Bhumikhanda p13

p13

ebamākarṇya tadbākyaṃ menakā prasthitā tbarā. suta ubāca. rūpaudāryyaguṇopetā sarbbālaṅkārabhūṣitā. nandanasya banasyānte dolāẏāṃ samupasthitā .. 5 susbareṇa pragāẏantī gītaṃ bīṇāsbaropamam . tena dṛṣṭā biśālākṣī caturā cārulocanā .. 6 byabasāẏaṃ tato jñātbā tasyāniṣṭamanuttamam. indreṇa preṣitā caiṣā na ca bhadrakarā bhabet ..7 ebaṃ jñātbā jagāmātha satbaraṃ sa dbijottamaḥ. taẏā dṛṣṭastathā pṛṣṭaḥ kba yātohasi mahāmate. 8 biṣṇuśarmmā tadobāca menakāṃ kāmacāriṇīm. indralokaṃ praẏāśyāmi piturarthe tbarānbitaḥ .. 9 menakā debaśarmāṇaṃ pratyubāca priẏaṃ punaḥ. kāmabāṇaiḥ pratimnāṃhaṃ tbāmadya śaraṇaṃ gatā ..10 rakṣasba dbijaśārddūla yadi dharmmamihecchasi. yābadbi tbaṃ maẏā dṛṣṭaḥ kāmākulitacetasā .. 11 kāmānalena sandagdhā tābadeba na saṃśaẏaḥ. sambhrāntā kāmasantaptā prasādasumukho bhaba. 12 biṣṇuśarmmobāca. caritaṃ debadebasya biditaṃ me barānane. bhabatyāśca prajānāmi nāhaṃ caitādṛśaḥ śubhe .. bhabatyāstejasā rūpairanye muhyanti śobhane. biśbāmitrādaẏo debi putrohahaṃ śibaśarmmaṇaḥ .. 14 yogasiddhiṃ gatenāpi tapaḥsiddhena cābale. kāmādaẏo mahādoṣā ādābeba binirjjitāḥ .. anyaṃ bhaja biśālākṣi indralokaṃ brajāmyaham ebamuktbā jagāmātha tbarito dbijasattamaḥ .. 16 niścalā menakā jātā pṛṣṭā debena bajrinā. bibhīṣāṃ darśaẏāmāsa nānārūpāṃ punaḥpunaḥ .. 17 yathānalena sandagdhātṛṇānāṃ saṃcaẏā dbijāḥ.