Kurmapurana (Ananta Gokhale) 10.p7
Kūrmapurāṇa (Ananta Gokhale) 10.p7
- Language
- Sanskrit
10.p7
imaṃ deśaṃ samāgantuṃ kṣipramarhasi pauruṣāt || niśamya vaiṣṇavaṃ vākyaṃ praṇamya puruṣottamam | mahāpuruṣamavyaktaṃ yayau daityamahāpuram || vimuñcan bhairavaṃ nādaṃ śaṅkhacakragadādharaḥ | āruhya garur̤aṃ devo mahāmerurivāparaḥ || ākarṇya daityapravarā mahāmegharavopamam | samaṃ ca cakrire nādaṃ tathā daityapaterbhayāt || asurā ūcuḥ | kaścidāgacchati mahān puruṣo devanoditaḥ | vimuñcan bhairavaṃ nādaṃ taṃ jānīmo janārddanam || tataḥ sahāsuravarairhiraṇyakaśipuḥ svayam | sannaddhaiḥ sāyudhaiḥ putraiḥ prahlādaiḥ†stadā yayau || dṛṣṭvā taṃ garur̤ārūr̤haṃ‡ sūryyakoṭisamaprabham | puruṣaṃ parvvatākāraṃ nārāyaṇamivāparam | dudruvuḥ kecidanyonyamūcuḥ sambhrāntalocanāḥ || ayaṃ sa devo devānāṃ goptā nārāyaṇoripuḥ | asmākamavyayo nūnaṃ tatsutovā samāgataḥ || ityuktvā śastravarṣāṇi sasṛjuḥ puruṣāya te
Linked texts (4)
- Kūrmapurāṇa — Ativīrarāma Pāṇṭiyar, Sanskrit
- Viṣṇupurāṇa (critical edition) — Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit