Vratakhanda 100.0.3

100.0.3

dakṣiṇāñcāca nirddiṣṭā candanañca, sakāñcanam
sarvvayajñaphalaṃ prāpya gaurīloke mahīyate
padmodbhavāṃ kārttike ca pañcagavyaṃ pivenniśi
vādyairvairjāgaraṃ kṛtvā prabhāte bhojayet dvijān
sapatnīkān subhācārān mālyavastrairvibhūṣaṇaiḥ
bhūṣayedbharataśreṣṭha gauriṇīrbhojayettathā
umāmāheśvaraṃ haimaṃ samāse kārayet śubham
umāmāheśvaraṃrūpaṃ viṣṇudharmottaroditam
vāmārddhe pārvatī kāryyā śivaḥ kāryyaścaturbhujaḥ
akṣamālāṃ triśūlañca darpaṇañca kare dadhat
ekavaktrastrinetraśca vāmārddhadayitātanuḥ
yathā vibhavasāreṇa vitānaṃ pañcavarṇakam
śayyāñcāva vinirddiṣṭā sarvvopaskārasaṃyutā
savatsāṃ śīlasampannāṃ gāñca dadyāt payakhinīṃ
āsanañca mṛdu dadyāt śvetacchatraṃ kamaṇḍalum
pādukopānahau divya vastrayugmañca pāṇḍuram
pītayajñopavītañca paṭṭasūtrasamudbhavam
śaṅkhaśuktisamopetaṃ darpa ṇañca samujjvalam
raktaṃ sakañcukaṃ deyaṃ striyāśca paridhānakam
umāmaheśvaraṃ sthāpya āsane tāmraje nṛpa
pūjāṃ viracayedbhaktyā dhyāyamānā maheśvaram
nānādibyaiḥ sugandhaiśca puṣpaiḥ pattraiḥ phalaistathā
ghṛtapakvaiśca naivedyairdīpamālāvibhūṣitaiḥ
kūṣmāṇḍai rnālikeraiśca dāḍimairbījapūrakaiḥ
jīrakairlavaṇaiścaiva kusumbhaiḥ kuṅkumaistathā
rasapātraiḥ susṛṣṭaiśca gītavādyairanekadhā
pūjayeddevadeveśaṃ sapatnīkaṃ kṣamāpayet
tato dvijaṃ samāhūya vedavedāṅgapāragam
vedadhvanisamāyuktamupaveśya varānane
sapatnīkaṃ nṛpaśreṣṭha divyacandanacarcitam
paridhāpayitvālaṃkṛtya sarvvaṃ tasmai nivedayet
evaṃ kṛte phalaṃ yatsyāttanna śakyaṃ mayeritum
sarvvauṣaphalasaṃyuktā sarvvadevaiḥ supūjitā