Kurmapurana (Ananta Gokhale) 3.p14
Kūrmapurāṇa (Ananta Gokhale) 3.p14
- Language
- Sanskrit
3.p14
dvitīyaṃ tasya devasya śarīraṃ parameṣṭhinaḥ | hiraṇyagarbho bhagavān brahmā vai kanakāṇḍajaḥ || tṛtīyaṃ bhagavadrūpaṃ prāhurvedārthavedinaḥ | rajoguṇamayaṃ cānyadrūpaṃ tasyaiva dhīmataḥ || caturmukhastu bhagavān jagatsṛṣṭau pravarttate | sṛṣṭaṃ ca† pāti sakalaṃ viśvātmā viśvatomukhaḥ || satvaṃ guṇamupāśritya viṣṇurviśveśvaraḥ svayam | antakāle svayaṃ devaḥ sarvātmā parameśvaraḥ || tamoguṇaṃ samāśritya rudraḥ saṃharate jagat | eko'pi sanmahādevastridhāsau samavasthitaḥ || sargaṃrakṣālayaguṇairnirguṇo'pi nirañjanaḥ | ekadhā sa dvidhā caiva tridhā ca bahudhā guṇaiḥ‡ || yogeśvaraḥ śarīrāṇi karoti vikaroti ca | nānākṛtikriyārūpanāmavanti svalīlayā || hitāya caiva bhaktānāṃ sa eva grasate punaḥ | tridhā vibhajya cātmānaṃ trailokye saṃpravarttate || sṛjate grasate caiva vīkṣate ca viśeṣataḥ | yasmātsṛṣṭvā'nugṛhṇāti grasate ca punaḥ prajāḥ
Linked texts (7)
- Vāyupurāṇa — Vyāsa, Sanskrit
- Kūrmapurāṇa — Vyāsa, Sanskrit
- Śivapurāṇa (complete text) — Sanskrit
- Prakriyāpāda — Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit
- Kūrmapurāṇa — Ativīrarāma Pāṇṭiyar, Sanskrit