Vratakhanda 114.p2.10

114.p2.10

rājñā saha raviṃ rājaṃ strailokyodyotakārakaṃ
gandhapuṣpai stathādhūpairnaivedyairbhaktitorcayet
aviyogavrataṃ pārtha mantreṇānena tadrataḥ
aviyogā dṛḍhamanā cetasyādhāya keśavaṃ
śaṅkara padmayoniñca raviṃ gaganabhūṣaṇaṃ
idamuccārayet pārtha kṛtvā tatpūjanaṃ namaḥ
sahasraśīrṣāpuruṣaḥ padmanābho janārddanaḥ
byāsarṣikapilācāryyau bhagavān puruṣottamaḥ
nārāyaṇo'tha madhuhā viṣṇu rdāmodaro hariḥ
mahāvarāho govindaḥ keśavo garur̤adhvajaḥ
śrīdharaḥ puṇḍarīkākṣo viśvarūpa strivikramaḥ
upendro vāmano rāmo vaikuṇṭho mādhavo bhuvaḥ
vāsudevo hṛṣīkeśaḥ kṛṣṇaḥ saṅkarṣaṇo'cyutaḥ
aniruddho mahāyogau pradyumno'nanta eva ca
nityaṃ mamāstu suprītaḥ śrīkaṇṭho'riniṣūdanaḥ
umāpati nīlakaṇṭhaḥ sthāṇuḥ śambhu rbhago'rihā
īśāno bhairavaḥ śūlī tryambaka stripurāntakaḥ
kapardī gopatisiṅgī mahākālo vṛṣadhvajaḥ
śivaḥ sarvvo mahādevo rudro bhūtagaṇeśvaraḥ
mamāstu saha pārvvatyā śaṅkaraḥ śaṅkaraḥ sadā
brahmā śambhu vibhu sraṣṭā pauṣkaraḥ prapitāmahaḥ
hiraṇyagarbho vedaṅgaḥ parameṣṭhī prajāpatiḥ
vedhāścaturmukhaḥ karttā svayambhūḥ kamalāsanaḥ
viriściḥ padmayoniśca mamāstu varadaḥ sadā
ādityo bhāskaro bhānuḥ sūryyo'rkaḥ savitā raviḥ
mārttaṇḍo maṇḍalo dyoto raśmimālī grahāgraṇīḥ
prabhākaraḥ saptasapti staraṇi dhumaṇiḥ khagaḥ
divākaro dinakaraḥ sahasrāṃśu rmarīcimān
padmaprabodhanaḥ pūṣā jagaccakṣu dhuṃbhūṣaṇaḥ
dvādaśātmā mahātejā mitraḥ kālāntako hariḥ
nikṣubhāvallabho devaḥ suprīto'stu sadā mama
lakṣmīḥ śrīḥ kamalā padmā vibhūti rharivallabhā
pārvvatī lalitā gaurī umā śambhupriyā satī