Linga 164

Liṅga 164

Language: Sanskrit

164.66-3 — 1 part

164.1

sūta uvāca
snātvā devaṃ namaskṛtya devadevamumāpatim
divyena cakṣuṣā rudraṃ nīlalohitamīśvaram

164.2

dṛṣṭvā tuṣṭāva varadaṃ rudrādhyāyena śaṅkaram
devo'pi tuṣṭyā nirvāṇa' dāsyānte karmmaṇaiva tu

164.3

tavāstīti saktañcokkā tatraivāntaradhīyata
svāyambha vo manurdevaṃ namaskṛtya vṛṣadhvajam

164.4

āruroha mahāmeruṃ mahāvṛṣamiveśvaraḥ
tatra devaṃ hiraṇyābhaṃ yogaiśvaryyasamanvitam

164.5

sanatkumāraṃ varadamapaśyad brahmaṇaḥ sutam
namaścakāra varadaṃ brahmaṇyaṃ brahmarūpiṇam

164.6

kṛtāñjalipuṭo bhūtvā tuṣṭāva ca mahādyutiḥ
so'pi dṛṣṭvā manuṃ devo hṛṣṭaromā bhavanmuniḥ

164.7

sanatkumāraḥ prāhedaṃ śṛṇuṣvā ca śṛṇānidhe !
sanatkumāra uvāca
dṛṣṭvā sarveśvarā cchāntācchaṅkarātrīlalohitāt

164.8

labdhābhiṣekaṃ samprāpto vivakṣurvada yadyapi
tasya tadvacanaṃ śrutvā praṇipatya kṛtāñjaliḥ

164.6-2

vijñāpayāmāsa kathaṃ karmaṇā nirvṛtirvibho
vaktumarhasi cāsmākaṃ karmaṇā kevalena ca

164.10

jñānena nirvṛtiḥ siddhā vibho ! miśreṇa vā kvacit
atha tasya vacaḥ śrutvā śrutisāravidāṃ nidhiḥ

164.11

sanatkumāro bhagavān karmmaṇā nirvṛtiḥ kramāt
miśreṇa ca kramādeva kṣaṇāt jñānena vai mune !

164.12

purā jñānena coṣṭatvamagamaṃ nandinaḥ prabhoḥ !
śāpāt punaḥ prasādāddhi śivamabhyarcya śaṅkaram

164.13

prasādānnandinastasya karmmaṇaiva sutohyaham
śrutvottamāṃ gatiṃ divyāmanavasyāṃ prāptavānaham

164.14

śivārttanaprakāreṇa śivadharmeṇa nānyathā
rājñāṃ ṣor̤aśadānāni nandinā kathitāni ca

164.15

dharmakāmārthamuktyarthaṃ karmaṇaiva mahātmanā
tulādirohaṇādyāni śṛṇu tāni yathātatham

164.16

grahaṇādiṣu kāleṣu śubhadeśeṣu śobhanam
viṃśaddhastapramāṇena maṇḍapaṃ kūṭameva ca

164.17

yathāṣṭādaśahaste na kalāhaste na vā punaḥ
kṛtvā vediṃ tathā madhye navahastapramāṇataḥ

164.18

aṣṭahaste na vā kāryā saptahastena vā punaḥ
dvihastā sārddhahastā vā vedikā cātiśobhanā

164.18-2

dvādaśastambhasaṃyuktā sāṅgaramyā bhramantikā
parito navakuṇḍāni caturasrāṇi kārayet

164.20

aindra īśānayormadhye pradhānaṃ brahmaṇaḥ suta !
athavā caturasrañca yoḍanyākāramataḥ param

164.21

stroṇāṃ kuṇḍāni viprendrā ! yoḍanyākārāṇi kārayet
arddhacandraṃ trikoṇañca varttulaṃ kuṇḍameva ca

164.22

ṣaḍasraṃ sarvato vāpi trikoṇaṃ padmasaṃnnibham
aṣṭāsraṃ sarvamāne tu sthaṇḍilaṃ kevalantu vā

164.23

caturddhāramasopetaṃ catustoraṇabhūṣitam
diggajāṣṭakasaṃyuktaṃ darbhamālā samāvṛtam

164.24

aṣṭamaṅgalasaṃyuktaṃ vitānopariśobhitam
tulāstambhadrumāścātra bilvādīni viśeṣataḥ

164.25

bilvāśvatthapalāśādyāḥ kevalaṃ khādirantu vā
yena stambhaḥ kṛtaḥ pūrvaṃ tena sarvantu kārayet

164.26

athavā miśramārgeṇa veṇunā vā prakalpayet
aṣṭahastapramāṇantu hastadvayasamāyutam

164.27

tulā stambhasya viṣkambho'ṣṭāṅgatastriguṇomataḥ
hyaṅgulena vihīnantu suvṛttaṃ nirvvraṇaṃ tathā

164.28

ubhayorantarañcaiva ṣaḍhaḍhastaṃ nṛpate smṛtam
iyoścaturhastakṛtamantaraṃ stambhayorapi

164.26-2

ṣaḍhaḍhastamantaraṃ jñeyaṃ stambhayorupari sthitam
vitastimātraṃ vistārī viṣkambhastāvaduttaram

164.30

stambhayostu pramāṇena uttarahārasannitam
ṣaṭ triṃśannātrasaṃyuktaṃ vyāyāmantu tulāmrakam

164.31

viṣkambhamaṣṭamātrantu yavapañcakasaṃyutam
ṣaṭ triṃśannātranāmaṃ syānnirmāṇāddatulaṃ śubham

164.32

agne mūle ca madhye ca hemapaṭṭena bandhayet
paṭṭamadhye prakarttavyamavalambanakatrayam

164.33

tāmreṇa ca prakarttavyamavalambanakatrayam
āreṇa vā prakarttavyamāyasaṃ naiva kārayet

164.34

madhye cordhvamukhaṃ kāryyamavalambaṃ suśobhanam
raśmibhistoraṇāye vā bandhayecca vidhānataḥ

164.35

jihāmikāṃ tulāmadhya torakhantu vidhīyate
uttarasya ca madhye ca śaṅku dṛḍhamanuttamam

164.36

vitāne nopari cchādya dṛḍhaṃ samyak prayojayet
śaṅkoḥ suṣirasampannaṃ valayaṃ kārayenmane !

164.37

tulāmadhye vitānena tulayā stambake tathā
valayena prayoktavyaṃ kuṇḍala' vāvalambanam

164.38

sudṛḍhañca tulāmadhye navamāṅgalamānataḥ
paṭṭasyaiva tu vistāraṃ pañcamātrapramāṇataḥ

164.36-2

aparo sudṛḍhau piṇḍau śubhadravyeṇa kārayeta
śikyādhastāt prakarttavyo paśca prādeśavistarau
sahastreṇa tu karttavyau palānāṃ dhārakāvubhau

164.40

śatāṣṭakena vā kuryyāt palaiḥ ṣaṭśatameva vā
catustālaśca karttavyaṃ vistāraṃ madhyamaṃ tathā

164.41

sārddha vitāla vistāraṃ kalaśasya vidhīyate
badhroyāt pañcapātrantu trimātraṃ ṣaṭkamucyate

164.42

caturddhāramamopetaṃ hāramaṅgalamāvakam
kuṇḍalaiśca samopetaiḥ śuklaśūdrasamanvitaiḥ

164.43

kuṇḍale kuṇḍale kāyyeṃ śṛṅkhalā parimaṇḍalam
śṛṅkhalādhāravalayamabalambena yojayet

164.44

prādeśaṃ vā caturmātraṃ bhūmestyaktvāvalambayet
ghaṭau puruṣamātrau tu karttavyau śobhanāvubhau

164.45

tau vālukābhiḥ samparṇya śivaṃ tatra vinicipet
dvihastamātramavaṭe sthāpanīyau prayatnataḥ

164.46

niḥśeṣaṃ pūrayed vidvānvātukābhiḥ samantataḥ
yena niścalatāṃ gacchedvatena mārgeṇa kārayet

164.47

śrūyatāṃ paramaṃ guhyaṃ vedikopari maṇḍalam
aṣṭamāṅgulasaṃyuktaṃ maṅgalāṅkaraśobhitam

164.48

phalapuṣpasamākīrṇaṃ dhūpadīpasamanvitam
vedimadhye prakarttavyaṃ darpaṇodarasannibham

164.48-2

ālikhenmaṇḍalaṃ pūrvaṃ caturdvārasamanvitam
śobhopaśobhāsambaddhaṃ karṇikā kesarānvitam

164.50

varṇajātisamopetaṃ pañcavarṇantu kārayet
vajraṃ prāgambare bhāge āgneyyāṃ śaktimujjvalām

164.51

ālikheddakṣiṇe daṇḍaṃ naiṛtyāṃ khaṅgamālikhet
pāśañca vāruṇe lekhyaṃ dhvajaṃ vai vāyugocare

164.52

kauveryyāntu gadā lekhyā aiśānyāṃ śūlamālikhet
śūlasya vāmadeśena cakraṃ padmantu dakṣiṇe

164.53

evaṃ likhitvā paścācca homakarma samācaret
pradhānahomaṅgāyatryā svāhā śakrāya vajraye

164.54

yamāya rākṣaseśāya varuṇāya ca vāyave
kuberātheśvarāyātha viṣṇave brahmaṇe punaḥ

164.55

svāhāntaṃ praṇavenaiva hotavyaṃ vidhipūrvakam
svaśākhāgnisukhe naiva jayādi prati saṃyutam

164.56

sviṣṭāntaṃ sarvakāryyāṇi kārayed vidhivattadā
sarvahomāgraho me ca samid pālāśamucyate
ekaviṃśati saṃkhyātaṃ mantre ṇānena homayet

ayanta idhma ātmā jātavedastenedhasva varddhasva ceddhavarddhaya cāsmān prajayā paśubhirbrahmavarcase nān‍nādyena sa
medhaya svāhā | bhūḥ svāhā bhuvaḥ svāhā svaḥ svāhā bhūrbhuvaḥ
svastathaiva ca samiddhomasya carūṇa ghaṭasya ca yathākramaṃ
śuklānnapāyasañcaiva mudgānnañcaravaḥ smṛtāḥ

164.58

sahasraṃ vā tadarddhaṃ vā śatamaṣṭottarantu vā

164.58-2

agna āyūṃṣi pavasa āsuvorjamiṣañca naḥ āre bādhasva cchunāṃ
agnirṛṣiḥ pavamānaḥ pāñcajanyaḥ purohitaḥ tamīmahe mahāgayaṃ agne pavasva svapā asme varcaḥ suvīryyaṃ dadhadrayiṃ mayi
yovaṃ prajāpate natvadetānya nyoviśvā jātāni paritā babhūva
yat kāmāste juhumastanno astu vayaṃ syāma patayorayīṇāṃ
gāyatryā ca pradhānasya samiddhomastathaivaca
caruṇā ca tathājyasya śakrādīnāñca homayet

Linked texts (5)

Liṅgapurāṇa — Vyāsa, Sanskrit
Caturvargacintāmaṇi — Hemādri, Sanskrit
Ṣoḍaśamahādānavidhi (Hemādri) — Hemādri, Sanskrit
Dānakhaṇḍa — Hemādri, Sanskrit
Dānamayūkha — Nīlakaṇṭha Dīkṣita 1600, Sanskrit

Linga 164

Contents

Linked texts (5)