Devirahasya 32.2.3

32.2.3

daśadhā japena śūnyātmakaṃ svātmānaṃ dhyātvā hṛdayāravindakarṇikāyāṃ
devaṃ sūryaṃ dhyāyet| "dedīpyamānamukuṭaṃ maṇikuraṇḍalamaṇḍitam| devaṃ
sahasrakiraṇaṃ visphurāliṅgitaṃ smaret||" iti dhyātvā svātmānaṃ devarūpaṃ smṛtvā, oṃ śrāṃhrīṃkrauṃhrāṃhrīṃ haṃsaḥ mama prāṇā iha prāṇāḥ | mama jīva iha
sthitaḥ | mama sarvendriyāṇi vāṅmanaścakṣustvakśrotrajihvāghrāṇaprāṇāḥ
ihaivāgatya sukhaṃ ciraṃ tiṣṭhantu svāhā, iti bhūtaśuddhiprāṇapratiṣṭhākramaḥ
tato mūlanyāsaṃ vidhāya, mūlānte śirasi triḥ sūryaṃ saṃpūjya mantrasaṅkalpaṃ kuryāt
oṃ asya śrīsūryapūjāmantrasya śrībrahmā ṛṣiḥ, gāyatryaṃ chandaḥ,
śrīsavitā devatā, hāṃ bījaṃ, hīṃ śaktiḥ, oṃ kīlakam, dharmārthakāmamokṣārthe sūryapūjāyāṃ viniyogaḥ| brahmaṛṣaye namaḥ śirasi, gāyatryacchandase namo mukhe, śrīsavitre devatāyai namo hṛdi, hāṃ bījāya
namo nābhau, hīṃ śaktaye namo guhye, oṃ kīlakāya namaḥ pādayoḥ,
jape viniyogāya namaḥ sarvāṅgeṣu| hāṃ aṅguṣṭhābhyāṃ namaḥ, hīṃ tarjanībhyāṃ namaḥ, hūṃ madhyamābhyāṃ namaḥ, haiṃ anāmikābhyāṃ namaḥ, hauṃ kaniṣṭhikābhyāṃ namaḥ, haḥ karatalapṛṣṭhābhyāṃ namaḥ| hāṃ hṛdayāya0| hīṃ śirase0
hūṃ śikhāyai0| haiṃ kavacāya0| hauṃ netrāya0| haḥ astrāya0| iti
karaṣaḍaṅganyāsaḥ| oṃ namaḥ śirasi, hāṃ netrayoḥ, hīṃ mukhe, saḥ hṛdi,
sūṃ kukṣau, yauṃ nābhau, yaṃ jānvoḥ, naṃ pādayoḥ, maḥ śirasaḥ pādaparyantamiti saptadhā vyāpayediti mūlavidyānyāsaḥ
oṃ hāṃ ṛgvedātmane sūryāya namaḥ śirasi| oṃ hīṃ yajurvedātmane sūryāya