Devirahasya 44.2-2.4

44.2-2.4

evaṃ vibhāvya, svaśarīradattakuttau pāpapuruṣaṃ dhyāyet
brahmahatyāśiraskaṃ ca svarṇasteyabhujadvayam
surāpānahṛdā yuktaṃ gurutalpakaṭidvayam
tatsaṃsargipadadvandvamaṅgapratyaṅgapātakam
upapātakalomānaṃ raktaśmaśruvilocanam
khaḍgacarmadharaṃ kṛṣṇaṃ kutsau pāpaṃ vicintayet
iti dhyātvā, śarīraṃ sakaluṣaṃ malinaṃ vicintya prāṇāyāmapūrvakaṃ
pañcabhūtamantrairniṣpāpaṃ kuryāt | hṛdādibhrūmadhyāt yaṃbījena ṣoḍaśadhā japtena
vāyumāpūrya pāpaṃ saṃśoṣya, nābhyādihṛtparyantāntargatamagnimagnibījena caturṣāṣṭivārajaptena sandīpya pāpaṃ nirdahya, jānvādinābhyantaṃ jalaṃ vamiti
varuṇabījena dvātriśadvārajaptenādāya pāpamambhasāplāvya, lamiti bhūrbījena
ṣoḍaśadhā japtena pādādijānuparyantaṃ pṛthivīṃ vicintya pieḍībhūtaṃ
svātmakaṃ dhyātvā, hamityākāśabījena sakṛjjaptena caitanyaṃ saṃbhāvya
cidānandamayaṃ svaśarīramutpādya prāṇān dhārayediti bhūtaśuddhiḥ
oṃjuṃsaḥ śivāya prāṇātmane namaḥ, iti svahṛdi puṣpaṃ dattvā
āṃ hrīṃ krauṃ yaṃ raṃ vaṃ laṃ haṃ śaṃ ṣaṃ saṃ haṃ haṃsaḥ so'haṃ juṃsaḥ śroṃ mama prāṇā iha prāṇāḥ ,
1m̐ mama jīva iha sthitaḥ, 1m̐ mama sarvendriyāṇi, 1m̐ mama vāṅmanaścakṣuḥśrotrajihvāghrāṇaprāṇā ihaivāgatya sukhaṃ ciraṃ tiṣṭhantu svāhā,
iti prāṇān dhṛtvā, mūlaṃ svahṛdi vilikhya saśivaṃ śivaṃ saṃpūjya,