Vratakhanda 109.p1.16

109.p1.16

bhaktyā pumān paramupaiti padaṃ murāreḥ
iti śrībhaviṣyottaroklamarkāṣṭamīvratam
atha puṣpāṣṭamīvratam
mahādeva uvāca
śṛṇu devi mahāpuṇyaṃ māmapūjāphalaṃ śubham
śrāvaṇe śuklapakṣasya saptamyāṃ ya upoṣitaḥ
snāpayet ghṛtacīrābhyāṃ karavīraiśca pūjayet
kṛtvāgnikāryyaṃ vidhivadadyo brāhmaṇabhojanam
kanyākarṇitasūtreṇa† kārayitvā pavitrakam
kṛtvā vicitraṃgandhaiśca kuṅkumāgurucandanaiḥ
kkṛtopavāsaṃ saptamyāmaṣṭamyāṃ viprabhojanam
āropayati yobhaktyā so'gniṣṭomaphalaṃ labhet
punarbhavati vai rājā bhūtale nātra saṃśayaḥ
māsi bhādrapade'ṣṭamyāṃ śuklapakṣe varānane
snāpayitvā tu māṃ bhaktyā payasā vā ghṛtena vā
apāmārgeṇa pūjāntu kṛtvā devi vidhānataḥ
haṃsayānasamārūḍho mamalokaṃ vrajediti
māsicāśvayuje'ṣṭamyāṃ sarvvapuṣpaiśca pūjayet
gairikaṃ yānamārūḍho dhvajamālākulaṃ śubham
yukto mayūkhapravarairvaiśmayāti sa mandiraṃ
kārtikasya tu māsasya śuklāṣṭamyāntu yo naraḥ
nāpayenmadhucīrābhyāṃ jātīpuṣpaistu pūjayet
kāñcanaṃ yānamāruhya kiṅkiṇījālamālinaṃ
sa yāti paramaṃ devi gandharvvāpsarasāṃ priyaḥ
mārgaśīrṣe ca vai māsi pañcagavyena yo naraḥ
snāpayitvā ca taṃ bhaktyā raktapuṣpaistu pūjayet
nāpayet dadhicīreṇa kuṅkumena vilepayet
kṛtvopavāsaṃ saptamyāmaṣṭamyāṃ vidhivannaraḥ
sa trailokyamatikramya yatrāhaṃ tatra gacchati
pauṣe māse tu yo'ṣṭamyāṃ bhaktyā māṃ pūjayennaraḥ
ubjaptakasya puṣpaistu snāpayitvā ghṛtena tu
sa yānaṃ divyamārūḍhaḥ puṣpakaṃ nāmanāmataḥ
mamālayaṃ samāsādya modate śāśvatīḥ samāḥ
māghamāse tathāṣṭamyāṃ vilvapatreṇa yo'rcayet
nāpayitvā tu māṃ bhaktyā divyeriturasena vā