Kamasutra 6.27

Jayamaṅgalā 6.27

Language: Sanskrit

6.27

pakṣasyeti | pakṣasya māsasya vā'tikrāntasyāvasānike'hani, prajñātaiti | yaddinaṃ yasyā devatāyā lokaprasiddhaṃ tat prajñātam, yathā gaṇapateścaturthī, sarasvatyāḥ pañcamī, śivasyāṣṭamītyādi, tatra devatāyāḥ saṃnidhānāt , sarasvatī ca nāgarakāṇāṃ vidyākalāsvadhidevatā, tasyā āyatane pañcamyām , niyuktānāmiti | nāyakena pūjopacārakatve pratipakṣaṃ pratimāsaṃca ye niyuktā nāgarakanaṭādayo narttituṃ, teṣāṃ samājaḥ, svavyāpārānuṣṭhānena milanaṃ, yasmin pravṛtte nāgarakāḥ sāmājikā bhavanti, nityamiti | tatra tatrāhani |
anyeṣvahaḥsu dhūpavilepanaghaṭā, tasyā nibandhanamāha-

Previous: 6.26
Next: 6.28
Up: 6

Linked texts (1)

Kāmasūtra — Vātsyāyana Mallanāga, Sanskrit