Vratakhanda 114.p2.2

114.p2.2

saṅgame saritāṃ snātvā dvādaśīṃ samupoṣitaḥ
samagraṃ samavāpnoti dvādaśadvādaśīphalaṃ
dvādaśyāmupavāsīca trayodaśyāntu pāraṇaṃ
nimiṣamapikarttavyamityājñā parameśvarī
budhaśravaṇasaṃyuktā saiva cet dvādaśī bhavet
atīva mahatī tasyāṃ sarvaṃ hatamihākṣayaṃ
dvādaśī śravaṇopetā yadā bhavati bhārata
saṅgame saritāṃ snātvā gaṅgādisnānajaṃ phalaṃ
sopavāsamavāpnoti nātra kāryā vicāraṇā
jalapūrṇaṃ tadā kumbhaṃ sthāpayitvā vicakṣaṇaḥ
pañcaratnasamopetaṃ sopavītaṃ supūjitaṃ
tasya skandhe sughaṭitaṃ sthāpayitvā janārddanaṃ
yathā śaktyā svarṇamayaṃ śaṅkhacakra vibhūṣitaṃ
sthāpayitvā vidhānena sitacandanacarcitaṃ
sitavastrayugacchannaṃ chatropānadyugānvitaṃ
śrīṃ namovāsudevāya śiraḥ saṃpūjayettataḥ
śrīdharāya mukhaṃ taddat vaikuṇṭhāya dṛśo namaḥ
namaḥ śrīpataye vaktaṃ bhujau sarvvāstradhāriṇe
vyāpakāya namaḥ kukṣī keśavāyodaraṃ namaḥ
trailokyajanakāyeti meḍhraṃ saṃpūjayennaraḥ
sarvvādhipataye jaṅke pādau sarvvātmane namaḥ
anena vidhinā rājan puṣpai dhūpaiḥ samarcayet
tatastasyāgrato deyaṃ naivedyaṃ ghṛtapācitaṃ
modakāṃśca navān kumbhān śaktyā dadyācca dakṣiṇāṃ
evaṃ saṃpūjya govindaṃ jāgaraṃ tatra kārayet
prabhāte vimale snātvā saṃpūjya garur̤adhvajaṃ
puṣpadhūpādi naivedyaiḥ phalaiścai stai suśobhanaiḥ
puṣpāñjaliṃ tato datvā mantrametamudīrayet
namo namaste govinda budhaśravaṇasaṃjñaka
aghoghasaṃcayaṃ kṛtvā sarvvasaukhyaprado bhava
anantaraṃ brāhmaṇedaṃ vedavedāṅgapārage
purāṇajñe viśeṣeṇa vidhivaktaṃ pradāpayet
prīyatāṃ devadeveśomama nityaṃ janārddana
hemādriḥ| [vratakhaṇḍaṃ 15 adhyāyaḥ