Vratakhanda 99.11.2

99.11.2

ārūḍhau vṛṣabhe gaurī sarvvālaṅkārabhūṣitā
candanena śivaṃ carcya kuṅku mena tu pārvatīm
abhyarcayet kusumaiḥ paścāt sugandhaiḥ sumanoharaiḥ
tataḥ pradakṣiṇaṃ kṛtvā mantrametadudīrayet
umāmāheśvaro devau sarvvalokapitāmahau
vratenānena suprītau bhavatāṃ mama sarvvadā
evamuktvā jitakrodhā brāhmaṇe vedapārage
vrataṃ nivedayedbhaktyā vācake vā guṇānvite
evaṃ kṛtvā vrataṃ nārī maheśāḷpatamānasā
prayāti paramaṃ sthānaṃ yatra devī śivapriyā
tatraiva sā vasettāvadyāvadindrāścaturddaśa
apsarobhiḥ parivṛtā kinnarobhistathaiva ca
yadā mānuṣatāṃ yāti jāyate vimale kule
nṛpa saukhya samāpnoti putra pautrasutādibhiḥ
mṛtā śivapuraṃ yāti śivayā saha modate
haimomumāṃ rajatapiṇḍamayaṃ maheśam
raupye surūpavṛṣabhe samupasthito to
saṃpūjya raktasitavastrayugopagūḍhau
nārī bhavatyavidhavā sutasaukhyayuktā
iti bhaviṣyotsaroktamumāmaheśvara vratam |yudhiṣṭhira uvāca
śuklapakṣe tṛtīyāsu bahavaḥ samudāhṛtāḥ
ānantaryyavrataṃ brūhi tṛtīyobhayasaṃyutā
hitāya vrataśīlānāṃ nārīṇāñca viśeṣataḥ
nāma prāśana naivedyaṃ māsi māsi pṛthagvidham
kṛṣṇa uvāca
brahma viṣṇu maheśādyairyatproktaṃ surasattamaiḥ
apūtrvaṃ sarvva tantrāṇāmānantaryyavrataṃ śṛṇu
mārgaśīrṣe mahārāja vratametatsamābharet
naktaṃ kuryyāt dvitīyāyāṃ tṛtīyāyāmupoṣitā
urjā devīṃ samabhyarccā puṣpadhūpādibhiḥ kramāt
śarkarāputrikāṃ dadyādyathāśaktyā ca bhaktitaḥ
dadhi saṃ prāśayedrātrau svapedekākinau bhuvi
prabhāte vidhivadvipra mithunaṃ bhojayennṛpa
aśvamedhaphalāvāptirjāyate nātra saṃśayaḥ
tathā kṛṣṇatṛtīyāyāṃ sopavāso jitendriyaḥ