Vratakhanda 104.2.4

104.2.4

svāhā | oṃ kuṣmāṣḍāya svāhā | oṃ tripurāntakāya svāhā
oṃ ekadantāya svāhā | oṃ lambodarāya svāhā | oṃ rukmadaṃṣṭrāya
svāhā| oṃ vighneśvarāya svāhā| oṃbrahmaṇe svāhā| oṃindrāya
svāhā| oṃyamāya svāhā| oṃvaruṇāya svāhā| oṃsomāya
svāhā | oṃgaṇeśaṃparameṣṭhine svāhā| gaṇapati mantreṇa homayet
aṣṭottaraṃ śataṃ hutvā tato vyāhṛtibhirhunet
yāvat śakyaṃ mahābāho tato homaṃ samāpyate
tatastamarcayeddidvān ācāryyaṃ bhaktibhāvitaḥ
vastrairābharaṇairdivyaiḥ pūjayitvā camāpayet
tatpatnau puruṣo bhaktyā ratnairābharaṇaiḥ śubhaiḥ
śayyā deyā tato rājan sopadhānāṃ salaṅkakāṃ
gāṃ savatsāṃ tato dadyāt sarvvalaṅkārabhūṣitāṃ
prīyatāṃ gaṇanātho'tra iti mantramudāharet
brāhmaṇān bhojayedbhaktyā caturviṃśatisaṃkhyayā
tebhyastu karakān dadyāt tilapātrasamanvitān
anena vidhinā yastu karoti vratamuttamam
na vighnairabhibhūyeta gaṇanāthaprasādataḥ
yaḥ karoti samārambhaṃ nirvighnaṃ tatphalapradam
pūrvvaṃ tathā kṛtaṃ sarvairindrādyaistridaśairvibho
rudreṇa brahmaṇā pūrvvaṃ viṣṇunā ca purā kṛtam
anyaiścaiva mahīpālai rājabhirbahubhiḥ kṛtam
etadeva vrataṃ cīrṇaṃ manuṣyairbhūtale mune
anena kriyamāṇena na vighnairabhibhūyate
svargalokātparibhraṣṭasto yāti parāṅganim
iti skandapurāṇoktaṃ sopadhānaṃ śaṅkacaturthīvratam
mārkaṇḍeya uvāca
idamandhat pravakṣyāmi caturmūttivrataṃ tadā
caitrasyāmalapakṣe tu sopavāso jitendriyaḥ
caturthyāṃ vāsudevasya kṛtvā saṃpūjanaṃ śubham
kāñcanaṃ dakṣiṇāṃ dadyāt dvijāya brahmacāriṇe
tathā saṅkarṣaṇaṃ devaṃ pūjayitvā jagadguruṃ
vaiśākhe tu gṛhasthāya dadyācchraṣyāṃ susaṃskṛtāṃ