Vratakhanda 104.2.3

104.2.3

tasmāt dhyānajagannātha pāhi māṃ gaṇanāyaka
evaṃ prārthya gaṇādhyakṣaṃ bhuñjīyādbhāgyatastataḥ
evaṃ krameṇa saṃpūjya ekabhaktī narottamaḥ
gaṇeśaṃ manasā dhyāyansatorātrau svapedbhudhaḥ
evaṃ saṃvatsaraṃ kṛtvā caturthīvrata' ṣaṇmukha
tato mārgaśire māsi vidhinā tasya pūjanaṃ
naktāśī ca bhavettadvadyāvatsaṃvatsaraṃpunaḥ
mārgaśīrṣe tu saṃprāpte tathaivāyācito bhavet
ayācitenābdamekaṃ tato mārgaśire punaḥ
ārambhopavasedabdamekaṃ tadvacca pūjanaṃ
evaṃ krameṇa vidhivaccatvāryyabdāni mānavaḥ
samāpya tu tatoṅgānte vratasnāto mahāvrata
kārayeddhemaghaṭitaṃ svaśaktyākuñjaraṃ śubhaṃ
āśurathaṃ, gaṇeśaṃ
tadrūpaṃ viṣṇudharmottarāt
vināyakastu karttavyo gajavaktraścaturbhujaḥ
śūlamaṃkṣākṣamālā ca tasya dakṣiṇahastayoḥ
pātrañcodakapūrṇañca paraśuścaiva vāmataḥ
dantaścāsya nakarttavyo vāmo ripuniṣūdana
pādapīṭhakṛtaḥ pādodakaśvāmanago bhavet
lambodarastathākāryyastantukarṇeśca yādava
vyāghracarmmadharaḥ sarpavyālayajñopavītavān
kārayeddarpaṇaiḥ śubhrairaravindaṃ sapatrakaṃ
tasyopari ghaṭaṃ sthāpya tāmrapātreṇa saṃyutaṃ
pūrayet śubhraśāleyaistanduṃlaireva vā khaga
tasyopari nyaseddevaṃ vāsobhirveṣṭya suvrata
pūjayet puṣpadhūpāyainaivedyairvvividhaistathā
modakaiśca tataḥ śubhraiḥ pakvānnairdhṛtapācitaiḥ
naivedyaṃ kalpayettatra gaṇeśaḥ prīyatāmiti
jāgaraṃ kārayeddidvān gītavāditraniskhanaiḥ
purāṇākhyāpanañcaiva tāṃ rātriṃ capayedbudhaḥ
prabhāte vimale jāte homakāryyāṇi kārayet
tilavrīhiyavaiścaiva tathā sidhārthakaḥ śubhaiḥ
oṃ gaṇeśāya svāhā | oṃ gaṇapataye svāhā | oṃ meghavarṇāya