet
sarvvān kāmānavāpnoti mṛtā śivapuraṃ vrajet
mārgaśīrṣe śubhe māsi tṛtīyāyāṃ narādhipa
śuklāyāṃ prātarutthāya dantadhāvanapūrvvakam
antakāle sukhaṃ yāti yatra devo maheśvaraḥ
āṣāḍhe mādhavīṃ nāma prāśayitvā tilodakaṃ
prabhāte bhojayedviprān hemayuktaṃ guḍaṃ dadet
sarvvasampatsukhaṃ bhuktā devyāścānucarī bhavet
śrāvaṇe tu śriyaṃ pūjya pivedgośṛṅgasañcalam
'prabhāte brāhmaṇaṃ bhojya dadyāddhema tilaiḥ saha
bhogān bhuktvā mahīpṛṣṭhe golokamadhigacchati
tathā bhādrapade māsi subhadrāṃ nāma pūjayet
vilvapatrarasaṃ prāśya svapettu brahmacāriṇī
prabhāte vipramukhyāya dadyāddhema phalaiḥ saha
sarvvalokeśvarī bhūtvā bhuktvā bhogānanekaśaḥ
prāpnoti brahmasadanaṃ vratasyāsya prabhāvataḥ
āśvinasya tṛtīyāyāṃ pūjayitvā śivapriyāṃ
prāśayatsaṅkhajajalaṃ prātarviprāṃśca bhojayet