Bhagavatapurana 38.30

38.30

subodhinī-kiñca teṣāmupakārārthaṃ gantavyamiti yaduktaṃ tadapi na sambhavatītyāhurgṛhṇantīti, te parigrahameva na kariṣyanti tadvākyollaṅghanenāgatatvād bhartu ragrahaṇe pitṛgṛhe sthātavyamityapi pakṣo nirākriyate pitarāviti sutā vā bhinnatayānnaṃ dāsyantīti bāndhavā vā svamadhye sthāpayiṣyantīti suhṛdo mitrāṇi vopakariṣyantīti pratyakṣaṃ bandhusāhasasya kṛtatvādanye sutarāmeva na grahīṣyanti atha yadi jātiparityāgena yatra kvacit sthātavyaṃ tarhyatraiva sthātavyaṃ, atra sthitānāṃ svargo na bhaviṣyatīti cen māstvityāhurbhavatprapadayoḥ patitātmanāṃ nānyā gatirbhavediti, pādāmre patitānāṃ pādagatireva gatiryathopānahaḥ prapadapatitavastrāṇāṃ vā, tathāsmākamapyanyā svargādigatirmā bhavatu bhartṛ bhiḥ sahitātaḥ pādagatimeva vidhehi dāsyo bhūtvā tvatsaṅge sarvatra paryaṭanaṃ, bhartrādibhayaṃ tu tava nāstyeva, tadāhurhe arindama śatrunāśaka tad gamanameva vidhehyājñāpaya |