Kamasutra 22.54

22.54

mahānasikasyeti | mahānasaviṣayaṃ karma mahānasikamityuktam, bhaktagrahaṇamupalakṣaṇārtham bhaktādiśākārthasya karmaṇastattacchāstroktena vidhinā darśanaṃ, strīṇāṃ pradhānavidyātvād, saṃyuktayoriti | ekakāṣṭhaghaṭitayoḥ strīpuṃsayormaithunayoraviprayogārthaṃ darśanam, ajaiḍakānāṃ kāṣṭhamayānām, upalakṣaṇārthatvād gavāśvādīnāṃ ca, mṛdā vaṃśavidalaiḥ kāṣṭhairvā vinirmitānāṃ devakulānāṃ devagṛhāṇāṃ ca, śukādipañjarāṇāṃ mṛdādinirmitānāṃtatra madanasārikā paṭhati, jalabhājanānāṃ śaṅkhaśuktikhaṇḍānāṃ mṛtkāṣṭhaśi lānirmitānāṃ, vicitrāṇāṃ varṇikayā''kṛtiyuktānāṃ saṃsthānavatāṃ, yantrakāṇāmiti | yantramātṛkoktānāṃ, vīṇikā svalpavīṇā, piṇḍolikā yatra duhitṛkāḥ sthāpyante, paṭolikā yatra. prasādhanaṃ vidhīyate, śyāmavarṇakaṃ rājāvartacūrṇaṃ citrakarmopayogi patrāṇi tāmbūlasya, kālayuktānāmiti | yasminkāle yenārthinī, tatra tasya darśanamityarthaḥ, śaktiviṣaya iti | yasmin pracchanne svayaṃ praveṣṭuṃ sāmarthyaṃ tatra dānaṃ, kuṅkumādīnāmaprakāśayatvāt, prakāśadravyāṇāṃ kandu carry dīnāṃ prakāśadānaṃ, taireva kalpanīyatvād, sarvābhiprāyasaṃvardhakamiti | sarvābhilāṣapūrvakaṃ yadyanmamepsitaṃ tattatsaṃpādayatīti, dīyamānaṃ ca yathā pracchannamarthayet |