Vratakhanda 114.p2.30

114.p2.30

satyabhāmeti me nāma namāmi caraṇau tava
iti śrutvā tu vacanaṃ vismayotphullalocanā
novāca kiñcitcārvaṅgī atyarthaṃ vismitābhavat
etasminneva kāle ca vāguvācāśarīriṇī
tava dānaprabhāvena satyavrataparāyaṇe
surūpā hādaśoputtraṃ devānāmapi durlabhaṃ
devyuvāca
karmaṇā kena kartavyaṃ kimācāraṃ vadakha me
niyamaṃ homadānañca prasādaḥ sambidhīyatāṃ
īśvara uvāca
pauṣamāsantu saṃprāpya puṣyarce tu suśodhayet
tasyāṃ rātrau saṃyatātmā dhyātvā viṣṇuṃ sanātanaṃ
śvetā gaurekavarṇā ca tasyā grāhyaṃ ca gomayaṃ
antarikṣāt prapatitaṃ śuci maunamavāsthitaḥ
tasyāḥ kṛtvā hutīnāṃ ca śatamaṣṭottaraṃ tilaiḥ
pratīcyekādaśīṃ kṛṣṇāṃmupavāsa parāyaṇaiḥ
bhāvyaṃ niyamasaṃyuktairviśeṣeṇāṃ yatātmabhiḥ
snātvā nadyāṃ tar̤āge vā viṣṇumevātha cintayet
sauvarṇañca hariṃ kṛtvā rūpyaṃ vāsaḥ svaśaktitaḥ
tilapātroparikhe ca nyaset kumbhe sadravyake
tato viṣṇu pūjā
iti saṃpūjya vidhinā puṣpai dhūpai sacandanaiḥ
naivedyaṃ tilamiśrañca phalāni vividhāni ca
arghyamantropayuktāni tadagre stavanaṃ paṭhet
namaḥ paramaśāntāya virūpākṣa namo'stute
sarvvakalmaṣa nāśāya gṛhāṇārghyaṃ namostu te
arghya mantraḥ
evaṃ saṃpūjya deveśaṃ homayeddhomamāḍutīḥ
tilānāhutisaṃyuktān mantraiḥ sahasraśīrṣakaiḥ
hṛdi dhyātvā ca deveśaṃ lakṣmīyuktaṃ sanātanaṃ
śaṅkha cakra, gadā kheṭaṃ dhyātvā devaṃ janārddanaṃ
homānte kārayecchrāddhaṃ vaiṣṇavaṃ dvijasattama
dattvā ca bhojanaṃ tebhyaḥ kṛtvā caiva pradakṣiṇa'
dharmaśravaṇasaṃyuktā jāyato tatra tāṃ niśāṃ
taṃ kumbhaṃ vaiṣṇavīṃ mūrttiṃ viprāya pratipādayet†