Devirahasya 32.2.2

32.2.2

kuru cāsanam ||" um̐krāṃhrāṃhrīṃ ādhāraśaktikamalāsanāya namaḥ , traṃ
anantāya namaḥ , padmanālāya namaḥ , padmāya namaḥ , parāgebhyo namaḥ ,
aṣṭadalapadmāsanāya namaḥ , sahasradalapadmāsanāya namaḥ , um̐haṃsaḥ śrīkarṇikāyai namaḥ , saptaturagebhyo namaḥ , iti saṃpūjya divyadṛṣṭyā divyāṃstālatrayeṇāntarikṣagatān vāmapārṣṇighātatrayeṇa bhaumān vighnānutsārya ,
"apasarpantu te bhūtā ye bhūtā bhuvi saṃsthitāḥ | ye bhūtā vighnakartāraste naśyantu śivājñayā ||" ityanataprakṣepeṇa bhūtānniḥsārya , um̐haḥ
astrāya phaḍiti digbandhanaṃ kṛtvā , "um̐haṃsaḥ māṃ rakṣa 2 hūṃ phaṭ svāhā"
ityātmarakṣāṃ vidhāya , hūṃ phaṭ vāmanāsayā vāyumāpūrya , hrīṃ phaṭ kumbhayitvā , saḥ phaṭ virecya , svātmānaṃ haṃsarūpaṃ dhyātvā um̐hūṃhaṃsaḥ ityākuñcena kulakuṇḍalinīṃ sārdhatrivalayāṃ dīrghākārāmutthāpya , pradīpakalikākārāṃ visatantutanīyasīṃ taḍitkoṭiprabhāṃ candrakoṭiśītalāṃ sūryakoṭidurdarśāṃ vahnikoṭikarālāṃ suṣumnāmārgeṇa ṣaṭcakraṃ bhittvā brahmapathāntanītvā paramaśivena saṃyojya, sāmarasyodbhavānandāmṛtena santarghya, punastenaiva pathā mūlādhāraṃ prāpayitvā, vāme pāpapuruṣaṃ śmaśrulaṃ raktākṣaṃ
dhūmravarṇaṃ khaḍgacarmadharaṃ svāṅguṣṭhākāraṃ vicintya, yaṃraṃvaṃlaṃhaṃ iti bhūtabījaiḥ
śoṣaṇa-dāhana-plāvanādīn kuryāt| yathā—ādau prāṇāyāmayogena yamiti
vāyubījena ṣoḍaśavārajapena śoṣayet| tato ramiti vahnibījena catuṣṣaṣṭivārajapena dāhayet| vamiti varuṇabījena dvātriṃśadvārajapena plāvayet
lamiti bhūrbījena daśadhā japena dehaṃ dṛḍhaṃ vicintya, hamityākāśabījena