Shivapurana 6.3.2

6.3.2

bhagavān viṣṇu ne kahā-"śivaḥ"yaha bhagavān śaṅkara kā nāma triguṇa se rahita parama maṅgala vācaka hokara maṅgala karane vālā hai | śiva kā "hara" yaha nāma sṛṣṭi ke anta meṃ saba kā saṃhāra karane ke kāraṇa hī se par̤ā hai | "mṛḍa"-yaha sukha kā pradāna karane se śiva kā nāma par̤a gayā hai | "rudraḥ"-yaha śiva kā pavitra nāma prajā ko anta samaya meṃ saṃhāra karate hue rulāne se huā hai | athavā samasta duḥkhoṃ ko dūra bhagā dene se rudra nāma par̤a gayā hai | yā duṣṭoṃ ko dukhoṃ ke dāyaka hone se rudra kahe jāte haiṃ | "puṣkara"-yaha puṣṭi karane se śiva kā nāma huā hai | 'puṣpalocanaḥ"-yaha nāma puṣpa arthāt kamala ke samāna sundara netra vāle hone se huā hai | "athigamyaḥ"-yaha śiva kā śubha nāma bhaktoṃ ko svarga-mokṣādi kī kāmanā pūrī karane ke kāraṇa huā hai | "sadācāraḥ"-yaha nāma satpuruṣoṃ ke ācaraṇa rakhane vāle hone se huā hai | "śarva"-yaha śiva kā nāma samasta prajā ke anta karane se huā hai | "śambhuḥ"-yaha śiva kā śubha nāma bhaktoṃ ko sukha dene se huā hai maheśvara'-yaha nāma arthāt parameśvara 'yaḥ paraḥ sa maheśvaraḥ'-isa śruti vacana ke anusāra jo sabase ūpara hai vaha maheśvara hotā hai sabase bar̤e svāmī hone ke kāraṇa hī huā hai