Vratakhanda 109.p1.22

109.p1.22

śuklapakṣāttathārabhya saumyāṣṭamyāṃ narādhipa
pūjayetsopavāsastu devadevaṃ trilocanam
liṅgevāpyatha cārcāyāṃ kamale yadivā sthale
ghṛtacīrābhiṣekeṇa snānena vividhena vā
gandhamālyanamaskāradīpadhūpānna sampadā
gītena nṛtyavādyena vahnisantarpaṇena ca
brāhmaṇānāñca pūjābhiryathāvanmanujottama
vratāvasāne dattvā tu tathā dhenuṃ payasvinīṃ
pauṇḍarīkamavāpnoti svargalokañca gacchati
aṣṭamīdvitayaṃ kṛtvā tathā saṃvatsaraṃ naraḥ
prāpyāśvamedhasya phalaṃ yathāva
dbhuktā ca bhogān suranākaloke
lokānavāpyātha maheśvarasya
sāyujyamāpnotyacireṇa tasya
iti viṣṇudharmottoroktaṃ maheśvarāṣṭamīvratam
atha vasuvratam
mārkaṇḍeya uvāca
dhruvo'dhruvaśca somaśca āpaścaivānilo'nalaḥ
pratyūṣaśca prabhāṣaśca aṣṭau te vasavaḥ smṛtāḥ
aṣṭātmā vāsudevo'yaṃ prabhāvinādayena ca
aṣṭamyāṃ pūjayedyastu sopavāsī narādhipa
caitramāsādathārabhya śuklapakṣācca yādava
maṇḍale pyathavārcāsu japecca manujādhipa
gandhamālyanamaskāradīpadhūpānnasampadā
vahniḥsnānena rājendra tathādhaḥśayanena ca
vratānte tu sadā dadyāddhenuṃ viprāya bhaktitaḥ
vratametannaraḥ kṛtvā sarvvān kāmānavāpnute
puṇḍarīkamavāpnoti kulamuddharate svakam
vasūnāṃ lokamāsādya modate'psarasannibhaḥ
mahātejāḥ satyaparohyarogovijitendriyaḥ
satyaparovinītaḥ
dhanena dhānyena tathānvitaḥ syāt
strīṇāmabhīṣṭaśca tathā bhavecca
iti viṣṇudharmottoktaṃ vasuvratam
atha kālāṣṭamīvratam
pulastya uvāca
nabhasye māsi ca tathā yāsyāt kṛṣṇāṣṭamī śubhā
yuktā mṛgaśiraṃśraiva sā tu kālāṣṭamosmṛtā
tasyāṃ sarvvakaliṅgeṣu tithau svapiti śaṅkaraḥ