Skandapurana 7.10.29_31

7.10.29_31

sanatkumāra uvāca
tamāpatantaṃ vegena garutmantamivāhave .
dṛṣṭavā varuṇaputrāste pitrā saha vidudruvuḥ .. 1 . .
daityāścāpi hi te sarve prāpya tadvaruṇālayam .
vyūḍhaskandhā vyatiṣṭhanta vyasṛjaṃstatpuraṃ prati ..2. .
dūtaṃ vātāpinaṃ caiva rājñā preṣitamūrjitam .
sa gatvā tāṃ purīṃ ramyāṃ praviśya ca mahāsuraḥ .. 3 . .
pauraiḥ supūjito vyāsa prāhedaṃ tān sugarvitaḥ .
rājā sarvasya lokasya daityadānavanandanaḥ ..4. .
kaśyapasya sutaḥ śrīmān hiraṇyākṣaḥ pratāpavān .
jitvā sarvān surān saṃkhye ājñāpayati vassadā ..5. .
yūyaṃ śṛṇuta sarve me ājñāṃ kuruta caiva1 hi .
ānayadhvaṃ ca ratnāni parityajata devatāḥ . .6. .
devapakṣotra yaḥ kaścit pure prativasatyuta2 .
abhayaṃ tasya3 yacchāmi yātu devānabhītavat4 . .7. .
nāradādyāśca ṛṣayastaṃ samāsādya daityakam5 .
ūcustamasuraṃ vyāsa sāntvayuktamidaṃ tadā . .8. .

Sanatkumāra said: / Seeing him swooping down with speed like Garuḍa in battle, / the sons of Varuṇa fled together with their father. / And having reached that abode of Varuṇa, all those Daityas / stood with broad shoulders and sent toward that city / the powerful messenger Vātāpin, dispatched by the king. / That great Asura, having gone to and entered that delightful city, / well worshipped by the citizens, O Vyāsa, exceedingly haughty, spoke this to them: / 'The king of all the world, the delighter of Daityas and Dānavas, / the glorious, valorous Hiraṇyākṣa, son of Kaśyapa, / having defeated all the gods in battle, commands you perpetually: / "Listen all of you to me, and execute my command: / Bring jewels and abandon the deities. / If anyone belonging to the party of the gods lives here in the city, / I grant him safety; let him go fearlessly to the gods."' / Approaching that Daitya, the seers led by Nārada / then spoke this soothing word, O Vyāsa, to that Asura: