Vrataraja (Vishvanatha Sangameshvara) 2.1.18

2.1.18

rājato niṣka ityarthaḥ|| suvarṇaniṣkastu catuḥsauvarṇiko niṣko vijñeyastu pramāṇata itimanūktaḥsacapalasamānaeva || ko
tra kārṣāpaṇa ityapekṣāyāṃ deśabhedena kārṣāpaṇo bhinna ityāha hemādrau nāradaḥ|| kārṣāpaṇo dakṣiṇasyāṃ diśiraupyaḥ pravartate
paṇairnibaddhaḥ pūrvasyāṃ ṣoḍaśaiva paṇāḥ satu || ṣoḍaśapaṇā aṣṭau ḍhabbūkāḥ kārṣāpaṇaḥ pūrvasyāmityarthaḥ || tāvatālabhyaṃ rūpyaṃ da
kṣiṇasyāṃ sa iti dvaitanirṇaye || līlāvatyām || varāṭakānāṃ daśakadvayaṃ yatsā kākiṇītāśca paṇaścatasraḥ || te ṣoḍaśa dramma
ihāvagamyo drammaistathā ṣoḍaśabhiśca niṣka iti || atha dhānyamānaṃ bhaviṣye || paladvayaṃ tu prasṛtaṃ dviguṇaṃ kuḍavaṃ matam|| catu
rbhiḥ kuḍavaiḥ prasthaḥ prasthāścatvāra āḍhakaḥ || āḍhakaistaiścaturbhiborderśca droṇastu kathito budhaiḥ || kuṃbho droṇadvayaṃ śūrpaḥ khārī droṇā
stu ṣoḍaśa || droṇadvayasyaiva śūrpa iti saṃjñā || palaṃ ca kuḍavaḥ prastha āḍhako droṇa eva ca || dhānyamāneṣu boddhavyāḥ kramaśaḥ
'mī caturguṇāḥ || droṇaiḥ ṣoḍaśabhiḥ khārī viṃśatyā kuṃbha ucyate || kuṃbhaistu daśabhirvāho dhānyasaṃkhyāḥ prakīrtitāḥ || viṃśatye
tyatrāpi droṇairiti saṃbadhyate || tathā ca || kuṃbho droṇadvayamiti pakṣādviṃśatidroṇamitaḥ kuṃbha iti pakṣāṃtaram || droṇāḍhaka
yoḥ parimāṇāṃtaramuktaṃ parāśareṇa || vedavedāṃgavidbhiprairdharmaśāstrānupālakaiḥ || prasthāddvātriṃśatirdroṇaḥ smṛto dviprastha ā
ḍhaka iti || eteṣāṃ nyūnādhikapakṣāṇāṃ śaktideśakālādyapekṣayā vyavasthā jñeyā || atha homadravyamānaṃ siddhāṃtaśekhare