Vratakhanda 106.p2.4

106.p2.4

tādṛśo'pi mahābhāge mṛto'sau navavārṣikaḥ
tatastāṃ bhūṣaṇabhraṣṭāmokharoṃ putraduḥkhitām
sakhībhāvādatisnehāt putraiśca parivāritā
amuktābharaṇā bhadrā rūpeṇeva bhūṣitā
tāṃ dṛṣṭvā sahaśīṃ bhāryyā prajajvāleśvarī ruṣā
tato gṛhaṃ preṣayitvā brāhmaṇī tīvramanyarā
cintayāmāsa sā rājñī tasyāḥ putrabadhaṃ prati
niścitya cetasā krūrā yātayāmāsa tatsutān
hatāhatāśca te putrāḥ punarjīvantyanāmayam
tadadbhutataraṃ dṛṣṭvā satīmāhūya bhūṣaṇāṃ
upaveśyāsane śreṣṭhe bahumānapuraḥsaram
apṛcchat vismayāviṣṭā rājñī sā mṛtavatsakā
brūhi tathyaṃ mahābhāge kiṃstvayā sukṛtaṃ kṛtam
dānavrataṃ tapovāpi śubhra yattvamupoṣitam
yena te nihatāḥ putrāḥ punarjīvantyanāmayāḥ
tathā hi bahuputrā ca jīvavatsā śubhānane
amuktābharaṇā nityaṃ bhartuścetasyavasthitā
atīva śobhase devi vidyutpurṇālaye yathā
bhūṣaṇovāca
śṭaṇu devi pravakṣyāmi janmāntaraviceṣṭitam
kiṃ tarhi vikṛtaṃ sarvva mayodhyāyāñca yat kṛtaṃ
āvābhyāṃ vratavaikalyaṃ pramattābhyāṃ varānane
yena tvaṃ plavagī jātā'haṃ sā ca kukkuṭī tathā
tathāpi vratavaikalyaṃ tvayā ca nāgarataḥ kṛtam
mayā tu sarvvabhāvena cetasādhyāya śaṅkaram
tiryyagyonya gatā yena mamoddṛttrā samuṣṭhitam
etaddhi kāraṇaṃ bhadre nānyatkiñcit karomyaham
lomaśa uvāca
ityākarṇya ca saṃhṛṣṭā pūrvvajanmani ceṣṭitam
īśvarī ca tayā sārddhaṃ punaḥsamyak cakāra ha
vratasyāsya prabhāvena putrapautrādisambhavaiḥ
bhuktā ca saukhyamatulaṃ mṛtā śivapuraṅgatā
tasmāttvamapi kalyāṇi vratametat samācara
prārabdhe'smin vrate divye jīvatputrā bhaviṣyasi
devakyavāca