Vratakhanda 109.p1.28

109.p1.28

durgānāmāni saṅkīrtya tasyā loke mahīyate
kārttike darbhamūlāni mṛdbhiḥ snāyīta bhārgava
devīṃ gandhodakaiḥ snāpya uśīraiḥ pūjya lepayet
dhūpaṃ pañcarasandeyantilatailena dīpakāḥ
pañcarasaṃ, bolarālakunduruśrīveṣṭaguggulukṛtaṃ
naivedyaṃ yāvakaṃ sarpiḥkanyā vipreṣu cātmani
bhojanaṃ svastivācyaiva dakṣiṇā prīyatāṃ śiva
anena vidhinā vatsa vidyādānaphalaṃ labhet
vedavedāṅgatattvajñastadante śivatāṃ vrajet
mārgaśīrṣe tathā māsi aṣṭamyāmaṅgiramplavā
strātvā devīṃ tataḥ strāpya tīrthatoyena bhārgava
lepayedālakaiḥ kuṣṭhaiḥ pūjā jātīgajāṅgayaiḥ
gajāṅgayairnāgakesaraiḥ
dhūpaṃ kṛṣṇāguruṃ dadyāt ghṛtairdīpān prabodhayet
dadhibhaktantu naivedyaṃ kanyāstenaiva bhojayet
śaktitodakṣiṇā deyā ātmanastacca pāraṇaṃ
umā me prīyatāṃ vācyaṃ vājapeyaphalaṃ labhet
ihaiva dhanavān bhogī dehānte brahmaṇaḥ padam
pauṣāṣṭamyāntu dūrvvāgraiḥ snātvā śuklaparicchadaḥ
jitakrodhaḥ snāpayecca devīṃ karpūravāriṇā
vilepayet kuṅkumena māṃsī bālakacandanaiḥ
dhūpaśca nirddahet prājñaḥ pūjanīyā kuruṇṭakaiḥ
kṛsaraṃ guḍanaivedyaṃ kanyā bhojyāśca tenavai
ātmanaḥ pāraṇaṃ tacca śaktyā vai daptayet dvijān
nārāyaṇī sadā prītā mama devī prasīdatu
vratena graharājendra bhūmidānaphalaṃ labhet
subhagodhanasampannaḥ parañca śivamāpnuyāt
māghamāse gavāṃ śṛṅgasradbhiḥ snātvā tu bhārgava
devīṃ tīyena saṃsnāpya tathā kṣīraghṛtena ca
snāpayeta punastoyaiḥ kuṅkumena vilepayet
dhūpaṃ devadalaṃ dadyāt kundapuṣpaistu pūjayet
ghṛtapūrṇañca naivedya' kanyā viprāṃśca tena vai
bhojayedātmanastacca dakṣiṇā prīyatāṃ jayā