Bhagavatapurana 38.1

38.1

subodhinī - ādau jātamanuvadati laukikanyāyena vo yuṣmākaṃ svāgataṃ suṣṭhāgamanaṃ jātamitikuśalapraśnaḥ, bāhyaṃ tu deyaṃ kimapi nāvaśiṣyata ityāha mahābhāgā iti, mahattvamāntaramapi bhāgyaṃ sūcayati tena sarvasamṛddhiḥ sākṣātkāraśca siddho nirūpitaḥ, samāgatānāṃ khedābhāvāyāhāsyatāmiti, uddeśyamarthaṃ pṛcchati karavāma kimiti, anenāsaṅgrahe saṅgrahaḥ kāraṇīyonte śuddhā gatiḥ, tad vakṣyati 'yajñapatnyastathāpara' iti, vaiṣṇavaiḥ saha saṅghaśca, atasteṣāṃ yājñikānāṃ jñānaṃ tataḥ śuddhānāṃ samāgamane sarvathaiva prapattiḥ syāt tadā taddvārā etā apyanyathā bhaveyurato yāvad yuktaṃ tāvat kariṣyāma ityāha, nanu nādhikaṃ kiñcit kartavyaṃ kintu draṣṭumevāgatā iti cet tatrāha yanna nosmākaṃ didṛkṣayā samāgatāstadupapannaṃ va itibahuvacanena kevalo bhāvo nivāritaḥ, ata āhopapannamidaṃ hi va iti, sarvasāmagrīsahito bhagavān draṣṭavya iti |
25||