Vratakhanda 106.p2.5

106.p2.5

brahyāvākhyāhi te samyak vratametat sukhapradam
santānadṛddhikaraṇaṃ śivaloke sthitipradam
lomaśa uvāca
bhādra bhādrapade māsi saptamyāṃ salilāśaye
jñātvā śivaṃ maṇḍalake lekhayitvā tathāmbikām
bhaktyā sampūjya samayaṃ kuryyādvaddhā kare śubham
yāvajjīvaṃ mayātmā tu śivasya viniveditaḥ
ityevaṃ samayaṃ kṛtvā śivasya viniveditaḥ
ityevaṃ samayaṃ kṛtvā tataḥ prabhṛtiḍorakam
sauvarṇaṃ rājataṃ vāpi sautraṃ vā dhārayet kare
maṇḍakān veṣṭikānadyādastrapatreyavā dvija
svayantāścaiva bhoktavyā vratabhaṅgabhayācchubhe
pārite mudrikā vāso haimauraupyāḥ svaśaktitaḥ
tāmrapātropari sthāpya brāhmaṇebhyo nivedayet
ācāryyāya viśeṣeṇa karttavyasyāṅgulīyakam
puṣpa kuṅkuma sindūra tāmbūlāñjanasūcakaiḥ
evaṃ tatpārayitvā tu vrataṃ santativardhanam
sarvvapāpavinirmuktā kṛtvā saukhyaṃ manoramam
santānaṃ vardhayitvā ca śivaloke mahīyate
etatte sarvvamākhyātamamāvāsyā sahitavratam
kuru devaki yatnena jīvaputrā bhaviṣyasi
kṛṣṇa uvāca
ityuktā sa muniśreṣṭha stacaivāntaradhīyata
cakāra sarvvayatnena yaduktaṃ tena dhīmatā
vratasyāsya prabhāveṇa devakī māmajījanat
tasmāt pārtha naraiḥ kāryyaṃstrībhiḥ kāryyaṃ viśeṣataḥ
vrataṃ pāpaharaṃ bhavyaṃ sukhasantatidaṃ sadā
idañca śṛṇuyādbhaktyā yaścaitat pratipādayet
vratamākhyānasahitaṃ so'pi pāpaiḥ pramucyate
sāntānakaṃ vratamidaṃ sukha mokṣakāmā
yā strī cariṣyati śivaṃ hṛdaye nidhāya
vihāya duḥkhamatulaṅkṛtakākṣamoghā
sā strī vratādbhavati śobhanajīvavatsā
iti bhaviṣyottare amuktābharaṇasaptamīvratam
bhīma uvāca
bhagavan durgasaṃsārasāgarottārakaṃ tathā