Vratakhanda 106.p2.19

106.p2.19

pūjayeddevadeveśaṅgaṅgeṇaśaṅkaraṃ raviṃ
evaṃ hi caturomāsān māghādīn pūjayedravim
ātmanaścāpi śuddhyarthaṃ prāśanaṃ gomayasya ca
snānañca gomayeneha karttavyañcātmaśuddhaye
brāhmaṇān divyabhaumāṃśca bhojayeccāpi śaktitaḥ
divi devakule bhavāḥ divyā itarebhaumāḥ
jyaiṣṭhādiṣvapi māseṣu śvetacandanamucyate
śvetāni cāpi puṣpāṇi śubhagandhānvitāni vai
kṛṣṇāguru tathā dhūpaṃ naivedyaṃ pāyasaṃ ghṛtam
tenaiva brāhmaṇān sādhūn bhojayecca mahāmate
prāśayetpañcagavyantu snānaṃ tenaiva suvrata
kārttikādiṣu māseṣu agastiṅkusumaiḥ kṛtaṃ
pūjanaṃ suvvaśārdūla dhūpaścaivāparājitaḥ
naivedyaṃ guḍapūpāśca tathaivekṣurasaḥ smṛtaḥ
tenaiva brāhmavān jñātīnbhojayecca svaśaktitaḥ
kuśodakaṃ prāśayecca jñānañca kuru siddhyaye
vṛtīyapāravasyānte māghe māsi mahāmate
bhojanaṃ tatha dānañca dviguṇaṃ samudāhṛtaṃ
devadevasya pūjā ca karttavyā bhaktito budhaiḥ
rathasya cāpi dānantu rathayātrā ca suvrata
rathasya prāptihetorvvai karttavyā vibhave sati
dānaṃ sūryarathasyeha yathoktaṃ vibhave sati
ityeṣā kathitā putra rathāṅgasaptamī śubhā
saptamīti mahākhyātā mahāpuṇyā mahodayā
yāmupoṣya dhanaṃ putrān kīrttiṃ vidyāṃ samaśnute
iti bhaviṣyatpurāṇoktaṃ mahāsaptamīvratam
brahmovāca
jayā ca vijayā caiva jayantī cāparājitā
mahājayā ca nandā ca bhadrā vāmā prakīrttitā
śuklapakṣasya saptamyāṃ nakṣatraṃ pañcatārakam
yadā bhavettadā jñeyā jayānāmiti saptamī
pañcatārakamiti rohiṇyasta nāmaghāśastasya
tasyāṃ dattaṃ hutaṃ japtaṃ tarpaṇaṃ devapūjanam
sarvvaṃ śataguṇaṃ proktaṃ pūjāñcāpi divākarau