Vratakhanda 96.p6.6

96.p6.6

vāsodānaṃ tathā dhānyaphaladānasamanvitam
etānyeva yāni śayane dattāni gāṅgeya matra suvarṇam
evaṃ karoti yaḥ samyak naromāsacatuṣṭayam
tasya janmatrayaṃ vīra gṛhabhaṅgo na jāyate
bodhimvanantara dvitīyāyāṃ samāptirityarthaḥ
tasya janmabhavaṃ yāvat gṛhabhaṅgo na jāyate
aśūnyaśayanaścaiva dharmakāmārthasādhakaḥ
bhavatyavyāhateśvaryyaḥ puruṣo nātra saṃśayaḥ
nārī ca pārtha dharmajñā vratameva yathāvidhi
yā karoti na sā proktā bandhuvargasya jāyate
vaidhavyaṃ daurbhagalañca bharttṛtyāgaśca saptama
prāpnoti janmatritayaṃ na sā pāṇḍukulodbhava
eṣācā śūnyaśayanā nṛpate dvitīyā
khyātā samasta kaluṣāpaharā dvitīyā
enāṃ sadācarati yaḥ puruṣo'tha yoṣit
prāpnotyasau śayanamagryamahārhabhogam
padmapurāṇe tu tadeva sakalaṃ mantrādikamabhidhāya
śaṅkara uvāca
gīta vāditra nirghoṣairdeva devasya kārayet
ghaṇṭāvādanaśaktasya sarvvadevamayīṃ namaḥ
evaṃ saṃpūjya govindamaśrīyāttailavarjitam
naktamacāralavaṇaṃ yāvattatsyāccatuṣṭayam
yāmapoṣeti tu tailādivarjanāddivābhojanavarjanācca
tataḥ prabhāte sañjāte lakṣmīpatisamanvitām
dīpāmabhojanairyuktāṃ śayyāṃ dadyādvicakṣaṇaḥ
pādukopānahacchatra cāmarāsanasaṃyutām
tathābharaṇa dhānyaiśca yathā śaktyā samanvitām
avyaṅgāṅgāya viprāya vaiṣṇavāya kuṭumbine
dātavyā vedaviduṣe na vakavratine kvacit
tatropavemya dāmpatyamalaṅkṛtya vidhānataḥ
patnayāśca bhojanaṃ dadyādbhakṣyabhojyasamanvitam
brāhmaṇyāpi sauvarṇīmupaskarasamanvitām
pratimāṃ deva devasya sodakumbhāṃ nivedayet
evaṃ yastu pumān kuryyādaśūnyaśayanaṃ vratam
na tasya vittavirahaḥ kadācidapi jāyate