Vratakhanda 109.p1.11

109.p1.11

payodhivṛtakṣaudraśarkarāvāribhiḥ kramāt
saṃsnāpya cārccayedbhaktaiḥ pūjayet kusumotkaraiḥ
raktairvāpyathavā pītaiḥśvetairvā raktamiśritaiḥ
saṃveṣṭya vastrayugmena mantrairebhiḥ prapūjayet
śaṅkarāya namastubhya vimalāya śivāya ca
svayambhuve hyanantāya bhavāya bhāvine namaḥ
sarvāya viśvarūpāya sarvvajñāya namo namaḥ
īśānāya śambhave'tha virūpākṣāya śambhave
vasudhāya mahādevi vikhyāte lalite śive
śānte raudre mahāvakte durge gaurī namo'stu te
sūpadmapadmapatrākṣi sumukhe vikhatomukho
īśvarīndrāṇi rudrāṇi rabhe devi namo namaḥ
śarvvāya viśvarūpāya sarvvajñāya namonamaḥ
padmaṃ puṣpaṃ payaḥ padmaṃ phalaṃ candanapaṅkajaiḥ
pūrṇaṃ kṛtvāmbikegābhyāṃ mantrametamudīrayet
namo gauryyai skandamātre viṣṇumūrtyai namo namaḥ
namobhūtādhipataye rūpādhipataye namaḥ
gṛhāṇārghyaṃ virūpākṣa rūpārthe'bhyarcitomayā
sa bhāryyayā mahādeva devadeva namo'stu te
arghyaṃ dattvā tatodhūpaṃ dadyādagurumiśritam
dīpaṃ naivedyatāmbūlaphalāni vividhāni ca
tato hāliṃgatādhūpaiḥ sūryyasya racitairdṛḍham
tatsamrākaiśca godhūmairvrīhipiṣṭamayaiḥ śubhaiḥ
pūrṇaṃ tallakṣaṇaiḥ kṛtvā saṃdīṣaṃ sūtraveṣṭitam
rasapañcakayuktena śuṣkānnena samanvitam
umāmaheśayornāndyetyuddiśya cārpayet
viprāya dakṣiṇāṃ pūrvaṃ sauvarṇaṃ mithunañca tat
bhaktāya yācamānāya suvidyāya kuṭumbine
ātmajñānaikaniṣṭhāya vedavedāṅgavedine
kulaśīlasadācāralakṣaṇairlacitāya ca
nāstikāya na dātavyaṃ nāvrate nājitendriye
dattvāceśvarabhaktāya praṇipatya visarjayet
lattaṇānneṣa yāvanti bhuktācānnaṃ suhṛdgaṇe