Bhagavatapurana 3.16

3.16

vīra0 itare rjitāśca ke punaste nṛpā ityatastāna kāṃściddarśayati, pṛthuriti | arjunaḥ kārttavīryaḥ, rāmo nāma kaścidrājā, na tu dāśarathiḥ | dhundhuhā dhundhumāraḥ ||9,10|| lokaṃ rāvayati rodayatīti lokarāvaṇo rāvaṇaḥ, bhaumo narakāsuraḥ |
nānyokta ityāha vacovibhūtiriti | anyavāco vibhūtayo vacasāṃ bahutvānna pāramārthyamuttamapuruṣārthasādhanajñānamuddiśya na bhavantītyarthaḥ | “vāco vimlāpanaṃ hi tat” iti śruteḥ |
kuta itarā vācovibhūtayaḥ puruṣārthopayoginyo na syurityata āha - yatreti | yatra yasyāṃ vāci uttamaślokaguṇānuvādaḥ saṅgīyate puruṣastāmeva vācaṃ śṛṇuyāt śṛṇotvityarthaḥ | śrī haribhaktyanutpādakatvāditarā vāco heyā ityarthaḥ “anyā vāco vimuñcatha” iti śruteḥ |
jñātakalidoṣaparihāro'pi rājā lokopakārāya pṛcchati - keneti | kalerutpannān doṣān vidhamiṣyanti parihariṣyanti | upacitān samṛddhān, tadupāyasvarūpaṃ yathā yathāvat |