Pramāṇa · Search · About · API

Brahmavaivartapurana 3.84: adhyāyaḥ 86

Brahmavaivartapurāṇa 3.84

Language
Sanskrit

adhyāyaḥ 86

3.84.1

atha ṣaḍaśītitamo'dhyāyaḥ

3.84.2

nanda uvāca
kedārakanyāprastāvātkathitaṃ karmakīrtanam .
kṛtyāstrīṇāṃ prasaṅgena tadvyāsena vada prabho .. 1 ..

3.84.3

kedārakanyā sā kā vā ko vā kedārabhūpatiḥ .
kasya vaṃśecatajjanma tanme vyākhyātumarhasi .. 2 ..

3.84.4

śrīkṛṣṇa uvāca
purātu brahmaṇāḥ putro manuḥ svāṃyabhuvastathā .
tasya strī śatarūpā ca dhanyā mānyā ca yoṣitām .. 3 ..

3.84.5

priyavratottānapādau tayoḥ putrau babhūvatuḥ .
uttānapādaputraśca dhruva eva mahāyaśāḥ .. 4 ..

3.84.6

tatputro nandasāvarṇiḥ kedāraśca tadātmajaḥ .
saptadvīpapatiḥ śrīmānkedāro vaiṣṇavaḥ svayam .. 5 ..

3.84.7

tasya rakṣānimittena satsabhāyāṃ sudarśanam .
gavāṃ lakṣaṃ śuddhaṃ svarṇaśṛṅgaṃ ca bhūṣitam .. 6 ..

3.84.8

vahniśuddhāni vastrāṇi dattāni varuṇena ca .
suvarṇānāṃ tathā lakṣaṃ sarvasasyāṃ vasuṃdharām .. 7 ..

3.84.9

maṇiratnaṃ ca muktāśca hīrakaṃ paramaṃ tathā .
māṇikyāmaśvaratnānāṃ lakṣaṃ lakṣaṃ cahastinām .. 8 ..

3.84.10

raupyaṃ pravālaṃ miṣṭānnaṃ śatadhānyācalaṃ varam .
nityaṃ nityaṃ brāhmaṇemyo dadau ca ratnabhūṣaṇām .. 9 ..

3.84.11

śatalakṣaṃ brāhmaṇānāṃ bhojayāmāsa nityaśaḥ .
jalabhojanapātrāṇi suvarṇānāṃ dadau nṛpaḥ .. 10 ..

3.84.12

suvarṇānāṃ yajñasūtramaṅgulīyakamuttamam .
āsanaṃ svarṇaratnānāṃ brāhmaṇebhyo dadau mudā .. 11 ..

3.84.13

brāhmaṇānāṃ ca lakṣaṃ ca sūpakāraṃ nṛpasya ca .
brāhmaṇānāṃ dvilakṣaṃ ca pariveṣaṇakārakam .. 12 ..

3.84.14

ghṛtakulyā madhukulyā dadhikulyā manoharāḥ .
guḍakulyā dugdhakulyā nityaṃ prārthanamīpsitam .. 13 ..

3.84.15

prātarārabhya saṃdhyāntaṃ viprāṇāṃ bhojanaṃ tathā .
duḥśināṃ bhikṣukāṇāṃ ca dhanadānaṃ yathocitam .. 14 ..

3.84.16

phalamūlāśano rājā vaiṣṇavaśca jitendriyaḥ .
sarva madarpaṇaṃ kṛtvā'japanmāṃ ca divāniśam .. 15 ..

3.84.17

ekadā sūpakāraśca tamuvāca nṛpeśvaram .
viprāṇāṃ bhojanāyaiva daśalakṣamupasthitam .. 16 ..

3.84.18

bhuñjate brāhmaṇāścādya rūkṣamannaṃ vada prabho .
kurvantu bhakṣaṇaṃ te vai viprāḥ sūpādinā nṛpa .. 17 ..

3.84.19

caturyojanaparyantamadhikāro nṛpasya ca .
yo rājā tacchatasuṇaḥ sa eva maṇḍaleśvaraḥ .. 18 ..

3.84.20

tattaddaśaguṇo rājā rājendraḥ parikīrtitaḥ .
rājendrāṇāṃ pañcalakṣaṃ nityaṃ kedārasaṃsadi .. 19 ..

3.84.21

amūlyaratnamāṇikyaṃ muktāhīraṃ maṇīśvaram .
gajaratnamaśvaratnaṃ kedārāya karaṃ dadau .. 20 ..

3.84.22

kamalākalayā jātā yajñakuṇḍasamudbhavāḥ .
vahriśuddhāṃsukādhānā ratnabhūṣaṇabhūṣitā .. 21 ..

3.84.23

kāmukī kāminīśreṣṭhā kanyā kamalalocanā .
kanyā'smi te mahārājetyuvāca nṛpatiṃ ca sā .. 22 ..

3.84.24

rājā saṃpūjya tāṃ bhaktyā tasthau patnīṃsarpya ca .
sā vijñāya prasūṃ tātaṃ kṛtvā ca vinayaṃ sudā .. 23 ..

3.84.25

yayau puṇyavanaṃ ramyaṃ tapase yamṛnāntikam .
tattapasyāvanaṃ yasmāttasmāddṛndāvanaṃ smṛtam .. 24 ..

3.84.26

tapasā varayāmāsa māṃ varaṃ ca varaṃ varam .
brahmā dadau varaṃ tasyai paśyātkṛṣṇaṃ labheṣyasi .. 25 ..

3.84.27

sa caikadā nadītīne vasante sasmitā satī .
śayānā puṣpaśayyāyāṃ ratnābharaṇabhūṣitā .. 26 ..

3.84.28

brahmā parīkṣituṃ yātaḥsādhvīṃ ca sumanoharām .
dadarśa kanyā rahasi yuvānaṃ puruṣaṃ param .. 27 ..

3.84.29

candanokṣitasarvāṅgaṃ ratnabhūṣaṇabhūṣitam .
sasmītaṃ kāmukaṃ ramyaṃ ramaṇīnāṃ ca vāñchitam .. 28 ..

3.84.30

yathā ṣoḍaśavarṣīyaṃ kumāraṃ kanakaprabham .
koṭikandarpalīlābhaṃ vītāmbaradharaṃ varam .. 29 ..

3.84.31

śaratpārvaṇācandrāsyaṃ śaratpadmasulocanam .
dṛṣṭvā taṃ ca samutthāya vāsayāmāsa saṃnidhau .. 30 ..

3.84.32

pūjāṃ cakāra bhaktyā ca phalaṃ mūlaṃ dadau mudā.
suvā sitaṃ jalaṃ dattvā praṇanāma mudā'nvitā .. 31 ..

3.84.33

pūjāṃ gṛhītvā muditaḥ sādaraṃ tāmuvāca ha .
viprarūpī ca bhagavānprajvalanbrahmātejasā ..

3.84.34

kāmukīnāṃ ca kāmyaṃ ca satīnāṃ duṣkaraṃ vraja .. 32 ..

3.84.35

dharma uvāca
bhavatī kasya kanyā vā kiṃ te nāma manohare .
kiṃ karoṣi rahasyeva tanme kathitumarhasi .. 33 ..

3.84.36

kasya hetostapasyā te kiṃ vā vāñchasi sundari .
varaṃ vṛṇīṣva bhadraṃ te yatte manasi vāñchitam .. 34 ..

3.84.37

vṛndovāca
vipra kedārakanyā'haṃ vṛndā vṛndāvane sthitā .
tapaḥ karomi rahasi cintayāmi hariṃ patim .. 35 ..

3.84.38

yadi dātuṃ samartho'si dehi me vāñchitaṃ varam .
asamartho'si cedgaccha kiṃ te praśnena brāhmaṇa .. 36 ..

3.84.39

dharma uvāca
nirīhamavitarkyaṃ ca paramātmānamīśvaram .
nirguṇaṃ ca nirākāraṃ bhaktānugrahavigraham .. 37 ..

3.84.40

kā kṣamā taṃ patiṃ kartuṃ vinā lakṣamīṃ sarasvatīm ..

3.84.41

caturbhujasya dve bhārye harervaikuṇṭhaśāthinaḥ .. 38 ..

3.84.42

goloke dvibhujasyāpi śrīvaṃśīvadanasya ca .
kiśoragopaveṣasya paripūrṇatamasya ca .. 39 ..

3.84.43

tasya bhāryā svayaṃ rādhā mahālakṣmīḥ parātparā .
brahmasvarūpā paramā paramātmānamīśvaram .. 40 ..

3.84.44

bhajate satataṃ śāntaṃ suramyaṃ śyāmasundaram .
koṭikandarpasaundaryaninditaṃ sukalevaram .. 41 ..

3.84.45

amūlyaratnābharaṇaṃ satyaṃ ca nityavigraham .
pītāmbaradharaṃ ramyaṃ dātāraṃ sarvasaṃpadām .. 42 ..

3.84.46

śrīkṛṣṇaśca dvidhārūpo dvibhujaśca caturbhujaḥ .
caturbhujaśca vaikuṇṭhe goloke dvibhujaḥ svayam .. 43 ..

3.84.47

yannimeṣo bhavedvṛnde brahmaṇaḥ patatena ca .
pañcaviṃśatsahasreṇā yugenendrasya pātanam .. 44 ..

3.84.48

caturdaśendrāvacchinnakālena brahmaṇo dinam .
tāvatīti niśā tasya vidhāturjagatāmapi .. 45 ..

3.84.49

evaṃ triṃśaddinairmāsaṃ dviṣaṭke māsi varṣakam .
evaṃ śatāyustasyaiva nibodha bodhatatparam .. 46 ..

3.84.50

yāvajjīvanaparyantaṃ sevante sanakādayaḥ .
kalpānāṃ koṭikoṭiṃ ca tanna sādhyāścayo vibhuḥ .. 47 ..

3.84.51

sahasravaktraḥ śeṣaśca sevate ca japansadā .
divāniśaṃ ca yaṃ bhaktyā kalpakoṭiśataṃ śatam .. 48 ..

3.84.52

tanna sādhyo hitakaro durārādhyaḥ parātparaḥ .
brahmā brahmāsvarūpaṃ taṃ bhajejjanmani janmani .. 49 ..

3.84.53

vaktraiścaturbhiḥ satataṃ stauti nityaṃ sanātanam .
vede'nirvacanīyaśca vedānāṃ janako vidhiḥ .. 50 ..

3.84.54

vidhātā phaladātā ca dātā ca sarvasaṃpadām .
tanna sādhyo hi bhagavānkālakālāntakaḥ .. 51 ..

3.84.55

saṃhārakartā jagatāṃ kalayā rudrarūpataḥ .
sa stauti pañcavaktreṇa ko'nyo'nyasyāpi kā kathā .. 52 ..

3.84.56

tatparaśca priyo nāsti vṛnde bhagavātaḥ śṛṇu .
sarvaśaktisvarūpā sā durgā durgatināśinī .. 53 ..

3.84.57

brahmasvarūpā paramā mūlaprakṛtirīśvarī .
nārāyaṇī viṣṇumāyā vaiṣṇavī sā sanātanī .. 54 ..

3.84.58

yanmāyayā jagadbhrāntamanitye bhramate sadā .
sā stauti bhaktyāyaṃ devaṃ vṛnde'yaṅge.divāniśam .. 55 ..

3.84.59

stauti bhaktyā svaśaktyā ca gajavaktraḥ ṣaḍānanaḥ .
dhyāyate yaṃ gaṇeśaśca sarvādau yasya pūjanam .. 56 ..

3.84.60

bhagavānsarvadeveśo jñānināṃ ca gurorguruḥ .
sidvendreṣu ca devendre yomīndre jñānināṃ gurau .. 57 ..

3.84.61

na gaṇeśātparo vidvāngaṇeśaśca surādhipaḥ .
sarasvatī ca yaṃ stotumaśaktā parameśvarī .. 58 ..

3.84.62

divāniśaṃ pādapadmaṃ bhaktyā padmā niṣevate .
yatkaṭākṣājjagatsarva paripūrṇatamaṃ śivam .. 59 ..

3.84.63

yadbhayādvāti vāto'yaṃ sūryastapati yadbhayāt .
varṣatīndro dahatyagnirmṛtyuścarati jantuṣu .. 60 ..

3.84.64

pṛthivī sevayā yasya sarvādhārā vasaṃdharā .
samṛdrā niścalāḥ śailā yasya bhītāśca sundari .. 61 ..

3.84.65

tīrthasārā ca sā gaṅgā pavitrā muktidāyinī .
jagatāṃ pāvanī devī yasya pādābjasevayā .. 62 ..

3.84.66

pavitrā tulasī devī smaraṇādyasya sevanāt .
navagrahāśca dikpālā bhītā yasya pratāpataḥ .. 63 ..

3.84.67

brahmaṇḍeṣu ca sarveṣu brahmaviṣṇuśivātmakāḥ .
anye ye ye sureśāśca śeṣādyā munayastathā .. 64 ..

3.84.68

kecitkalāsvarūpāścāpyaṃśarūpāśca kecana .
kecitkalāṃśāḥ kṛṣṇasya kecicca paramātmanaḥ .. 65 ..

3.84.69

patimicchasi kalyāṇi prakṛteḥ paramīśvaram .
goloke rādhikā sādhyo nānyeṣāṃ ca kadācana .. 66 ..

3.84.70

māṃ bhajasva mahābhāge nṛpāṇāmīśvaraṃ patim .
balavantaṃ ca devebhyo daityebhyaśca varānane .. 67 ..

3.84.71

sukhāni yāni kalyāṇi triṣu lokeṣu santi vai .
bhuṅkṣva tānyeva sarvāṇi matprasādānna saṃśayaḥ .. 68 ..

3.84.72

saptasāgalapāre ca kāñcanī rucirā vare .
devānāṃ krīḍanārthāya vidhātrā nirmitā purī .. 69 ..

3.84.73

tatraiva gacchabhadraṃ te rama rāme mayā saha .
mahendrasya priyavanaṃ puṣpodyānasamanvitam .. 70 ..

3.84.74

gaccha svarṇamayīṃ laṅkāṃ nānāratnavibhūṣitām .
tatraiva gaccha bhadraṃ te ramao .. 71 ..

3.84.75

vispandakaṃ suvasanaṃ nandakaṃ puṣpabhadrakam .
tatraiva gaccha bhadraṃ te ramao .. 72 ..

3.84.76

sumerugahvaraṃ vā'pi kṣīrorda vā manoharam .
tatraiva gaccha bhadraṃ te ramao .. 73 ..

3.84.77

satyalokaṃ brahmalokaṃ ramyaṃ sadma rahaḥsthalam .
tatraiva gaccha bhadraṃ te ramao .. 74 ..

3.84.78

malaye nilayaṃ ramyaṃ ratnendrasāranirmitam .
sugandhiyuktaṃ satataṃ śuddhaṃ candanavāyunā .. 75 ..

3.84.79

mālatī yūthikā ramyā ketakī mādhavī tathā .
cārucampakapuṣpāṇāṃ gandhena sumanoharam .. 76 ..

3.84.80

pikānāṃ bhramarāṇāṃ ca madhuradhvanisaṃyutam .
tatraiva gaccha bhadraṃ te ramao .. 77 ..

3.84.81

indrasya varuṇāsyaiva vāyorapi yamasya ca .
dhaneśvarasya bahreśca dharmasya śaśinastathā .. 78 ..

3.84.82

suramyaṃ lokameteṣāṃ madhye tevi yathecchasi .
tatraiva gaccha bhadraṃ te ramao .. 79 ..

3.84.83

ratnadvīpaṃ maṇidvīpaṃ ramyaṃ candrasarovaram .
tatraiva gaccha bhadraṃ te ramao .. 80 ..

3.84.84

ityevamuktvā saṃbhoktuṃ gacchantaṃ taṃ chalena ca .
na vāstavaparīkṣārthaṃ satītvaṃ bodhituṃ vraja .. 81 ..

3.84.85

uvāca sā nṛpasutā kopavaktrāsyalocanā .
hitaṃ satyaṃ yogayuktaṃ dharmārthaṃ ca yaśaskaram .. 82 ..

3.84.86

vṛndovāca
dhairya kuru mahābhāga śreṣṭho jātiṣu brahmaṇaḥ .
brahmaṇānāṃ tapo mūlaṃ satyaṃ vedavrataṃ dhṛtiḥ .. 83 ..

3.84.87

parastrīsahasaṃbhogaḥ svabhāvaścāpyadharmiṇām .
adharmeṇaiva he vipra duṣṭo'bhadrāṇi paśyati .. 84 ..

3.84.88

tataḥ sapatne jayati samūlastho vinaśyati .
pativratānāṃ gamane balātkāreṇa niścitam .. 85 ..

3.84.89

mātṛgāmī bhavetsadyo brahmahatyāśataṃ bhavet .
kumbhīpāke pacyate ca yāvaccandradivākarau .. 86 ..

3.84.90

pradagdhastailatapteṣu na mṛtaḥ sūkṣmadehataḥ .
tāḍito yamadūtaiśca lohadaṇa़ḍena mūrdhani .. 87 ..

3.84.91

kṣaṇaṃ sukhaṃ ciraṃ duḥkhaṃ sarvanāśasya kāraṇam .
agamyāgamanaṃ duḥkhaṃ dharmiṣṭho naiva vāñchati .. 88 ..

3.84.92

kṣamasvagaccha bhadraṃ te brāhmaṇa jñānadurbala .
yathā dīpaśikhāṃ dṛṣṭvā kīṭaḥ patati niścitam .. 89 ..

3.84.93

miṣṭaṃ dṛṣṭvā baḍīśāgre lubdhamīno mṛgo yathā .
yathā viṣāktaṃ bhakṣyaṃ ca bhuṅkte bhoktā bubhukṣitaḥ .. 90 ..

3.84.94

gṛhṇāti duṣṭo duṣṭaṃ ca viṣakumbhaṃ payomukham .
tathā dṛṣṭvā parastrīṇāṃ mukhapadmaṃ manoharam .. 91 ..

3.84.95

vināśabījaṃ mohena bhrānto bhavati lampaṭaḥ .
mukhaṃ ca ruciraṃ strīṇāṃ śroṇiyugmaṃ manoharam .. 92 ..

3.84.96

kāmādhāraṃ nāśabījamadharmasthalameva ca .
bhagaṃ narakakuṇḍaṃ ca lālāmūtrasamanvitam .. 93 ..

3.84.97

durgandhiyuktaṃ pāpaṃ ca yamadaṇḍasya kāraṇam .
yathā liṅgaṃ viśatyeva pāpayonau ca yoṣitām .. 94 ..

3.84.98

tathā pumānviśatyeva raurave ca yuge yuge .
rahasyaṃ cā''padaṃ dṛṣṭvā māṃ tavaṃ dharṣitumicchasi .. 95 ..

3.84.99

atraiva sarvadevāśca lokapālāśca brāhmaṇā .
jājvalyamāno dharmaśca sākṣī śāstā ca karmaṇām .. 96 ..

3.84.100

yamaśca daṇa़ḍakartā ca sthāpito hariṇā svayam .
svayaṃ kuṣṇaśca dharmātmā jñānarupo maheśvaraḥ .. 97 ..

3.84.101

durgā buddhirmano brahma cendriyāṇi surāstathā .
sarvaprāṇiṣu tiṣṭhanti sākṣiṇāḥ karmaṇāṃ dvija .. 98 ..

3.84.102

kva guptaṃ kva rahasyaṃ vā brahmaṇa jñānadurbala .
kṣamasva gaccha bhadraṃ te avadhyāśca dvijātayaḥ .. 99 ..

3.84.103

śaktā'haṃ bhamasātkartuṃ gaccha vatsa yathāsukham .
tapasyāsu mama gatamaṣṭottaraśataṃ yugam .. 100 ..

3.84.104

nāsti gortra matpituśca na mātā na pitā mama .
sarvāntarātmā bhagavānkṛṣṇo rakṣati māṃ dvija .. 101 ..

3.84.105

kṛṣṇena sthāpito dharmo māṃ ca rakṣati nityaśaḥ .
ādityaśca tathā candraḥ pavanaśca hutāśanaḥ .. 102 ..

3.84.106

brahmā śaṃbhurbhagavatī durgā rakṣati māṃ sadā .
yena śuklīkṛtā haṃsāḥ śukāśca haritāḥ kṛtāḥ .. 103 ..

3.84.107

mayūrāścitritā yena sa me rakṣāṃ kariṣyati .
anāthabālavṛddhānāṃ rakṣakāḥ sarvadevatāḥ .. 104 ..

3.84.108

nārībudvyā na māṃ dharmastyaktvā gaccheddhi sarvadā .
māṃ mātaraṃ parityajya gaccha vatsa yathāsukham .. 105 ..

3.84.109

ityevamuktvā devī sā tasthau tatra dharā yathā .
āgacchantaṃ ca saṃbhoktuṃ mā yāntaṃ bodhanena ca .. 106 ..

3.84.110

śaśāpeti ca sā kopādbrahmapandho kṣayo bhava .
kṣayo bhava durācāra he pāpiṣṭha kṣayo bhava .. 107 ..

3.84.111

punaḥ śaptaṃ svayaṃ sūryo vārayāmāsa yatnataḥ .
etasimannantare tāta tatrava jagadīśvarāḥ .. 108 ..

3.84.112

ājagmuratisaṃtrastā brahmaviṣṇuśivādayaḥ .
dharma dṛṣṭvā kalārūpaṃ rurudustridaśeśvarāḥ .. 109 ..

3.84.113

kṛtvā kroḍe'tīva kṛśaṃ kuhvā bhītaṃ yathā vidhum .
niśceṣṭaṃ malinaṃ dagdhaṃ satīkopāgninā vraja .. 110 ..

3.84.114

śrībhavānuvāca
kṣamasva vṛnde madbhakte janmamṛtyujarāhare .
dharma jīvaya madbhaktaṃ rakṣa dharma pativrate .. 111 ..

3.84.115

brahmovāca
dhvāntapūrṇa jagatsardaṃ vinā dharma babhūva ha .
kampitau candrasūryau ca śeṣaścāpi vasuṃdharā .. 112 ..

3.84.116

mahadeva uvāca
pranaṣṭaṃ ca jagatsarvaṃ vinā dharmeṇa sundari .
dharmaṃ jīvaya bhadraṃ te svasti te'stu varānane .. 113 ..

3.84.117

sūrya uvāca
varaṃ vṛṣṇīṣva bhadraṃ te yatte manasi vāñchitam .
dharmaṃ jīvaya bhadraṃ te rakṣa sṛṣṭiṃ pativrate .. 114 ..

3.84.118

ananta uvāca
dharmaṃ karoṣi tapasā kathaṃ dharmaṃ vihasi ca .
dharmaṃ jīvaya bhadraṃ te sarvadharmo bhavettava .. 115 ..

3.84.119

candra uvāca
dvijarūpadharo dharmastvāṃ parīkṣitumāgataḥ .
brahmaṇā preritaścaiva nirdoṣaśca vihiṃsitaḥ .. 116 ..

3.84.120

mahendra uvāca
tapasopānjito dharmo dharmeṇa ca phalaṃ nṛpām .
kathaṃ phalaṃ ca tapasāṃ yadi dharmaḥ kṣayaṃ gataḥ .. 117 ..

3.84.121

varuṇa uvāca
dharmaṃ jīvaya dharmiṣṭhe dharmaṃ rakṣa sanātanam .
niṣphalaṃ karmiṇāṃ karma vinā dharmeṇā dhārmike .. 118 ..

3.84.122

pavana uvāca
jagatpūtaṃ kuru śubhe dharmaṃ jauvaya sāṃpratam .
dharme pranaṣṭe tapasāṃ tavāpūrvaṃ vinaṅkṣyati .. 119 ..

3.84.123

vahniruvāca
svadharmopārjanaṃ kartumāgatā'si ca bhāratam .
vihaṃsi dharmamajñātvā punarjīvaya sundari .. 120 ..

3.84.124

yama uvāca
vedoktakarmakartaṇāsahaṃ viśve varānane .
dharmānusārātphalado dharma jīvaya satvaram .. 121 ..

3.84.125

devānāṃ vacanaṃ kṣutvā samutthāya pativratā .
namaskṛtya sureśāṃścatānuvāca tapasvinī .. 122 ..

3.84.126

vṛndovāca
ahaṃ devā na jānāmi dharmaṃ brāhmaṇarūpiṇam .
kṛtaḥ kṣayo mayā kopānmāṃ parīṅitumāgataḥ .. 123 ..

3.84.127

jīvayāmi dhruvaṃ dharmaṃ yuṣmākaṃ ca prasādataḥ .
ityevamuktvā sā vṛndā cetyuvāca vpajeśvara .. 124 ..

3.84.128

tapaḥ satyaṃ yadi mama satyaṃ ca viṣṇupūjanam .
tena puṇyena sadyo'tra dvijo bhavatu vijvaraḥ .. 125 ..

3.84.129

yadi me ca bhavetsatyaṃ vrataṃ satyaṃ tapaḥśuci .
tena puṇyena satyena dvijo bhao .. 126 ..

3.84.130

yadi nārāyaṇaḥ satyaḥ sarvātmā nityavigrahaḥ .
jñānātmakaḥ śivaḥ satyo dvijo bhao .. 127 ..

3.84.131

brahma satyaṃ ca te devāḥ prakṛtiḥ paramā yadi .
yajñaḥ satyastapaḥ satyaṃ dvijo bhao .. 128 ..

3.84.132

ityevamuktvā sā vṛndā dharma kroḍe cakāra ca .
taṃ dṛṣṭvā ca kalārūpaṃ ruroda kṛpayāsatī .. 129 ..

3.84.133

etasminnantare mūrtirdharmabhāryā śucā''kulā .
nipatya viṣṇupāde ya śirasā cetyuvāca sā .. 130 ..

3.84.134

mūrtiruvāca
he nātha karuṇāsindho dīnabandho kṛpāṃ kuru .
tūrṇaṃ jīvaya kāntaṃ me jagannātha kṛpāmaya .. 131 ..

3.84.135

patihīnā ca yā nārī pāpinī sā bhavārṇave .
yathā''syaṃ cakṣurvirataṃ prāṇahīnā yathā tanūḥ .. 132 ..

3.84.136

mitaṃ dadāti hi pitā mitaṃ bhrādā mitaṃ sutaḥ .
mitaṃ bandhurmitaṃ mātā sarvadātā patiḥ prabhuḥ .. 133 ..

3.84.137

ityevamuktvā sā devī tatra tasthau ruroda ca .
uvāca vṛndāṃ ṇagavānsarvātmā prakṛteḥ paraḥ .. 134 ..

3.84.138

śrībhagavānuvāca
tvayā''yustapasā labdhaṃ yāvadāyuśca brahmaṇaḥ .
tadeva dehi dharmāya golokaṃ gaccha sundari .. 135 ..

3.84.139

tanvā'nayā ca tapasā paścānmāṃ ca labhiṣyasi .
paścādgolokamāgatya vārāhe ca varānane .. 136 ..

3.84.140

vṛṣabhānasutā tvaṃ ca rādhācchāyā bhaviṣyasi .
matkalāṃśaśca rāyāṇastvāṃ vivāha grahīṣyati .. 137 ..

3.84.141

māṃ labhiṣyasi rāse ca gopībhī rādhayā saha .
rādhā śrīdāmaśāpena vṛṣabhānasutā yadā .. 138 ..

3.84.142

sā caiva vāstavī rādhā tvaṃ ca cchāyāsvarupiṇī .
vivāhakāle rāyāṇastvāṃ ca cchāyāṃ grahīṣyati .. 139 ..

3.84.143

tvāṃ dattvā vāstavī rādhā sā'ntardhānā bhaviṣyati .
rādhaiveti vimūḍhāśca vijñāsyanti ..

3.84.144

ca gokule .. 140 ..

3.84.145

svapne rādhāpadāmbhojaṃ na ri paśyanti ballavāḥ .
svayaṃ rādhā mama kroḍe chāyā rāyāṇakāminī .. 141 ..

3.84.146

viṣṇośca vacanaṃ śrutvā dadāvāyuśca sundarī .
uttasthau pūrṇa dharmaśca taptakāñcanasaṃnibhaḥ ..

3.84.147

pūrvasmātsundaraḥ śrīmānpraṇanāma parātparam .. 142 ..

3.84.148

vṛndovāca
devāḥ śṛṇuta madvākyaṃ durlaṅghyaṃ sāvadhānataḥ .
na hi mithyā bhavedvākyaṃ madīyaṃ ca niśāmaya .. 143 ..

3.84.149

kṣayo bhaveti vākyaṃ ca mayoktaṃ kopabhītayā .
vāratrayaṃ punarvaktuṃ vārayāmāsa bhāskaraḥ .. 144 ..

3.84.150

satye ca paripūrṇo'yaṃ yathāpūrvo yathā'dhunā .
tripādaścāpi tretāyāṃ dvāpado dvipare tathā .. 145 ..

3.84.151

ekapādaśca darmo'yaṃ kaleśca prathame hare .
śeṣe kalāṣoḍaśāṃśaḥ punaḥ satye yathā purā .. 146 ..

3.84.152

trirnirgataṃ mama mukhātkṣayastena tataḥ kramāt .
punarukte ca manasi vārayāmāsa bhāskaraḥ .. 147 ..

3.84.153

tenaiva retunā'yaṃ ca kariśeṣe kalāmayaḥ .
tathā śaptaḥ sthito durge kaliśeṣe tathā dhruvam .. 148 ..

3.84.154

etasminnantare nanda dadṛśurdevatā ratham .
golokādāgataṃ vegādatīva sundaraṃ śubham .. 149 ..

3.84.155

amūlyaratnanirmāṇaṃ hīrahārapariṣkṛtam .
maṇimāṇikyamuktābhirvastraiśca śvetacāmarai. .. 150 ..

3.84.156

vibhūṣitaṃ bhūṣaṇauśca rucirai stanadarpaṇaiḥ .
natvā hariṃ haraṃ vṛndā brahmāṇaṃ sarvadevatāḥ .. 151 ..

3.84.157

samāruṅya rathaṃ dṛṣṭvā golokaṃ ca jagāma sā .
devā jagmuśca svasthānaṃ kiṃ bhūyaḥ śrotumicchasi .. 152 ..

3.84.158

iti śrībrahmao mahāo śrīkṛṣṇajanmakhao uttao nāradanāo bhagavannandasaṃo

Linked texts (4)