Shivapurana 6.3.5-2

6.3.5-2

"jñāna gamya" - yaha nāma jñāna mātra se hī vedānta ke artha jānane yogya hone ke kāraṇa śiva kā hai | "dṛḍha prajñaḥ" - yaha nāma sarvadā jñāna se yukta - "devadevaḥ" - yaha devoṃ ko bhī kara dene vāle devatā athavā śakti pradāna kara unako pūrṇa prakāśa tathā ānanda dene vāle - "trilocana" - tīna netroṃ ke dhāraṇa karane vāle athavā tīna guṇa tīna loka aura tīna vedoṃ ke jñāna se yukta vimbā akāra ukāra aura makāra om ye tīna akṣara ke netra vāle yadvā śāstra ācārya aura dhyāna tridarśana ina sādhana svarūpī tīna netroṃ vāle hone se yaha nāma par̤ā hai | mahābhārata grantha kī ṭīkā ke racayitā nīlakaṇṭha ne bhī vahī isakā artha likhā hai | 'vāmadeva" - yaha nāma śiva kā isaliye huā hai ki ye durātmāoṃ ke mada ko nikalavā dene vāle haiṃ avathā lokottara evaṃ sundara devatā haiṃ kimbā karma phaloṃ ke vibhājana karane ke kāraṇa sundara devatā haiṃ "mahādeva" isakā artha brahmādi devoṃ ke bhī vandanīya bar̤e deva haiṃ | "paṭu" yaha nāma duḥkhoṃ ke nāśa karane vāle athavā apane bhaktavarga ke kalyāṇa karane meṃ parama kuśala hone se huā hai | "parivṛḍha" jagat ke prabhu - dṛr̤ha - mahābalavān-hone ke kāraṇa ye nāma hue haiṃ