Kurmapurana (Ananta Gokhale) 8.p4
Kūrmapurāṇa (Ananta Gokhale) 8.p4
- Language
- Sanskrit
8.p4
saiṣā sarvveśvarī devī sarvvabhūtapravarttikā | procyate bhagavān kālo hariḥ prāṇī maheśvaraḥ || tatra sarvvamidaṃ protamotañcaivākhilaṃ jagat | sa kālāgnirharo devo† gīyate vedavādibhiḥ || kālaḥ sṛjati bhūtāni kālaḥ saṃharati‡ prajāḥ | sarve kālasya vaśagā na kālaḥ kasyacidvaśaḥ§ || pradhānaṃ puruṣastattvaṃ¶ mahānātmā tvahaṅkṛtiḥ | kālenānyānitattvāni|| samāviṣṭāni yoginā || tasya sarvvajaganmūrttiḥ†† śaktirmāyeti viśrutā | tadeyaṃ bhrāmayedīśo māyāvī puruṣottamaḥ || saiṣā māyātmikā śaktiḥ sarvvākārā sanātanī | viśvarūpaṃ maheśasya sarvvadā samprakāśayet || anyāśca śaktayo mukhyāstasya devasya nirmmitāḥ | jñānaśaktiḥ kriyāśaktiḥ prāṇaśaktiriti trayam
Linked texts (4)
- Adbhutarāmāyaṇa — Vālmīki, Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit
- Kūrmapurāṇa — Ativīrarāma Pāṇṭiyar, Sanskrit