Pramāṇa · Search · About · API

Skandapurana 89.91

Kāśīkhaṇḍaṭīkā 89.91

Language
Sanskrit

89.91

buddhipūrvakaṃ nindati—yasyeti | sahāyinaḥ sāhāyyakāriṇaḥ | ityākarṇyatyārabhya prāpya dakṣamityādeḥ prāktanasya granthasyā'yamabhiprāyaḥ—svātmano viśveśasya yo vai viṣṇuḥ sa vai rudra ityādyukteḥ | māno vidheyaḥ, ata evātmābhinnasya rudrasyājñākartu-vīrabhadrasya sāmarthyajijñāsāpūrvakaṃ māno deyaḥ svabhaktasya śaraṇāpannasya dakṣasyāpi sāhāyyaṃ vidheyam, ata etattritayaṃ manasi nidhāya bhagavāṃstathā cakre, yathā paraśurāma-rūpeṇa śaraṇāpannāyā ambāyāḥ svaśiṣyasya ca bhīṣmasya sāhāyyamānadānārthaṃ yuddhaṃ mohaṃ parājayaṃ ca svīkṛtavāniti | dadhīciśāpādvā evam | bhaviṣyasi hṛṣīkeśaḥ svāśrito'pi parāṅmukhaḥ | evamuktvā tu viprarṣirvirarāma taponidhiḥ || iti kūrmokteḥ |