Vratakhanda 2.p1.3

2.p1.3

araṇyāni ca puṇyāni viśeṣātraimiṣantathā
devīpurāṇe
deśo. nadā, gayā śaila, gaṅgānarmmada, puṣkaram
vārāṇasī kurukṣetraṃ prayāgo jambukeśvaraḥ
kedāraṃ bhīmanādañca kuṇḍakaṃ puṣkarādvayam
someśvaraṃ-mahāpuṇyaṃ tathā cāmarakaṇṭakam
kāliñjaraṃ tathā vindhyaṃ yatra vāso'gṛhasya ca
sarvve śivālramāḥ puṇyāḥ sarvvā nadyaḥ śubhapradāḥ
dāna-srāno-pavāsā-vai phaladāḥ satataṃ nṛṇām
viṣṇuḥ | cāturvvarṇyavyavasthānaṃ yasmin deśe na vidyate
taṃ mlecchadeśaṃ-jānīyādāryyāvarttastataḥ param
bodhāyanaḥ
ānarttakāṅgamagadhāḥ surāṣṭrā dakṣiṇāpathaḥ
tathā ca sindhu, sauvīrāṃ ete saṅkīrṇayonayaḥ
pānarttaḥ
yasmin deśe śāstāḥ
tathā, paṅgāṃ sa kurute pāpaṃ yaḥ kaliṅgāt prapadyate
ṛṣayo niṣkṛtiṃ tasya prāhurvaiśvānaraṃ haviḥ
atha śraddhānirūpaṇam
āha bhagavatī śrutiḥ
śraddhayāgniḥ samidhyate śraddhayā hūyate haviḥ
śraddhā bhagasya mūrddhani vacasā vedayāmasītyādiḥ
manuḥ | śraddhā pūtaṃ vadānyasya hatamaśraddhayetarat
śraddhayeṣṭañca pūttaṃ ca nityaṃ kuryyāt prayatnataḥ
vahni purāṇe
śraddhā pūrvāḥ sarvvadharmāḥ śraddhāmadhyā, nta, saṃsthitāḥ
śraddhāniṣṭhāḥ pratiṣṭhāśca dharmāḥ śraddhaiva kīrttitāḥ
śrutimātrarasāḥ sūkṣmāḥ pradhānapuruṣeśvarāḥ
śraddhāmānreṇa gṛhyante na kareṇa na cakṣuṣā
kāyakleśairnabahubhirna caivārthasya rāśibhiḥ
dharmaḥ saṃprāpyate sūkṣmaḥ śraddhā hīnaiḥ surairapi
śraddhā dharmaḥ paraḥ sūkṣmaḥ śraddhā jñānaṃ parantapaḥ
śraddhā svargaśca mokṣaśca śraddhā sarvvamidaṃ jagat
sarvvasvañjīvitaṃ vāpi dadyādaśraddhayā yadi
nāpnuyāt sakalaṃ kiñcit śraddadhānastato bhavet