Vratakhanda 99.11.1

99.11.1

yudhiṣṭhira uvāca
kena dharmeṇa nārīṇāṃ vratena niyamena ca
saubhāgyaṃ jāyate'tīva putrāśca bahavaḥ śubhāḥ
dhanadhānyaṃ hiraṇyañca vastrālaṅkārameva ca
aviyogañca satataṃ bharttuḥputraiḥ suhṛjjaneḥ
samyagākhyāhi me kṛṣṇa dayātīva hi te mayi
kṛṣṇa uvāca
śṛṇu pārtha pravakṣyāmi vratānāmuttamaṃ vratam
yaccīrtvā subhagā nārī bahapatyā ca jāyate
dhanadhānyahiraṇyādidāsīdāsaiḥ samanvitā
loke hitārthaṃ pārvvatyā umāmāheśvaravratam
samākhyātaṃ purā pārtha nādyāpi prathitaṃ bhuvi
mārgaśīrṣe site pacce tṛtīyāyāṃ samāhitā
kṛtopavāsā rājendra sarvvabhogavivarjitā
saṃveṣṭya śvetavastreṇa śivaṃ raktenacāmbikām
padmāgrūpaṃ dahennārī bhaktibhāvena bhāvitā
bhojayecchivabhaktāṃśca brāhmaṇām vedapāragān
bhaktebhyo dakṣiṇāṃ dadyācchaktyā śāṭhyaṃ vinā kṛtām
kṛtopavāsā saṃkalpitopavāsā
nātvā saṃpūjya lalitāṃ harakāyārddhavāsinīṃ
gītavādyādikaṃ kṛtvā kṣapayitvā kṣitau kṣaṇaṃ
tataḥ prabhātasamaye snānaṃ cārucime jale
dhṛtvā śuklāmbaradhārī vākyametadudīrayet
namonamaste deveśa umādehārddhadhāraka
mahādeva namastubhyaṃ harakāyārddhavāsinīm
hṛdi kṛtvā śivaṃ devī japet yāvahṛhaṃ vrajet
pūjayeddevamīśānaṃ puṣpaiḥ kālodbhavaiḥsataḥ
vāmapārśve sthitāṃ devīṃ dakṣiṇe tu maheśvaram
dhūpaṃ sagugguluṃ cāmve dahetdhyānaparāyaṇā
naivedyaṃ vividhaṃ deyaṃ ghṛtapakvaṃ svaśaktitaḥ
kārayedvaiśvadevantu tilājyena susaṃskṛtam
pañcagavyaṃ tataḥ prāśya havyaṃ bhuñjīta vāgyatā
evaṃ dvādaśamāsāṃstu pūjayitvā maheśvarau
udyāpanaṃ tataḥ kuryyāt prahṛṣṭenāntarātmanā
śivaṃ raupyamayaṃ kuryyādumāṃ hemamayīntathā