Pramāṇa · Search · About · API

Naradapurana 1.116

Nāradapurāṇa 1.116

Language
Sanskrit

Contents

1.116.1

sanātana uvāca
śṛṇu nārada vakṣyāmi saptamyāste vratānyaham /
yāni kṛtvā naro bhaktyā sūryasāyujyamāpnuyāt //

1.116.2

caitre tu śuklasaptamyāṃ bahiḥ snānaṃ samācaret /
sthaṇḍile gomayālipte gauramṛttikayāstṛte //

1.116.3

likhitvāṣṭadalaṃ padmaṃ karṇikāyāṃ vibhāvam /
vinyasetpūrvapatre tu devau dvau kṛtadhātukau //

1.116.4

āgneyaṃ ca nyasenpatre gandharvauṃ kṛtakārakau /
dakṣiṇe ca nyasetpatre tathaiva rākṣasadvayam //

1.116.5

ākṛtau dvau nyasetpatre nairṛte munisattama /
kādraveyau mahānāgau paścime kṛtacārakau //

1.116.6

vāyavya yātudhānau dvau uttare ca ṛṣidvayam /
aiśānye vinyasetpatpe grahameko dvijottama //

1.116.7

teṣāṃ saṃpūjanaṃ kāryaṃ gandhamālyānulepanaiḥ /
dīpairdhūpaiḥ sanaivedyaistāṃbūlakramukādibhiḥ //

1.116.8

evaṃ saṃpūjya homaṃ tu ghṛtenāṣṭaśataṃ caret /
sūryasyāṣṭāṣṭa cānyeṣāṃ pradadyādāhutīḥ kramāt //

1.116.9

nāmamantreṇa vedyāṃ vā tataḥ pūrṇāhutiṃ dadet /
dakṣiṇā ca tato deyā dvijebhyaḥ śaktito dvija //

1.116.10

etatkṛtvā vidhaānaṃ tu sarvasaukhyamavāpnuyāt /
dehānte maṇḍalaṃ bhānorbhattvā gacchetparaṃ padam //

1.116.11

vaiśākhaśuklasaptamyāṃ jahnunā jāhnavī svayam /
krodhātpītā punastyaktā karṇarandhrāttu dakṣiṇāt //

1.116.12

tāṃ tatra pūjayetsnātvā pratyūṣe vimale jale /
gandhapuṣpākṣatādyaiśca sarvairevopacārakaiḥ //

1.116.13

tato ghaṭasahasraṃ tu deyaṃ gaṅgāvrate tvidam /
bhaktyā kṛtaṃ saptakulaṃ nayetsvargamasaṃśayaḥ //

1.116.14

kamalavratamapyatra proktaṃ tadvidhirucyate /
tilamātraṃ tu sauvarṇaṃ vidhāya kamalaṃ śubham //

1.116.15

vastrayugmāvṛtaṃ kṛtvā gandhadhūpādinārcayet /
namaste padmahastāya namaste viśvadhāriṇe //

1.116.16

divākara namastubhyaṃ prabhākara namo 'stu te /
iti saṃprārthya deveśaṃ sūrye cāstamupāgate //

1.116.17

sodakuṃbhaṃ tu tatpadmaṃ kapilāṃ ca dvijer'payet /
taddine tūpavastavyaṃ bhoktavyaṃ ca pare 'hani //

1.116.18

saṃbhojya brāhmaṇānbhaktyā vratasākalyamāpnuyāt /
nibavrataṃ ca tatreva tadvidhānaṃ śṛṇuṣva me //

1.116.19

niṃbapatraiḥ smṛtā pūjā bhāskarasya dvijottama /
khakholkāyeti mantreṇa praṇavādyena nārada //

1.116.20

niṃbapatraṃ tato 'śnīyācchayedbhūmau ca vāgyataḥ /
dvijānpare 'hni saṃbhojya svayaṃ bhuñjīta bandhubhiḥ //

1.116.21

niṃbapatravrataṃ caitatkartṛāṇāṃ sarvasaukhyadam /
saptamī śarkarākhyaiṣā proktā taccāpi me śṛṇu //

1.116.22

amṛtaṃ pibato hastātsūryasyāmṛtabindavaḥ /
niṣpeturbhuvi cotpannāḥ śālimudgayavekṣavaḥ //

1.116.23

śarkarā ca tatastasmādikṣusārāmṛtopamā /
iṣṭā raverataḥ puṇyā śarkarā havyakavyayoḥ //

1.116.24

śarkarāsaptamī caiva vājimedhapalapradā /
sarvaduḥkhopaśamanī putrasaṃtativardhinī //

1.116.25

asyāntu śarkarādānaṃ śarkarābhojanaṃ tathā /
kartavyaṃ hi prayatnena vratame tadravipriyam //

1.116.26

yaḥ kuryātparāyā bhaktyā sa vai sadgatimāpnuyāt /
jyeṣṭhe tu śuklasaptamyāṃ jāta indro raviḥ svayam //

1.116.27

taṃ saṃpūjya vidhānena sopavāso jitendriyaḥ /
svargatiṃ labhate vipra devendrasya prasādataḥ //

1.116.28

āṣāḍhaśuklasaptamyāṃ vivasvānnāma bhāskaraḥ /
jātastaṃ tatra saṃprārcya gandhapuṣpādibhiḥ pṛthak //

1.116.29

labhate sūryasāyujyaṃ viprendrātra na saṃśayaḥ /
śrāvaṇe śuklasaptamyāmavyaṅgākhyaṃ vrataṃ śubham //

1.116.29.p1

kārpāsaṃ tu caturhastaṃ sārddha vastraṃ hi gopateḥ ///

1.116.30

pūjānte prītaye deyaṃ vratametacchubhāvaham //

1.116.31

yadi ceddhastayukteyaṃ tadā syātpāpanāśinī /
asyāṃ dānaṃ japo homaḥ sarvaṃ cākṣayyatāṃ vrajet //

1.116.32

bhādre tu śuklasaptamyāmamuktābharaṇavratam /
somasya tu maheśasya pūjanaṃ cātra kīrtitam //

1.116.33

gaṅgādibhiḥ ṣoḍaśabhirupacāraiḥ samarcanam /
prārthya praṇamya visṛjetsarvakāmasamṛddhaye //

1.116.34

phalasaptamikā ceyaṃ tadvidhānamudīryate /
nālikeraṃ ca vṛntākaṃ nāraṅgaṃ bījapūrakam //

1.116.35

kūṣmāṇḍaṃ bṛhatīpūgamiti sapta phalāni vai /
mahādevasya purato vinyasyāparadorakam //

1.116.36

saptatantukṛtaṃ saptagranthiyuktaṃ dvijottama /
saṃpūjya parayā bhaktyā dhārayedvāmake kare //

1.116.37

strī naro dakṣiṇe caiva yāvadvarṣaṃ samāpyate /
saṃbhojya viprānsaptaiva pāyasena visṛjyasa tān //

1.116.38

svayaṃ bhuñjīta matimān vratasaṃpūrtihetave /
phalāni tāni deyāni saptasvapi dvijeṣu ca //

1.116.39

evaṃ tu sapta varṣāṇi kṛtvopāsya yathāvidhi /
sāyujyaṃ labhate vipra mahādevasya tadvratī //

1.116.40

āśvine śuklapakṣe tu vijñeyā śubhasaptamī /
tasyāṃ kṛtasnānapūjo vācayitvā dvijottamān //

1.116.41

ārabhya kapilāṅgāṃ ca saṃpūjya prārthayettataḥ /
tvāmahaṃ dadmi kalyāṇi prīyatāmaryamā svayam //

1.116.42

pālaya tvaṃ jagatkatsnaṃ yato 'si dharmasambhavā /
ityuktvā vedaviduṣe dattvā kṛtvā ca dakṣiṇām //

1.116.43

namaskṛtya svayaṃ vipra visṛjetprāśayetvaravayam /
pacagavyaṃ vrataṃ cetthaṃ vidhāya śvo dvijottamān //

1.116.44

bhojayitvā svayaṃ cādyāttadannaṃ dvijaśeṣitam /
kṛtaṃ hyetadgataṃ vipra subhāṣyaṃ śraddhayānvitaḥ //

1.116.45

devadevaprasādena bhuktimuktimavāpnuyāt /
atha kārtikaśuklāyāṃ śākākhyaṃ saptamīvratam //

1.116.46

tasyāṃ tu saptaśākānisasvarṇakamalāni ca /
pradadyātsaptaviprebhyaḥ śākāhārastataḥ svayam //

1.116.47

dvitīye 'hni dvijānbhojya datvā tebhyo 'nnadakṣiṇām /
visṛjya bandhubhiḥ sārddhaṃ svayaṃ bhuñjīta vāgyataḥ //

1.116.48

mārgasya sitasaptamyāṃ mitravratamudāhṛtam /
yadviṣṇordakṣiṇaṃ netraṃ tadeva kṛtavāniha //

1.116.49

adityāṃ kaśyapājjajñe mitro nāmā divākaraḥ /
ato 'syāṃ pūjanaṃ tasya yathoktavidhinā dvija //

1.116.50

kṛtvā dvijānbhojayitvā saptaiva madhurādinā /
suvarṇadakṣiṇāṃ datvā visṛjyāśnīta ca svayam //

1.116.51

kṛtvaitadvidhinā lokaṃ sṛryyasya vrajati dhruvam /
dvijobrāhmaṃ tathā śūdraḥ satkulejanma cāpnuyāt //

1.116.52

pauṣasya śuklasaptamyāṃ vrataṃ cābhayasaṃjñitam /
upoṣya bhānuṃ triḥsandhyaṃ samabhyarcya dharāsthitaḥ //

1.116.53

kṣīrasiktānnasaṃbaddhaṃ modakaṃ prasthasaṃmitam /
dvijāya datvā bhojyānyānsaptāṣṭabhyaśca dakṣiṇām //

1.116.54

pṛthavī vā suvarṇaṃ vā visṛjyāśnīta ca svayam /
abhayākhyaṃ vrataṃ tvetatsarvasyābhayadaṃ smṛtam //

1.116.55

mārtaṇḍākhyaṃ vrataṃ nāma kathayanti dvijāḥ pare /
ekameveti ca proktamekadaivatayā budhaiḥ //

1.116.56

māghe tu kṛṣṇasaptamyāṃ vrataṃ sarvāptisaṃjñakam /
samupoṣya dine tasminsampūjyādityabimbakam //

1.116.57

sauvarṇaṃ gandhapuṣpādyaiḥ kṛtvā rātrau ca jāgaram /
pare 'hni viprānsambhojya pāyasena tu sapta vai //

1.116.58

dakṣiṇāṃ nālikerāṇi tebhyo datvā guruṃ tataḥ /
sauvarṇaṃ tu raverbimbaṃ yuktaṃ dakṣiṇayā nyayā //

1.116.59

samarpya ca bhṛśaṃ prārthya visṛjyādyātsvayaṃ tataḥ /
etatsarvāptidaṃ nāma saṃproktaṃ sārvakāmikam //

1.116.60

vratasyāsya prabhāveṇa dvaitaṃ sidhyeddhi sarvathā /
māghasya śuklasaptamyāmacalākhyaṃ vrataṃ smṛtam //

1.116.61

trilocanajayantīyaṃ sarvapāpaharā smṛtā /
rathākhyā saptamī ceyaṃ cakravartitvadāyinī //

1.116.62

asyāṃ samarcya savituḥ pratimāṃ tu haimīṃ haimāśvayuktarathagāṃ tu dadetsahebhām /
yo bhāvabhaktisahitaḥ sa gato hi lokaṃ śambhoḥ sa modata ihāpi ca bhuktabhogaḥ //

1.116.63

bhāskarī saptamī ceyaṃ koṭibhāsvadgrahopamā /
aruṇodayavelāyāmasyāṃ snānaṃ vidhīyate //

1.116.64

arkasya ca badaryāśca sapta sapta dalāni vai /
nidhāya śirasi snāyātsaptajanmāghaśāntaye //

1.116.65

putrapradaṃ vrataṃ cātra prāhādityaḥ svayaṃ prabhuḥ /
yo māghasitaptamyāṃ pūjayenmāṃ vidhānataḥ //

1.116.66

tasyāhaṃ putratāṃ yāsye svāṃśena bhṛśatoṣitaḥ /
tasmājjitendriyo bhūtvā samupoṣya divāniśam //

1.116.67

pūjayedapare cāhni homaṃ kṛtvā dvijāṃ stataḥ /
dadhyodanena payasā pāyasena ca bhojayet //

1.116.68

anena vidhinā yamtu kurute putrasaptamīḥ /
labhate sa tu satputraṃ cirāyuṣamanāmayam //

1.116.68.p1

tapasyaśuklasaptamyāṃ vratamarkapuṭaṃ caret //

1.116.69

arkapatrairyajedarkamarkapatrāṇi cāśnuyāt //

1.116.70

arkanāma japecchaśvaditthaṃ cārkapuṭavratam /
dhanadaṃ putradaṃ caitatsarvapāpapraṇāśanam //

1.116.71

trivargadāmiti prāhuḥ kecidetadvataṃ dvija /
yajñavrataṃ tathāpyanye vidhivaddhomakarmaṇā //

1.116.72

sarvāsu sarvamāseṣu saptamīṣu dvijottamaḥ /
bhāskarārādhanaṃ proktaṃ sarvakāmikamityalam //

1.116.72.p1

iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsasthitasappamīvratanirūpaṇaṃ nāma ṣoḍaśādhikaśatatamo 'dhyāyaḥ

Linked texts (10)