Bhagavatapurana 37.1

37.1

subodhinī—pūrvādhyāye vidyā pañcaparvopadiṣṭā tena mohaḥ sarvopyapagato daihikā dharmāstu nāpagatāstepi cedapagatā bhaveyustadā kṛtārthā bhavantīti tad viniścitya sarve gopālāḥ paramādhikāriṇo vijñāpayanti rāma rāmeti, ādare vīpsā, nāmnā "ramante yogino'nante satyānande cidātmani iti rāmapadenāsau paraṃ brahmābhidhīyate” to yathātmani ratirbhavati tathā kartavyamitiprārthanā, tatra sāmarthyamāha mahāvīryeti, ayaṃ hi jñānātmakaḥ śrutirūpa āveśī ca, bhagavantaṃ ca prārthayanti kṛṣṇa duṣṭanibarhaṇeti, 'kṣut khalu vai manuṣyasya bhrātṛvya' itiśruteḥ sadānandatirobhāvarūpā sadānandādeva gacchatīti kṛṣṇetisambodhanaṃ, yadīyaṃ kṣud bādhikā mṛtyurūpāpi bhavati tathāpi nivāraṇīyeti jñāpayitumāhurduṣṭanibarhaṇeti, sarve eva duṣṭāstvayā nivāryanta iti, strīnivāraṇe nāsmākaṃ sāmarthyaṃ, na hi vidyayā striyā kṣudrūpā strī nivartate, tadāhureṣrā vai bādhate kṣun na iti, nanu tadabhāve sadyaḥ śarīrapātaḥ syāt tato līlā bhagavatā saha na syādityāśaṅkayāhustacchāṃnti kartumarhatheti, tasyāḥ śama eva kartavyo yathā na bādhate yathājñānādidoṣanivṛttau śāstramupāyastathā kṣunnivṛttāvapi jñānarūpa eva kaścanopāyo vaktavya itibhāvaḥ |