Vratakhanda 104.2.2

104.2.2

masūrān rājamāṃṣāśca godhūmān slipuṭāṃstathā
caṇakān varttulām vāpi mukuṭāṃ bhaktito'ttijaḥ
naro vā yadi vā nārī yāvadgorīvrataṃ caret
tasyāḥ puṇyaphalaṃ vakṣye kathyamānaṃ śṛṇuṣva me
dhanaṃ dhānyaṃ gṛhe tasya na kadācit kṣayaṃ vrajet
duḥkhitā durbhagā dīnā sadā janmani no bhavet
kathānakañca śrotavyaṃ devyā māhātmyasaṃyutam
kṛtapātakanāśāya sarvvakāmasamṛddhaye
iti padmapurāṇīya prabhāsakhaṇḍoktaṃ phalatṛtīyāvrataṃ
atha caturthī vratāni
anāthalokoddharaṇaikabandhuragaṇyapuṇyāmṛtasārasindhuḥ
hemādrirajñānasamudra setuṃ brūte caturthīvratamiṣṭahetuṃ
skandauvāca
kena bhogānavāpnoti nirvighnaṃ purasūdana
putrapautrāṃstathārogyaṃ vratenāpnoti śaṅkara
īśvara uvāca
purā devāsure yuddhe asurairnirjitā raṇe
śakrādyā devatāḥ sarvvāstripurāvāsibhiryadā
tadā vivarṇavadanāste sarvve māmupāgatāḥ
trāhi trāhi vadantaste mayāpyāśvāsitāstadā
vighnerupahatānāñca samādiṣṭaṃ vrataṃ mayā
tatkṛtaṃ taistadāskanda teṣāṃ tuṣṭo gaṇādhipaḥ
gaṇeśena tu tuṣṭena vighnānāṃ saṃcayaḥ kṛtaḥ
skanda uvāca
vidhinā kena deveśa vratametanmahāphalaṃ
kṛtaṃ bhavati deveśa tanme brūhi vṛṣadhvaja
īśvara uvāca
mārgaśīrṣe śubhe māsi site pakṣe tu ṣaṇmukha
caturthyāṃ niyamaṃ gṛhya vighneśaṃ pūjya bhaktitaḥ
puṣyairgandhaiśca naivedyaiḥ laḍḍukaiśca susaṃskṛtaiḥ
palalaistilapiṣṭaiśca tathā sohālakaiḥ prabhuṃ
pūjayitvā vidhānena prārthayettatra mānavaḥ
tvatprasādena deveśa vrataṃ vratacatuṣṭayaṃ
nirvvighnena tu me yā tu pramāṇaṃ tu khagadhvaja†
saṃsārārṇavadustāraṃ sarvvavighnasamākulaṃ