Pramāṇa · Search · About · API

Padmapurana 1.1: prathamo'dhyāyaḥ

Padmapurāṇa 1.1

Language
Sanskrit

Contents

prathamo'dhyāyaḥ

1.1.p1

śrīviṣṇavenamaḥ

1.1.p2

svacchaṃcaṃdrāvadātaṃkarikaramakarakṣobhasaṃjātaphenaṃ

1.1.p3

brahmodbhūtiprasaktairvrataniyamaparaiḥ sevitaṃvipramukhyaiḥ

1.1.1

kārālaṃkṛtenatribhuvanaguruṇābrahmaṇādṛṣṭipūtaṃ
saṃbhogābhogaramyaṃjalamaśubhaharaṃpauṣkaraṃ vaḥpunātu

1.1.2

sūtamekāṃtamāsīnaṃvyāsaśiṣyaṃmahāmatiḥ
lomaharṣaṇanāmāvāugraśravasamāhatat

1.1.3

ṛṣīṇāmāśramāṃstātagatvādharmānsamāsataḥ
pṛcchatāṃvistarādbrūhiyanmattaḥśrutavānasi

1.1.4

vedavyāsānmayāputrapurāṇānyakhilānica
tavākhyātāniprāptānimunibhyovadavistarāt

1.1.5

prayāgemunivaryaiścayathāpṛṣṭaḥsvayaṃprabhuḥ
pṛṣṭenacānuśiṣṭāstemunayodharmakāṃkṣiṇaḥ

1.1.6

deśaṃpuṇyamabhīpsaṃtovibhunācahitaiṣiṇā
sunābhaṃdivyarūpaṃcasatyagaṃśubhavikramaṃ

1.1.7

anaupamyamidaṃcakraṃvartamānamataṃdritāḥ
pṛṣṭatoyātaniyamātpadaṃprāpsyathayaddhitam

1.1.8

gacchatodharmacakrasyayatranemirviśīryate
puṇyaḥsadeśomaṃtavyaityuvācasvayaṃprabhuḥ

1.1.9

uktvācaivamṛṣīnsarvānadṛśyatvamagātpunaḥ
gaṃgāvartasamāhāronemiryatravyaśīryata

1.1.10

ījiredīrghasatreṇaṛṣayonaimiṣetadā
tatragatvātutānbrūhipṛcchatodharmasaṃśayān

1.1.11

ugraśravāstatogatvājñānavinmunipuṃgavān
abhigamyopasaṃgṛhyanamaskṛtvākṛtāṃjali

1.1.12

toṣayāmāsamedhāvīpraṇipātenatānṛṣīn
tecāpisatriṇaḥprītāḥsasadasyāmahātmane

1.1.13

tasmaisametyapūjāṃcayathāvatpratipedire
ṛṣayaūcuḥ
kutastvamāgataḥsūtakasmāddeśādihāgataḥ

1.1.14

kāraṇaṃcāgamebrūhivṛṃdārakasamadyute
sūtauvāca
pitrāhaṃtusamādiṣṭovyāsaśiṣyeṇadhīmatā

1.1.15

śuśrūṣasvamunīngatvāyattepṛcchaṃtitadvada
vadaṃtubhagavaṃtomāṃkathayāmikathāṃtuyāṃ

1.1.16

purāṇaṃcetihāsaṃvādharmānathapṛthagvidhān
tāṃgiraṃmadhurāṃtasyaśuśruvurṛṣisattamāḥ

1.1.17

athateṣāṃpurāṇasyaśuśrūṣāsamapadyata
dṛṣṭvātamativiśvastaṃvidvāṃsaṃlaumaharṣaṇiṃ

1.1.18

tasminsatrekulapatissarvaśāstrāviśāradaḥ
śaunakonāmamedhāvīvijñānāraṇyakeguruḥ

1.1.19

itthaṃtadbhāvamālaṃbyadharmāñchuśrūṣurāhatam
tvayāsūtamahābuddhebhagavānbrahmavittamaḥ

1.1.20

itihāsapurāṇārthaṃvyāsaḥsamyagupāsitaḥ
dudohithamatiṃtasyatvaṃpurāṇāśrayāṃśubhāṃ

1.1.21

amīṣāṃvipramukhyānāṃpurāṇaṃpratisamprati
śuśrūṣā'stemahābuddhetachrāvayitumarhasi

1.1.22

sarvehīmemahātmānonānāgotrāḥsamāgatāḥ
svānsvānaṃśānpurāṇoktāñchṛṇvantubrahmavādinaḥ

1.1.23

saṃpūrṇedīrghasatresmiṃstāṃstvaṃśrāvayavaimunīn
pādmaṃpurāṇaṃsarveṣāṃkathayasvamahāmate

1.1.24

kathaṃpadmaṃsamudbhūtaṃbrahmatatrakathaṃnvabhūt
prodbhūtenakathaṃsṛṣṭiḥkṛtātāṃtutathāvada

1.1.25

evaṃpṛṣṭastatastāṃstupratyuvācaśubhāṃgiram
sūkṣmaṃcanyāyasaṃyuktaṃprābravīdraumaharṣaṇiḥ

1.1.26

prītosmyanugṛhītosmibhavadbhirihacodanāt
purāṇārthaṃpurāṇajñaiḥsarvadharmaparāyaṇaiḥ

1.1.27

yathāśrutaṃsuvikhyātaṃtatsarvaṃkathayāmivaḥ
dharmaeṣatusūtasyasadbhirdṛṣṭaḥ sanātanaḥ

1.1.28

devatānāmṛṣīṇāṃcarājñāṃcāmitatejasām
vaṃśānāṃdhāraṇaṃkāryaṃstutīnāṃcamahātmanām

1.1.29

itihāsapurāṇeṣudṛṣṭāyebrahmavādinaḥ
nahivedeṣvadhīkāraḥ kaścitsūtasyadṛśyate

1.1.30

vainyasyahipṛthoryajñevarttamānemahātmanaḥ
māgadhaścaivasūtaścatamastautāṃnareśvaram

1.1.31

tuṣṭenāthatayorddattovarorājñāmahātmanā
sūtāyasūtaviṣayomagadhomāgadhāyaca

1.1.32

tatrasūtyāṃsamutpannaḥ sūtonāmehajāyate
endresatrepravṛttetugrahayuktebṛhaspatau

1.1.33

tameveṃdraṃbārhaspatyetatrasūtovyajāyata
śiṣyahastenayatpṛktamabhibhūtaṃgurorhaviḥ

1.1.34

adharottaradhāreṇajajñetadvarṇasaṃkaram
yetrakṣatrātsamabhavanbrāhmaṇyāścaivayonitaḥ

1.1.35

pūrveṇaivatusādharmyādvaidharmāsteprakīrtitāḥ
madhyamohyeṣasūtasyadharmaḥ kṣetropajīvinaḥ

1.1.36

purāṇeṣvadhikāromevihitobrāhmaṇairiha
dṛṣṭvādharmamahaṃpṛṣṭobhavadbhirbrahmavādibhiḥ

1.1.37

tasmātsamyagbhuvibrūyāṃpurāṇamṛṣipūjitam
pitṝṇāṃmānasīkanyāvāsavaṃsamapadyata

1.1.38

apadhyātācapitṛbhirmatsyagarbhebabhūvasā
araṇīvahutāśasyanimittaṃpuṇyajanmanaḥ

1.1.39

tasyāṃbabhūvapūtātmāmaharṣistuparāśarāt
tasmaibhagavatekṛtvānamaḥ satyāyavedhase

1.1.40

puruṣāyapurāṇāyabrahmavākyānuvartine
mānavacchadmarūpāyaviṣṇaveśaṃsitātmane

1.1.41

jātamātraṃcayaṃvedaupatasthesasaṃgrahaḥ
matimaṃthānamāvidhyayenāsauśrutisāgarāt

1.1.42

prakāśojanitolokemahābhāratacaṃdramāḥ
bhārataṃbhānumānviṣṇuryadinasyuramītrayaḥ

1.1.43

tato'jñānatamoṃdhasyakāvasthājagatobhavet
kṛṣṇadvaipāyanaṃvyāsaṃviddhinārāyaṇaṃprabhum

1.1.44

kohyanyaḥ puṃḍarīkākṣānmahābhāratakṛdbhavet
tasmādahamupāśrauṣaṃpurāṇaṃbrahmavādinaḥ

1.1.45

sarvajñātsarvalokeṣupūjitāddīptatejasaḥ
purāṇaṃsarvaśāstrāṇāṃprathamaṃbrahmaṇāsmṛtam

1.1.46

uttamaṃsarvalokānāṃsarvajñānopapādakam
trivargasādhanaṃpuṇyaṃśatakoṭipravistaram

1.1.47

niḥśeṣeṣucalokeṣuvājirūpeṇakeśavaḥ
brahmaṇastusamādeśādvedānāhṛtavānasau

1.1.48

aṃgānicaturovedānpurāṇanyāyavistaram
asureṇākhilaṃśāstramapahṛtyātmasātkṛtam

1.1.49

matsyarūpeṇājahārakalpādāvudakārṇave
aśeṣametadavadadudakāṃtargatovibhuḥ

1.1.50

śrutvājagādacamunīnprativedāṃścatarmukhaḥ
pravṛttissarvaśāstrāṇāṃpurāṇasyābhavattadā

1.1.51

kālenāgrahaṇaṃdṛṣṭvāpurāṇasyatadāvibhuḥ
vyāsarūpastadābrahmāsaṃgrahārthaṃyugeyuge

1.1.52

caturlakṣapramāṇenadvāparedvāparejagau
tadāṣṭādaśadhākṛtvābhūlokesminprakāśitaṃ

1.1.53

adyāpidevalokeṣuśatakoṭipravistaram
tadevātracaturlakṣaṃsaṃkṣepeṇaniveśitam

1.1.54

pravakṣyāmimahāpuṇyaṃpurāṇaṃpādmasañjñitam
sahasraṃpañcapañcāśatpaṃcakhaṇḍaissamanvitam

1.1.55

tatrādausṛṣṭikhaṇḍaṃsyādbhūmikhaṇḍaṃtataḥparam
svargakhaṇḍaṃtataḥ paścāttataḥ pātālakhaṇḍakam

1.1.56

pañcamaṃcatataḥ khyātamuttaraṃkhaṇḍamuttamam
etadevamahāpadmamudbhūtaṃyanmayaṃjagat

1.1.57

tadvṛttāntāśrayaṃyasmātpādmamityucyatetataḥ
etatpurāṇamamalaṃviṣṇumāhātmyanirmalam

1.1.58

devadevohariryadvaibrahmaṇeproktavānpurā
brahmaṇābhihitaṃpūrvaṃyāvanmātraṃmarīcaye

1.1.59

etadevacavaibrahmāpādmaṃlokejagādavai
sarvabhūtāśrayaṃtaccapādmamityucyatebudhaiḥ

1.1.60

pādmaṃtatpaṃcapaṃcāśatsahasrāṇīhapaṭhyate
paṃcabhiḥparvabhiḥproktaṃsaṃkṣepādvyāsakāritāt

1.1.61

pauṣkaraṃprathamaṃparvayatrotpannaḥ svayaṃvirāṭ
dvitīyaṃtīrthaparvasyātsarvagrahagaṇāśrayam

1.1.62

tṛtīyaparvagrahaṇārājānobhūridakṣiṇāḥ
vaṃśānucaritaṃcaivacaturtheparikīrtitam

1.1.63

paṃcamemokṣatatvaṃcasarvatatvaṃnigadyate
pauṣkarenavadhāsṛṣṭiḥ sarveṣāṃbrahmakāritā

1.1.64

devatānāṃmunīnāṃcapitṛsargastathāparaḥ
dvitīyeparvatāścaivadvīpāḥ saptasasāgarāḥ

1.1.65

tṛtīyerudrasargastudakṣaśāpastathaivaca
caturthesaṃbhavorājñāṃsarvavaṃśānukīrttanam

1.1.66

antyepavargasaṃsthānaṃmokṣaśāstrānukīrttanam
sarvametatpurāṇe'smitkathayiṣyāmivodvijāḥ

1.1.67

idaṃpavitraṃyaśasonidhānamidaṃpitṝṇāmativallabhaṃsyāt
idaṃcadevasyasukhāyanityamidaṃmahāpātakabhiccapuṃsām

1.1.67.p1

iti śrīpadmapurāṇeprathamesṛṣṭikhaṃḍepurāṇāvatāreprathamo'dhyāyaḥ

1.1.67.p2

dvitīyo'dhyāyaṃ

1.1.67.p3

sūtauvāca

1.1.1-2

namasyesarvalokānāṃviśvasyajagataḥpatim
yaimaṃkurutebhāvaṃsṛṣṭirūpaṃpradhānavit

1.1.2-2

lokakṛllokatatvajñoyogamāsthāyayogavit
asṛjatsarvabhūtānisthāvarāṇicarāṇi ca

1.1.3-2

tamajaṃviśvakarmāṇaṃcitpatiṃlokasākṣiṇam
purāṇākhyānajijñāsurvrajāmiśaraṇaṃvibhum

1.1.4-2

brahmaviṣṇugirīśebhyonamaskṛtvāsamāhitaḥ
iṃdrāyalokapālebhyaḥ savitrecasamādhinā

1.1.5-2

munīnāṃcavariṣṭhāyavasiṣṭhāyamahātmane
tadvaktre bhātatapasejātūkarṇyāyacākṣuṣe

1.1.6-2

tasmaibhagavatenatvāvedavyāsāyavedhase
puruṣāyapurāṇāyabhṛguvākyānuvartine

1.1.7-2

tasmādahamupāśrauṣaṃpurāṇaṃbrahmavādinaḥ
sarvajñātsarvalokeṣupūjitāddīptatejasaḥ

1.1.8-2

avyaktaṃkāraṇaṃyattannityaṃsadasadātmakam
mahadādiviśeṣāṃtaṃsṛjatītiviniścayaḥ

1.1.9-2

aṇḍehiraṇmayepūrvaṃbrahmaṇaḥ sūtiruttamā
aṃḍasyāvaraṇaṃcādbhirapāmapicatejasā

1.1.10-2

vāyunātasyavāyoḥ khāttadbhūtāditaāvṛtam
bhūtādirmahatācāpiavyaktenāvṛtomahān

1.1.11-2

prādurbhāvaścalokānāmaṃḍaevopavarṇitaḥ
nadīnāṃparvatānāṃcaprādurbhāvonuvarṇyate

1.1.12-2

manvaṃtarāṇāṃsaṃkṣepātkalpānāṃcopavarṇanam
brahmavṛkṣalayabrahmaprajāsargopavarṇanam

1.1.13-2

kalpānāṃsaṃcaraścaivajagataḥsthāpanaṃtathā
śayanaṃcaharerapsupṛthivyuddharaṇaṃpunaḥ

1.1.14-2

daśadhājanmasaṃcārobhṛguśāpenakeśave
sanniveśoyugādīnāṃsarvāśramavibhājanam

1.1.15-2

svargasthānavibhāgaścamartyānāṃsvargacāriṇāṃ
paśūnāṃpakṣiṇāṃcaivasaṃbhavaḥ parikīrttitaḥ

1.1.16-2

tathānirvacanaṃkalpaṃsvādhyāyasyaparigrahaḥ
pratisargāḥ punaḥ proktābrahmaṇobuddhipūrvakāḥ

1.1.17-2

trayonye'buddhipūrvāstetathālokānakalpayat
brahmaṇovadanebhyaścabhṛgvādīnāṃsamudbhavaḥ

1.1.18-2

kalpayoraṃtaraṃproktaṃpratisaṃdhiścasargayoḥ
bhṛgvādīnāmṛṣīṇāṃcaprajāsargopavarṇanam

1.1.19-2

vasiṣṭhasyacabrahmarṣerbrahmattvaṃparikīrttitam
svāyaṃbhuvasyacamanostataścāpyanukīrtanam

1.1.20-2

uktonābhervisargaścarajasaścamahātmanaḥ
dvīpānāṃcasamudrāṇāṃparvatānāṃcakīrtanam

1.1.21-2

dvīpabhedasamudrāṇāmantarbhāvaścasaptasu
kīrtyanteyojanāgreṇayecatatranivāsinaḥ

1.1.22-2

tadīyānicavarṣāṇinadībhiḥparvataiḥsaha
jaṃbūdvīpādayodvīpāḥsamudraiḥsaptabhirvṛtāḥ

1.1.23-2

aṃḍasyāṃtastvimelokāḥ saptadvīpācamedinī
sūryācaṃdramasoścārograhāṇāṃ jyotiṣāṃtathā

1.1.24-2

kīrtyatedhruvasāmarthyātprajānāṃcaśubhāśubham
brahmaṇānirmitaḥsauraḥ syaṃdanorthavaśātsvayam

1.1.25-2

kalpito bhagavāṃstenaprasarpatidivākaraḥ
sūryādīnāṃsyaṃdanānāṃdhruvādevapravarttanaṃ

1.1.26-2

kalpitaḥśiṃśumāraścayasyapucchedhruvaḥsthitaḥ
saṃbhavāṃtecasaṃhāraḥ saṃhārāṃtecasaṃbhavaḥ

1.1.27-2

devatānāmṛṣīṇāṃcamanoḥpitṛgaṇasyaca
naśakyaṃvistarādvaktumityuktaṃcasamāsataḥ

1.1.28-2

atītānāgatānāṃvaisamaṃsvāyaṃbhuvenatu
manvaṃtareṣudevānāṃprajeśānāṃcakīrtanam

1.1.29-2

naimittikaḥprākṛtikastathaivātyaṃtikaḥ smṛtaḥ
trividhaḥsarvabhūtānāṃkalpitaḥpratisaṃcaraḥ

1.1.30-2

anāvṛṣṭirbhāskarāccaghoraḥ saṃvarttakānalaḥ
meghāścaikārṇavāyetutathārātrirmahātmanaḥ

1.1.31-2

saṃdhyālakṣaṇamuddiṣṭaṃtathābrāhmaṃviśeṣataḥ
bhūtānāṃcāpilokānāṃsaptānāmanuvarṇanam

1.1.32-2

saṃkīrtyaṃtemayācātrapāpānāṃrauravādayaḥ
sarveṣāmevasatvānāṃpariṇāmavinirṇayaḥ

1.1.33-2

brahmaṇaḥpratisargaścasarvasaṃhāravarṇanam
kalpekalpecabhūtānāṃmahatāmapisaṃkṣayaḥ

1.1.34-2

susaṃkhyāyacabuddhvāvaibrahmaṇaścāpyanityatām
daurātmyaṃcaivabhogānāṃsaṃsārasyacakaṣṭatām

1.1.35-2

durllabhatvaṃcamokṣasyavairāgyāddoṣadarśanam
vyaktāvyaktaṃparityajya satvaṃbrahmaṇisaṃsthitam

1.1.36-2

nānātvadarśanātsusthastatastadabhivarttate
tatastāpatrayātītovirūpākhyoniraṃjanaḥ

1.1.37-2

ānaṃdaṃbrahmaṇaḥprāptonabibhetikutaścana
itikṛtyasamuddeśaḥ pramāṇasyopavarṇitaḥ

1.1.38-2

kīrtyaṃtejagatoyatrasargapralayavikriyāḥ
pravṛttiścāpibhūtānāṃnivṛttīnāṃphalānica

1.1.39-2

prādurbhāvovasiṣṭhasyaśakterjanmatathaivaca
saudāsānnigrahastasyaviśvāmitrakṛtenaca

1.1.40-2

parāśarasyacotpattiradṛśyantyāṃyathāvibhoḥ
jajñepitṝṇāṃkanyāyāṃvyāsaścāpiyathāmuniḥ

1.1.41-2

śukasyacayathājanmaputrasyasahadhīmataḥ
parāśarasyavidveṣoviśvāmitrakṛtoyathā

1.1.42-2

vasiṣṭhasaṃbhṛtaścāgnirviśvāmitrajighāṃsayā
saṃdhānahetorvibhunājīrṇaḥkaṇvenadhīmatā

1.1.43-2

devenaviprāviprāṇāṃviśvāmitrahitaiṣiṇā
ekaṃvedaṃcatuḥpādaṃcaturdhāpunarīśvaraḥ

1.1.44-2

yathābibhedabhagavānavyāsaḥ sarveṣvanugrahāt
tasyaśiṣyapraśiṣyaiścaśākhābhedāḥ punaḥ kṛtāḥ

1.1.45-2

prayāgemunivaryaiścayathāpṛṣṭaḥ svayaṃprabhuḥ
kṛṣṇenacānuśiṣṭāste munayodharmakāṃkṣiṇaḥ

1.1.46-2

etatsarvaṃyathātatvamākhyātaṃdvijasattamāḥ
munīnāṃdharmanityānāṃlokataṃtramanuttamam

1.1.47-2

brahmaṇāyatpurāproktaṃ pulastyāyamahātmane
pulastyenāthabhīṣmāyagaṃgādvāreprabhāṣitam

1.1.48-2

dhanyaṃyaśasyamāyuṣyaṃsarvvapāpapraṇāśanam
kīrtanaṃśravaṇaṃcāsyadhāraṇaṃcaviśeṣataḥ

1.1.49-2

sūtenānukrameṇedaṃpurāṇaṃsaṃprakāśitam
brāhmaṇeṣupurāyaccabrahmaṇoktaṃsavistaram

1.1.50-2

pādamasyavidansamyagyodhīyītajitedriyaḥ
tenādhītaṃpurāṇaṃsyātsarvaṃnāstyatrasaṃśayaḥ

1.1.51-2

yovidyāccaturovedānsāṃgopaniṣadodvijaḥ
purāṇaṃcavijānātiyaḥ satasmādvicakṣaṇaḥ

1.1.52-2

itihāsapurāṇābhyāṃvedaṃsamupabṛṃhayet
bibhetyalpaśrutādvedomāmayaṃpratariṣyati

1.1.53-2

adhītyacaikamadhyāyaṃsvayaṃproktaṃsvayaṃbhuvā
āpadaḥprāpyamucyetayatheṣṭāṃprāpnuyādgatim

1.1.54-2

purāparaṃparāṃvaktipurāṇaṃtenavaismṛtam
niruktimasyayovedasarvapāpaiḥ pramucyate

1.1.55-2

ṛṣayohyabruvansūtaṃkathaṃbhīṣmeṇasaṅgataḥ
brahmaṇomānasaḥputraḥ pulastyobhagavānṛṣiḥ

1.1.56-2

durlabhaṃdarśanaṃyasyanaraiḥ pāpasamanvitaiḥ
atyāścaryamidaṃsūtakṣatriyeṇakathaṃmuniḥ

1.1.57-2

ārādhitobṛhadbhūtastannovadamahāmate
kīdṛśaṃvātapastenakovānyoniyamaḥ kṛtaḥ

1.1.58-2

yenatuṣṭomunirbrāhmastathātenaprabhāṣitaḥ
parvavāpyathaparvārdhaṃsamagraṃvāprabhāṣitam

1.1.59-2

yasminsthāneyathādṛṣṭaḥpulastyobhagavānṛṣiḥ
tannovadamahābhāgakalyāḥ smaśravaṇevayam

1.1.60-2

sūtauvāca
yatragaṃgāmahābhāgāsādhūnāṃhitakāriṇī
vibhidyaparvataṃvegānniḥsṛtālokapāvanī

1.1.61-2

gaṃgādvāremahātīrthebhīṣmaḥ pitṛparāyaṇaḥ
śuśrūṣuḥsuciraṃkālaṃmahatāṃniyamesthitaḥ

1.1.62-2

yāvadvarṣaśataṃsāgraṃparameṇasamādhinā
dhyāyamānaḥ paraṃbrahmatrikālaṃsnānamācarat

1.1.63-2

pitṝndevāṃstarpayataḥsvādhyāyenamahātmanaḥ
ātmānaṃkarṣataścāsyatuṣṭodevaḥpitāmahaḥ

1.1.64-2

uvācatanayaṃbrahmāpulastyamṛṣisattamam
satvaṃdevavrataṃbhīṣmaṃvīraṃkurukulodbhavam

1.1.65-2

tapasaḥsaṃnivarttasvakāraṇaṃcāsyakīrttaya
pitṝnbhaktyāmahābhāgodhyāyamānassamāsthitaḥ

1.1.66-2

yohyasyamanasaḥkāmastaṃsaṃpādayamāciram
pitāmahavacaḥ śrutvāpulastyomunisattamaḥ

1.1.67-2

gaṃgādvāramathāgatyabhīṣmaṃvacanamabravīt
varaṃvarayabhadraṃteyattemanasivarttate

1.1.68

tuṣṭastetapasāvīrasākṣāddevaḥpitāmahaḥ
brahmaṇāpreṣitastehaṃvarāndāsyāmikāṃkṣitān

1.1.69

bhīṣmopitadvacaḥśrutvāmanaḥśrotrasukhāvaham
unmīlyanayanedṛṣṭvāpulastyaṃpurataḥ sthitam

1.1.70

aṣṭāṃgapraṇipātenanatvātaṃmunisattamam
uvācapraṇatobhūtvāsarvāṃgāligitāvaniḥ

1.1.71

adyamesaphalaṃjanmadinaṃcedaṃsuśobhanam
bhavataścaraṇaudṛṣṭaujagadvedyaumayātviha

1.1.72

tapasaścaphalaṃprāptaṃyaddṛṣṭobhagavānmayā
varapradoviśeṣeṇasaṃprāptaścanadītaṭe

1.1.73

iyaṃbrasīmayāklaptāāsyatāṃ sukhadākṛtā
arghyapātretupālāśedūrvākṣatasumaiḥkuśaiḥ

1.1.74

sarṣapaiścadadhikṣaudrairyavaiścapayasāsaha
aṣṭāṃgohyeṣanirddiṣṭohyarghohimunibhiḥpurā

1.1.75

śrutvaitadvacanaṃtasyabhīṣmasyāmitatejasaḥ
upaviṣṭobrahmasutaḥpulastyobhagavānṛṣiḥ

1.1.76

viṣṭaraṃsahapādyenaarghapātraṃmudānvitaḥ
jujoṣabhagavānprītaḥsadācāreṇatenatu

1.1.77

pulastyauvāca
satyavāndānaśīlosisatyasaṃdhirnareśvaraḥ
hrīmānmaitraḥkṣamāśīlovikrāṃtaḥ śatruśāsane

1.1.78

dharmajñastvaṃkṛtajñastvaṃdayāvānpriyabhāṣitā
mānyamānayitāvijñobrahmaṇyaḥ sādhuvatsalaḥ

1.1.79

tuṣṭastehaṃsadāvatsapraṇipātaparasyavai
prabrūhitvaṃmahābhāgakathanaṃtevadāmyaham

1.1.80

bhīṣmauvāca
bhagavanbhagavānbrahmākasminkālesthitovibhuḥ
sṛṣṭiṃcakāravaipūrvaṃdevādīnāṃvadasvame

1.1.81

sthitiṃvābhagavānviṣṇuḥkathaṃrudrastunirmitaḥ
kathaṃvāṛṣayodevāssṛṣṭāstenamahātmanā

1.1.82

kathaṃpṛthvīkathaṃvyomakathaṃcemetusāgarāḥ
kathaṃdvīpāḥparvatāścagrāmāraṇyapurāṇica

1.1.83

munīnprajāpatīṃścaivasaptarṣīnpravarānapi
varṇānvāyuṃpurāsthānaṃgaṃdharvānyakṣarākṣasān

1.1.84

tīrthānisaritovāthasūryādīngrahatārakān
yathāsasarjabhagavāṃstathāmetvaṃvadasvaha

1.1.85

pulastyauvāca
paraḥparāṇāṃparamaḥparamātmāpitāmahaḥ
rūpavarṇādirahitoviśeṣaṇavivarjitaḥ

1.1.86

apakṣayavināśābhyāṃpariṇāmarddhijanmabhiḥ
guṇairvivarjitaḥsarvaiḥsabhātītihikevalam

1.1.87

sarvatrāsausamaścāpivasannanupamomataḥ
bhāvayanbrahmarūpeṇavidvadbhiḥparipaṭhyate

1.1.88

taṃguhyaṃparamaṃnityamajamakṣayamavyayam
tathāpuruṣarūpeṇakālarūpeṇasaṃsthitam

1.1.89

taṃnatvāhaṃpravakṣyāmiyathāsṛṣṭiṃcakāraha
pūrvaṃtupadmaśayanādutthāyajagataḥprabhuḥ

1.1.90

guṇavyaṃjanasaṃbhūtaḥsargakālenarādhipa
sātvikorājasaścaivatāmasaścatridhāmahān

1.1.91

pradhānatatvenasamaṃtathābījādibhirvṛtaḥ
vaikārikastaijasaścabhūtādiścaivatāmasaḥ

1.1.92

trividhoyamahaṃkāromahattattvādajāyata
bhūteṃdriyāṇāṃpaṃcānāṃtathākarmendriyaiḥsaha

1.1.93

pṛthivyāpastathātejovāyurākāśamevaca
ekaikaśaḥsvarūpeṇakathayāmiyathottaram

1.1.94

śabdamātramathākāśaṃbhūtādiḥkhaṃsamāvṛṇot
athākāśaṃvikurvāṇaṃsparśamātraṃsasarjaha

1.1.95

balavāneṣavaivāyustasyasparśoguṇomataḥ
ākāśaṃśabdamātraṃtusparśamātraṃsamāvṛṇot

1.1.96

tatovāyurvikurvāṇorūpamātraṃsasarjaha
jyotīrūpantutadvāyustadrūpaguṇamucyate

1.1.97

sparśarūpastuvaivāyūrūpamātraṃsamāvṛṇot
jyotiścāpivikurvāṇaṃrasamātraṃsasarjaha

1.1.98

saṃbhavaṃtitatoṃbhāṃsirūpamātraṃsamāvṛṇot
vikurvāṇānicāṃbhāṃsigaṃdhamātraṃsasarjire

1.1.99

saṃghātojāyatetasmāttasyagaṃdhomatoguṇaḥ
taijasānīndriyāṇyāhurdevāvaikārikādaśa

1.1.100

ekādaśammanaścātradevāvaikārikāḥsmṛtāḥ
tvakcakṣurnāsikājihvāśrotramatracapaṃcamam

1.1.101

eteṣāṃtumataṃkṛtyaṃśabdādigrahaṇaṃpunaḥ
vākpāṇipādapāyūnicopasthaṃtatrapañcamam

1.1.102

visargaśilpagatyuktirguṇāeṣāṃviparyayāt
ākāśavāyutejāṃsisalilaṃpṛthivītathā

1.1.103

śabdādibhirguṇairvīrayuktānītyuttarottaraiḥ
śāṃtāghorāścamūḍhāścaviśeṣāstenatesmṛtāḥ

1.1.104

nānāvīryāḥpṛthagbhūtāstatastesaṃhatiṃvinā
nāśaknuvanprajāḥ sraṣṭumasamāgamyakṛtsnaśaḥ

1.1.105

sametyānyonyasaṃyogātparasparasamāśrayāt
ekasaṃghātalakṣāścasaṃprāpyaikyamaśeṣataḥ

1.1.106

puruṣādhiṣṭhitatvāccavyaktānugrahaṇetathā
mahadādayoviśeṣāṃtāhyaṃḍamutpādayaṃtivai

1.1.107

tatkrameṇavivṛttaṃtujalabudbudavatsamam
tatrāvyaktasvarūposauvyaktarūpījanārdanaḥ

1.1.108

brahmābrahmasvarūpeṇasvayamevavyavasthitaḥ
merurulbamabhūttasyajarāyuścamahīdharāḥ

1.1.109

garbhodakaṃsamudrāścatasyāsaṃścamahātmanaḥ
tatradvīpāssamudrāścasajyotirlokasaṃgrahaḥ

1.1.110

tasminnaṃḍe'bhavanvīrasadevāsaramānuṣāḥ
vārivahnyanilākāśairvṛtairbhūtādinābahiḥ

1.1.111

vṛtaṃdaśaguṇairaṃḍaṃbhūtādirmahatātathā
avyaktenāvṛtorājaṃstaiḥsarvaiḥsahitomahān

1.1.112

ebhirāvaraṇaiḥsarvaiḥsarvabhūtaiścasaṃyutam
nārikelaphalaṃyadvadbījaṃbāhyadalairiva

1.1.113

brahmāsvayaṃcajagatovisṛṣṭausaṃpravarttate
sṛṣṭiṃcapātyanuyugaṃyāvatkalpavikalpanā

1.1.114

sasaṃjñāṃyātibhagavānekaevajanārdanaḥ
satvabhugguṇavāndevohyaprameyaparākramaḥ

1.1.115

tamodrekaṃcakalpāṃterūpaṃraudraṃkarotica
rājeṃdrākhilabhūtānibhakṣayatyatibhīṣaṇaḥ

1.1.116

bhakṣayitvācabhūtānijagatyekārṇavīkṛte
nāgaparyaṃkaśayaneśetesarvasvarūpadhṛk

1.1.117

prabuddhaścapunaḥsṛṣṭiṃprakaroticarūpadhṛk
sṛṣṭisthityaṃtakaraṇādbrahmaviṣṇuśivātmakaḥ

1.1.118

sraṣṭāsṛjaticātmānaṃviṣṇuḥpālyaṃcapātica
upasaṃhriyatecāpisaṃharttācasvayaṃprabhuḥ

1.1.119

pṛthivyāpastathātejovāyurākāśamevaca
saevasarvabhūteśoviśvarūpoyatovyayaḥ

1.1.120

sargādikaṃtatosyaivabhūtasthamupakārakam
saevasṛjyaḥsacasargakarttāsaevapālyaṃpratipālyateyataḥ
brahmādyavasthābhiraśeṣamūrttirbrahmāvariṣṭhovaradovareṇyaḥ

1.1.120.p1

iti śrīpadmapurāṇeprathamesṛṣṭikhaṃḍepurāṇāvatāredvitīyo'dhyāyaḥ

1.1.120.p2

tṛtīyo'dhyāyaṃ

1.1.120.p3

bhīṣmauvāca

1.1.1-3

nirguṇasyāprameyasyaśuddhasyāthamahātmanaḥ
kathaṃsargādikarttṛtvaṃbrahmaṇohyupapadyate

1.1.2-3

pulastyauvāca
śaktayaḥsarvabhāvānāmaciṃtyājñānagocarāḥ
yattatobrahmaṇastāstusargādyābhāvaśaktayaḥ

1.1.3-3

utpannaḥprocyatevidvānnityaevopacārataḥ
nijenatasyamānenaāyurvarṣaśataṃsmṛtam

1.1.4-3

tatparākhyaṃparārddhaṃcatadarddhaṃparikīrttitam
kāṣṭhāpaṃcadaśākhyātānimeṣānṛpasattama

First 200 of 643 passages. Read on

Linked texts (21)