Kurmapurana (Ananta Gokhale) 37.p5
Kūrmapurāṇa (Ananta Gokhale) 37.p5
- Language
- Sanskrit
37.p5
yo hi pūjayate bhaktyā sa pūjayati† māṃ sadā || patraṃ puṣpaṃ phalaṃ toyaṃ madārādhanakāraṇāt | yo me dadāti niyataṃ sa me bhaktaḥ priyo mama || ahaṃ hi jagatāmādau brahmāṇaṃ parameṣṭhinam | vidadhau dattavānvedānāśeṣānnātmaniḥsṛtān || ahameva hi sarvveṣaṃ yogināṃ gururavyayaḥ | dhārmikāṇañca goptā'haṃ nihantā vedavidviṣām || ahaṃ hi‡ sarvvasaṃsārānmocako yogināmiha | saṃsāraheturevāhaṃ sarvvasaṃsāravarjjitaḥ || ahameva hi saṃharttā saṃsraṣṭā§ paripālakaḥ | māyā vai māmikā śaktirmāyā lokavimohanī || mamaiva ca parā śaktiryā sā vidyeti gīyate | nāśayāmi ca tāṃ māyāṃ yogināṃ hṛdi saṃsthitaḥ || ahaṃ hi sarvvaśaktīnāṃ pravarttakanivarttakaḥ | ādhārabhūtaḥ sarvvāsāṃ nidhānamamṛtasya ca || ekā sarvvāntarā śaktiḥ karoti vividhañjagat |¶
Linked texts (5)
- Kūrmapurāṇa — Ativīrarāma Pāṇṭiyar, Sanskrit
- Liṅgapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Purāṇasāra (Mādhava Vidyāraṇya) — Mādhava Vidyāraṇya, Sanskrit
- Purāṇasāra — Sāyaṇa, Sanskrit