Kamasutra 8.41

Jayamaṅgalā 8.41

Language: Sanskrit

8.41

ātmavāniti | tatra trivargapratipattyā vidyāsamuddeśena cātmanyāhitaguṇatvādātmavān, sahāyavimarśena mitravān, yukta iti | nāgarakavṛttānuṣṭhānena yuktaḥ svakarmaniṣṭhaḥ, bhāvajño nāyakasya nāyikāyāśca vimarśena tatsvarūpajña ityarthaḥ, dūtakavicittaparimarśaneneti phalam, alabhyāmapyayatnena striyaṃ viparimarśitāṃ sādhayata iti phalaprayojanam, evaṃbhūtasya hi strīsādhanayogyatvāt |
iti nāyakasahāyadūtakavimarśaḥ pañcamaṃ prakaraṇam, pañcamaścādhyāyaḥ | iti śrīvātsyāyanīyakāmasūtraṭīkāyāṃ yaśodhararacitāyāṃ jayamaṅgalā''khyāyāṃsādhāraṇe prathame'dhikaraṇe nāyakasahāyadūtakavimarśaḥ pañcamo'dhyāyaḥ |

Previous: 8.40
Next: 9.p1
Up: 8

Linked texts (1)

Kāmasūtra — Vātsyāyana Mallanāga, Sanskrit