Bhagavatapurana 38.32

Subodhinī 38.32

Language: Sanskrit

38.32

subodhinī-nanvevaṃ sati lokavedavirodhābhāvāt saṅgopyastviti cet tatrāha na prītaya iti ihāsminbhavasare'ṅgasaṅgo nṛṇāṃ prītaye na bhavati, aṅgena saṅga ātmanaiva laṅga ucito manasā vā na tvaṅge nāṅgayoriti na vaktavyaṃ bādhitatvādato lokaviruddhatvānna kartavyaṃ, kiñcaitaddhi bhaktyarthaṃ kartavyaṃ yathādhikaḥ sneho bhavatīti, tadapi na bhaviṣyatītyāhānurāgāyeti, bhavatīnāmapyetadanurāgāya na bhaviṣyati nṛṇāmapyetajjñāne, kiñca saṅgaḥ paraṃ pratibandhakaḥ sāyujyeto mayyeva mano yuñjānā acirācchīghrameva māmavāpsyatha, anenānyā gatirapi nivāritā, ṛjumārgeṇa sidhyatorthasya vakreṇa sādhanamayuktamityevamuktam |

Previous: 38.31
Next: 38.33
Up: 38

Linked texts (1)

Bhāgavatapurāṇa — Vyāsa, Sanskrit