Vratakhanda 96.p6.5

96.p6.5

śayyā mamāpyaśūnyāstu tathātra madhusūdana
viṣṇurahasye punarime mantrāḥ
patnī bharttu viyogañca bharttā bhāryyāsamudbhavam
nāpnuvanti yathā duḥkhaṃ dāmpatyāni tathā kuru
yathā śriyā viyuktastvaṃ lakṣmīrrdeva tvayā yathā
prasādāttava deveśa sthitirastu tathāvayauḥ
mātmaputrāḥ praṇaśyantu mā dhanaṃ mākulakramaḥ
agnayo mā praṇaśyantu gṛhabhaṅgostu māvayauḥ
śeṣopanyo bhaviṣyottareṇa tulyārthaḥ
evaṃ prasādya pujāñca kṛtvā lakṣmāgastathā hareḥ
phalāni dadyāt śayyāyāmapīṣṭāni jagatpateḥ
naktaṃ praṇamyāyatane hariṃ bhuñjīta vāgyataḥ
candrodaye snānapūrvvaṃ pañcagavyena saṃyutam
viprāya dakṣiṇāṃ dattvā svaśaktyā phalasaṃyutama
hariṃ praṇamya naktaṃ bhuñjītetyanvayaḥ
anena vidhinā rājan yāvenmāsacatuṣṭayam
kṛṣṇapace dvitīyāyāṃ prāguktavidhinācaret
kārttiketvatha saṃprāpte śayyāṃ śraukāntasaṃyutām
sopaskarāṃ sodakubhāṃ sājñāṃ dadyāt dvijātaye
pratimāṃsañca somāya arghaṃ dadyānmamantrakam
dadhyacatairmūlaphalaiḥ ratnaḥ sauvarṇabhājaneḥ
gaganāṅgaṇasambhūta dugdhābdhisamagodbhava
bhābhāsitadigābhoga ramānuja namo'stute
brāhmaṇāya dvitīye'hni bhaktyā deyā ca dakṣiṇā
yāni tatra mahābāho kāle santi phalāni ca
madhurāṇi na tīvrāṇi na cāpi kaṭukāni ca
dātavyāni nṛpaśreṣṭha svaśaktyā śayane nṛpa
madhurāṇi ca dattvā tu manojñatvamabhatāṃvrajet
tasmāt kaṭukatīvrāṇi sauliṅgāni ca varjayet
kharjūra mātulaṅgāni sthitena śirasā saha
phalāni śayane rājan yajñabhāgaṃ harasya tu
etānyeva tu viprāya gāṅgeyasahitāni ca
dvitīyehni pradeyāni bhaktyā śaktyā ca bhārata