Pramāṇa · Search · About · API

Skandapurana 2.4.9

Skandamahāpurāṇa (vulgate) 2.4.9

Language
Sanskrit

2.4.9.p1

.. vālakhilyā ūcuḥ .. ..

2.4.9.p2

kṛṣṇaḥ provāca dharmāya dvādaśīṃ vatsasaṃjñitām..

2.4.9.p3

godhūlikālasaṃyuktā dvādaśī vatsapūjane..1..

2.4.9.p4

vatsapūjā vaṭe caiva kartavyā prathame'hani ..

2.4.9.p5

savatsāṃ tulyavarṇāṃ ca śīlinīṃ gāṃ payasvinīm ..

2.4.9.p6

caṃdanādibhirālipya puṣpamālābhirarcayet .. 2 ..

2.4.9.p7

taddine tailapakvaṃ ca sthālīpakvaṃ yudhiṣṭhira ..

2.4.9.p8

gokṣīraṃ goghṛtaṃ caiva dadhikṣīraṃ ca varjayet .. 3 ..

2.4.9.p9

dināṃte sūryabiṃbārdhādubhayatra ghaṭīdalam ..

2.4.9.p10

tato nīrājanaṃ kāryyaṃ nirīkṣecca śubhā'śubham .. 4 ..

2.4.9.p11

nānādīpānprakalpyā''dau svarṇapātrādi saṃsthitān ..

2.4.9.p12

nīrājayeddīpapūrvaṃ nirīkṣeta śubhā'śubham ..5..

2.4.9.p13

lāpayitvā sarvadīpānuttarābhimukhānnyaset ..

2.4.9.p14

mukhyā dīpā nava proktā anyānapi ca kalpayet .. 6 ..

2.4.9.p15

jvālā ceddakṣiṇāsaṃsthā satejaskā śikhānvitā ..

2.4.9.p16

sthirā cetsaukhyadā proktā viparītā tu duḥkhadā .. 7 ..

2.4.9.p17

kārtike kṛṣṇapatre tu dvādaśyādiṣu paṃcasu ..

2.4.9.p18

tithiṣūktaḥ pūrvarātre nṛṇāṃ nīrājanāvidhiḥ .. 8 ..

2.4.9.p19

pakṣaṃ saṃsūcayatyādirdvitīyo māsameva ca ..

2.4.9.p20

tṛtīya ṛtumeveha caturthastvayanaṃ tathā ..

2.4.9.p21

varṣaṃ tu paṃcamo dīpaḥ śubhāśubhaṃ vinirṇayet .. 9 ..

2.4.9.p22

sūryāṃśasaṃbhavā dīpā aṃdhakāravināśakāḥ ..

2.4.9.p23

trikāle māṃ dīpayaṃtu diśaṃtu ca śubhā'śubham.. .. 2.4.9.10 ..

2.4.9.p24

abhimaṃtrya ca maṃtreṇa tato nīrājayetkramāt .. 11 ..

2.4.9.p25

ādau devāṃstato viprānhastinaśca turaṃgamān ..

2.4.9.p26

jyeṣṭhāñcchreṣṭhāñjaghanyāṃśca mātṛmukhyāśca yoṣitaḥ .. 12 ..

2.4.9.p27

tato nīrājitāndīpānsvasvasthāneṣu vinyaset ..

2.4.9.p28

rūkṣairlakṣmīvināśaḥ syācchvetairannakṣayo bhavet ..

2.4.9.p29

atirakteṣu yuddhāni mṛtyuḥ kṛṣṇaśikheṣu ca .. 13 ..

2.4.9.p30

ekāṃgīnāma gopālā tayaitacca vrataṃ kṛtam ..

2.4.9.p31

dhanadhānyasamāyuktā jātā varṣatrayeṇa sā .. 14 .. *
tasmādgopūjanaṃ kāryaṃ dvādaśyāṃ kārtikasya tu ..

2.4.9.p32

etadgovratamāhātmyaṃ śrutvā kurvaṃti ye narāḥ .. 15 ..

2.4.9.p33

te govrataprabhāvena na gobhirvicyutā bhuvi ..

2.4.9.p34

go'parādhaḥ kṛto yaḥ syātsa vratādvilayaṃ vrajet .. 16 ..

2.4.9.p35

.. vālakhilyā ūcuḥ .. ..

2.4.9.p36

kṛṣṇapakṣe caturdaśyāṃ māsi cā''śvayuje tathā ..

2.4.9.p37

dīpotsava samīpe tu vratametatsamācaret .. 17 ..

2.4.9.p38

prātaḥ snātvā trayodaśyāṃ kṛtvā vai daṃtadhāvanam..

2.4.9.p39

trirātraniyamaṃ kṛtvā goviṃde bhaktitatparaḥ .. 18 ..

2.4.9.p40

kārya etadvratasyāṃte tathā govarddhanotsavaḥ ..

2.4.9.p41

trimuhūrtā'dhikā grāhyā paravedho na doṣabhāk .. 19 ..

2.4.9.p42

āśvinasyā'site pakṣe trayodaśyāṃ niśāmukhe ..

2.4.9.p43

yamadīpaṃ baliṃ dadyādapamṛtyurvinaśyati .. 2.4.9.20 ..

2.4.9.p44

purā hemanakasyaiva bālakaścā'pamṛtyutaḥ ..

2.4.9.p45

muktobhūdāśvine kṛṣṇatrayodaśyāṃ dayāvaśāt .. 21 .. ..

2.4.9.p46

.. dūtā ūcuḥ .. ..

2.4.9.p47

yathā na jīvitādbhraśyedīdṛśe tu mahotsave ..

2.4.9.p48

tathopāyaṃ brūhi yama kṛpāṃ kṛtvā'smadagrataḥ .. 22 ..

2.4.9.p49

.. yama uvāca ..

2.4.9.p50

āśvinasyā'site pakṣe trayodaśyāṃ niśāmukhe ..

2.4.9.p51

prativarṣaṃ tu yo dadyādgṛhadvāre sudīpakam .. 23 ..

2.4.9.p52

mantreṇā'nena bho dūtāḥ samāneyaḥ sa notsave ..

2.4.9.p53

prāpte'pamṛtyāvapi ca śāsanaṃ kriyatāṃ mama .. 24 ..

2.4.9.p54

mṛtyunā pāśadaṃḍābhyāṃ kālena ca mayā saha ..

2.4.9.p55

trayodaśyāṃ dīpadānātsūryajaḥ prīyatāmiti .. 25 ..

2.4.9.p56

mantreṇānena yo dīpaṃ dvāradeśe prayacchati ..

2.4.9.p57

utsave cā'pamṛtyośca bhayaṃ tasya na jāyate .. 26 ..

2.4.9.p58

.. vālakhilyā ūcuḥ .. ..

2.4.9.p59

pūrvaviddhacaturdaśyāmāśvinasya sitetare ..

2.4.9.p60

pakṣe pratyūṣasamaye snānaṃ kuryātprayatnataḥ .. 27 ..

2.4.9.p61

aruṇodayato'nyatra riktāyāṃ snāti yo naraḥ ..

2.4.9.p62

tasyā'bdikabhavo dharmo naśyatyeva na saṃśayaḥ .. 28 ..

2.4.9.p63

tathā kṛṣṇacaturdaśyāmāśvine'rkodaye surāḥ ..

2.4.9.p64

yāminyāḥ paścime yāme tailābhyaṃgo viśiṣyate .. 29 ..

2.4.9.p65

yadā caturdaśī na syāddvidine cedvidhūdaye ..

2.4.9.p66

dinadvaye bhaveccā'pi tadā pūrvaiva gṛhyate .. 2.4.9.30 ..

2.4.9.p67

balātkārāddhaṭhādvā'pi śiṣṭatvānna karoti cet ..

2.4.9.p68

tailābhyaṃgaṃ caturdaśyāṃ rauravaṃ narakaṃ vrajet ..31..

2.4.9.p69

taile lakṣmīrjale gaṃgā dīpāvalyāścaturdaśīm ..

2.4.9.p70

prātaḥsnānaṃ hi yaḥ kuryādyamalokaṃ na paśyati .. 32 ..

2.4.9.p71

apāmārgamatho tuṃbīṃ prapunnāḍamathā'param ..

2.4.9.p72

bhrāmayetsnānamadhye tu narakasya kṣayāya vai .. 33 ..

2.4.9.p73

vāratrayaṃ trivāraṃ ca paṭhitvā mantramuttamam .. 34 ..

2.4.9.p74

sītāloṣṭasamāyukta sakaṃṭakadalānvita ..

2.4.9.p75

hara pāpamapāmārga bhrāmyamāṇaḥ punaḥ punaḥ ..

2.4.9.p76

apāmārgaṃ prapunnāḍaṃ bhrāmayecchirasopari .. 35 ..

2.4.9.p77

snātvārdravāsasā dadyāddīpakaṃ mṛtyuputrayoḥ ..

2.4.9.p78

śunakau śyāmaśabalau bhrātarau yamasevakau ..

2.4.9.p79

tuṣṭau syātāṃ caturdaśyāṃ dīpadānena mṛtyujau .. 36 ..

2.4.9.p80

iṣṭavaṃdhujanaiḥ sārddhametatsnānaṃ samācaret ..

2.4.9.p81

snānāṃgatarpaṇaṃ kṛtvā yamaṃ saṃtarpayettataḥ.. 37 ..

2.4.9.p82

yamāya dharmarājāya mṛtyave cā'ntakāya ca ..

2.4.9.p83

vaivasvatāya kālāya sarvabhūtakṣayāya ca .. 38 ..

2.4.9.p84

auduṃbarāya dadhnāya nīlāya parameṣṭhine ..

2.4.9.p85

vṛkodarāya citrāya citraguptāya te namaḥ .. 39 ..

2.4.9.p86

caturdaśaite mantrāḥ syuḥ pratyekaṃ ca namo'nvitāḥ ..

2.4.9.p87

ekaikena tilairmiśrāndadyāttrīnudakāñjalīn .. 2.4.9.40 ..

2.4.9.p88

yajñopavītinā kāryaṃ prācīnāvītinā'thavā ..

2.4.9.p89

devatvaṃ ca pitṛtvaṃ ca yamasyā'sti dvirūpatā .. 41 ..

2.4.9.p90

jīvatpitā'pi kurvīta tarpaṇaṃ yamabhīṣmayoḥ ..

2.4.9.p91

narakāya pradātavyo dīpaḥ saṃpūjya devatāḥ .. 42 ..*
atraiva lakṣmīkāmasya vidhiḥ snāne mayocyate ..

2.4.9.p92

iṣe bhūte ca darśe ca kārtike prathame dine .. 43 ..

2.4.9.p93

yadā snāti tadā'bhyaṃgasnānaṃ kuryādvidhūdaye.
ūrjjaśukladvitīyāyāṃ tithau ca svātiyugmage .. 44 ..

2.4.9.p94

mānavo maṃgalasnāyī naiva lakṣmyā viyujyate ..

2.4.9.p95

dīpairnīrājanādatra saiṣā dīpāvaliḥ smṛtā .. 45 ..

2.4.9.p96

iṃdukṣaye'pi saṃkrātau ravau pāte dinakṣaye ..

2.4.9.p97

atrā'bhyaṃgo na doṣāya prātaḥ pāpā'panuttaye .. 46 ..

2.4.9.p98

māṣapatrasya śākaṃ vai bhuktvā tasmindine naraḥ ..

2.4.9.p99

pretākhyāyāṃ caturdaśyāṃ sarvapāpaiḥ pramucyate ..47..

2.4.9.p100

iṣāsitacaturdaśyāmindukṣayatithāvapi ..

2.4.9.p101

darśādau svātisaṃyukte tadā dīpāvalirbhavet .. 48 ..

2.4.9.p102

kuryātsaṃlagnametacca dīpotsavadinatrayam ..

2.4.9.p103

mahārājo baliḥ proktastuṣṭena hariṇā tathā .. 49 ..

2.4.9.p104

varaṃ yācasva bhadraṃ te yadyanmanasi vartate ..

2.4.9.p105

iti viṣṇuvacaḥ śrutvā balirvacanamabravīt .. 2.4.9.50 ..

2.4.9.p106

ātmārthaṃ kiṃ yācanīyaṃ sarvaṃ dattaṃ mayā tathā ..

2.4.9.p107

lokārthaṃ yācayiṣyāmi śaktaśceddehi tacca me .. 51 ..

2.4.9.p108

mayā'dya te dharā dattā vāmanacchadmarūpiṇe ..

2.4.9.p109

tribhiḥ padaistridivasaiḥ sā cā''krāṃtā yatastvayā .. 52 ..

2.4.9.p110

tasmādbhūmitale rājyamastu ghasratraye hare .. 53 ..

2.4.9.p111

madrājye ye dīpadānaṃ bhuvi kurvaṃti mānavāḥ ..

2.4.9.p112

teṣāṃ gṛhe tava strīyaṃ sadā tiṣṭhatu susthirā .. 54 ..

2.4.9.p113

mama rājye gṛhe yaiṣāmaṃdhakāraḥ patiṣyati ..

2.4.9.p114

lakṣmīsaṃtānāṃdhakāraḥ sadā patatu tadgṛhe .. 55 ..

2.4.9.p115

caturdaśyāṃ ca ye dīpānnarakāya dadaṃti ca ..

2.4.9.p116

teṣāṃ pitṛgaṇāḥ sarve narake na vasaṃti ca .. 56 ..

2.4.9.p117

balirājyaṃ samāsādya yairna dīpāvaliḥ kṛtā ..

2.4.9.p118

teṣāṃ gṛhe kathaṃ dīpāḥ prajvaliṣyaṃti keśava .. 57 ..

2.4.9.p119

balirājye tu ye lokāḥ śokā'nutsāhakāriṇaḥ ..

2.4.9.p120

teṣāṃ gṛhe sadā śokaḥ patediti na saṃśayaḥ .. 58 ..

2.4.9.p121

caturdaśītraye rājyaṃ balerastviti yācayet ..

2.4.9.p122

purā vāmanarūpeṇa prārthayitvā dharāmimām ..

2.4.9.p123

dadāvatithayeṃdrāya baliṃ pātālavāsinam .. 59 ..

2.4.9.p124

dattaṃ daityapateritthaṃ hariṇā taddinatrayam ..

2.4.9.p125

tasmānmahotsavaṃ cātra sarvathaiva hi kārayet .. 2.4.9.60 ..

2.4.9.p126

mahārātriḥ samutpannā caturdaśyāṃ munīśvarāḥ ..

2.4.9.p127

atastadutsavaḥ kāryaḥ śaktipūjāparāyaṇaiḥ .. 61 ..

2.4.9.p128

balirājyaṃ samāsādya yakṣagaṃdharvakinnarāḥ ..

2.4.9.p129

auṣadhyaśca piśācāśca maṃtrāśca maṇayastathā .. 62 ..

2.4.9.p130

sarva eva prahṛṣyaṃti nṛtyaṃti ca niśāmukhe ..

2.4.9.p131

tattanmaṃtrāśca siddhyaṃti balirājye na saṃśayaḥ .. 63 ..

2.4.9.p132

balirājyaṃ samāsādya yathā lokāḥ suharṣitāḥ ..

2.4.9.p133

tathā taddinamadhye tu lokāḥ syurharṣitā bhṛśam .. 64 ..

2.4.9.p134

tulāsaṃsthe sahasrāṃśau pradoṣe bhūtadarśayoḥ ..

2.4.9.p135

ulkāhastā narāḥ kuryuḥ pitṝṇāṃ mārgadarśanam .. 65 ..

2.4.9.p136

narakasthāstu ye pretāste mārgaṃ tu vratātsadā ..

2.4.9.p137

paśyaṃtyeva na saṃdehaḥ kāryo'tra munipuṃgavaiḥ .. 66 ..

2.4.9.p138

āśvine māsi bhūtāditithayaḥ kīrtitāstrayaḥ..

2.4.9.p139

dīpadānādikāryeṣu grāhyā madhyāhnakālikāḥ .. 67 ..

2.4.9.p140

yadi syuḥ saṃgavādarvāgetāśca tithayastrayaḥ ..

2.4.9.p141

dīpadānādikāryeṣu kartavyāḥ pūrvasaṃyutāḥ .. 68 ..

2.4.9.p142

.. ṛṣaya ūcuḥ ..

2.4.9.p143

kaumodinyāstu māhātmyaṃ praṣṭumicchāmahe dvijāḥ ..

2.4.9.p144

tasmindine tu kiṃ bhojyaṃ kasya pūjāṃ tu kārayet .. 69 ..

2.4.9.p145

kimarthaṃ kriyate sā tu tasyāḥ kā devatā bhavet ..

2.4.9.p146

kiṃ ca tatra bhaveddeyaṃ kiṃ na deyaṃ viśeṣataḥ..2.4.9.70..

2.4.9.p147

praharṣaḥ ko'tra nirdiṣṭaḥ krīḍā kā'tra prakīrtitā ..

2.4.9.p148

dīpāvalyāḥ phalaṃ sarvaṃ vadantu ṛṣisattamāḥ .. 71 ..

2.4.9.p149

.. vālakhilyā ūcuḥ .. ..

2.4.9.p150

tataḥ prabhāta samaye tvamāyāṃ tu munīśvarāḥ ..

2.4.9.p151

snātvā devānpitṝnbhaktyā saṃpūjyā'tha praṇamya ca .. 72 ..

2.4.9.p152

kṛtvā tu pārvaṇaśrāddhaṃ dadhikṣīraghṛtādibhiḥ ..

2.4.9.p153

divā tatra na bhoktavyamṛte bālāturājjanāt .. 73 ..

2.4.9.p154

tataḥ pradoṣasamaye pūjayediṃdirāṃ śubhām ..

2.4.9.p155

kuryānnānāvidhairvastraiḥ svacchaṃ lakṣmyāśca maṇḍapam .. 74 ..

2.4.9.p156

nānāpuṣpaiḥ pallavaiśca citraiścā'pi vicitritam ..

2.4.9.p157

tatra saṃpūjayellakṣmīṃ devāṃścā'pi prapūjayet .. 75 ..

2.4.9.p158

saṃpūjyā devanāryo'pi vahubhiścopacārakaiḥ ..

2.4.9.p159

pādasaṃvāhanaṃ kuryāllakṣmyādīnāṃ tu bhaktitaḥ .. 76 ..

2.4.9.p160

asminnahani sarve'pi viṣṇunā mocitāḥ purā ..

2.4.9.p161

balikārāgṛhāddevā lakṣmīścā'pi vimocitā .. 77 ..

2.4.9.p162

lakṣmyā sārddhaṃ tato devā jagmuḥ kṣīrodadhau punaḥ ..

2.4.9.p163

prasuptā bahukālaṃ te sukhaṃ tasmānmunīśvarāḥ..78..

2.4.9.p164

racanīyāḥ sūtragarbhāḥ paryaṃkāśca sutūlikāḥ ..

2.4.9.p165

dugdhaphenopamairvastrairāstṛtāśca yathādiśam .. 79 ..

2.4.9.p166

sthāpayettānsurām̐llakṣmīṃ vedaghoṣasamanvitaḥ ..

2.4.9.p167

lakṣmīrdaityabhayānmuktā sukhaṃ suptāṃbujodare ..2.4.9.80..

2.4.9.p168

ato'tra vidhivatkāryā tuṣṭyai tu sukhasuptikā ..

2.4.9.p169

tadahni padmaśayyāṃ yaḥ padmāsaukhyavivṛddhaye .. 81 ..

2.4.9.p170

kuryāttasya gṛhaṃ muktvā tatpadmā kvā'pi na vrajet ..

2.4.9.p171

na kurvaṃti narā itthaṃ lakṣmyā ye sukhasuptikām .. 82 ..

2.4.9.p172

dhanacintā vihīnāste kathaṃ rātrau svapaṃti hi ..

2.4.9.p173

tasmātsarvaprayatnena lakṣmīṃ saṃpūjayennaraḥ .. 83 ..

2.4.9.p174

sa tu dāridryanirmuktaḥ svajātau syātpratiṣṭhitaḥ ..

2.4.9.p175

jātipatralaṃvagailātvakkarpūrasamanvitam .. 84 ..

2.4.9.p176

pācayitvā gavyadugdhaṃ sitāṃ dattvā yathocitām ..

2.4.9.p177

laḍḍukāṃstasya kurvīta tāṃśca lakṣmyai samarpayet .. 85 ..

2.4.9.p178

anyaccaturvidhaṃ bhakṣyaṃ dadyācchrīḥ prīyatāmiti ..

2.4.9.p179

aprabuddhe harau pūrvaṃ strībhirlakṣmīṃ prabodhayet .. 86 ..

2.4.9.p180

prabodhasamaye lakṣmīṃ bodhayitvā bhunakti yā ..

2.4.9.p181

pumānvā vatsaraṃ yāvallakṣmīstaṃ naiva muñcati .. 87 ..

2.4.9.p182

abhayaṃ prāpya viprebhyo viṣṇubhītāḥ suradviṣaḥ ..

2.4.9.p183

kṣīrābdhau tuṣṭuvurjñātvā suptāṃ padmāśritāṃ śriyam .. 88 ..

2.4.9.p184

tvaṃ jyotiḥ śrīravīndvagnividyutsauvarṇatārakāḥ ..

2.4.9.p185

sarveṣāṃ jyotiṣāṃ jyotirdīpajyotiḥsthite namaḥ .. 89 ..

2.4.9.p186

yā lakṣmīrdivase puṇye dīpāvalyāṃ ca bhūtale ..

2.4.9.p187

gavāṃ goṣṭhe tu kārtikyāṃ sā lakṣmīrvaradā mama .. 2.4.9.90 ..

2.4.9.p188

dīpadānaṃ tataḥ kuryātpradoṣe ca tatholmukam ..

2.4.9.p189

bhrāmayetsvasya śirasi sarvā'riṣṭanivāraṇam .. 91 ..

2.4.9.p190

dīpavṛkṣāstathā kāryāḥ śaktyā devagṛhādiṣu ..

2.4.9.p191

catuṣpathe śmaśāne ca nadīparvataveśmasu .. 92 ..

2.4.9.p192

vṛkṣamūleṣu goṣṭheṣu catvareṣu gṛheṣu ca ..

2.4.9.p193

vastraiḥ puṣpaiḥ śobhitavyā rājamārgasya bhūmayaḥ .. 93 ..

2.4.9.p194

sarvaṃ puramalaṃkṛtya pradoṣe tadanantaram ..

2.4.9.p195

brāhmaṇānbhojayitvā''dau saṃbhojya ca bubhukṣitān.. 94 ..

2.4.9.p196

alaṃkṛtena bhoktavyaṃ navavastropaśobhinā ..

2.4.9.p197

tato'parāhnasamaye ghoṣayennagaraṃ nṛpaḥ .. 95..

2.4.9.p198

adya rājyaṃ balerlokā yathecchaṃ krīḍyatāmiti ..

2.4.9.p199

yathecchaṃ krīḍatāṃ bālā ityājñāpya nṛpeṇa tu .. 96 ..

2.4.9.p200

tebhyo dadyātkrīḍanakaṃ tataḥ paśyecchubhāśubhya ..

First 200 of 221 passages. Read on

Translations (1)

Linked texts (8)