Kamasutra 9.56

Jayamaṅgalā 9.56

Language: Sanskrit

9.56

devadattaḥ kāṣṭhaiḥ sthālyāmodanaṃ pacatītyādau devadattādibhiḥ kartṛkaraṇādhāraiḥ kārakaiḥ saṃbhūyaudano dṛśyate, svakāryasādhakau punarimau strīpuṃsau, yato yuvatirādhāraḥ puruṣavyāpārāpekṣaḥ svasantāneṣu sukhākhyaṃ svārthaṃ sādhayati, puruṣaśca kartā strīvyāpārāpekṣa iti, etacca bhinnārthasādhakatvaṃ kārakāṇāmayuktam, odanādāvadṛṣṭatvād, dṛśyate ca strīpuṃsayoḥ, tanna bhinnārthasādhakatve'pi kārakāṇāṃ yathā strīpuṃsayoḥ sukharūpaṃ pṛthakkāryaṃ, tathā samānākṛtitve'pi tadeva kāryaṃ kālasvarūpābhyāṃ visadṛśaṃ syādityabhiprāyaḥ |

Previous: 9.55
Next: 9.57
Up: 9

Linked texts (1)

Kāmasūtra — Vātsyāyana Mallanāga, Sanskrit