Devirahasya 44.2-2.3

44.2-2.3

tato gṛhamāgatya pādau prakṣālya, dvāradevatāḥ pūjayet| hūṃphaṭ iti dvāraṃ prakṣālya, ūrdhve gāṃ gaṇeśāya namaḥ, vāmadakṣiṇakrameṇa mahālakṣmyai namaḥ, sarasvatyai namaḥ, gaṅgāyai namaḥ, yamunāyai namaḥ, dhātre namaḥ, vidhātre namaḥ, nandāya namaḥ, sunandāya namaḥ, pracaṇḍāya namaḥ, caṇḍāya namaḥ, kṣetrapālāya namaḥ, vetālāya namaḥ, agnivetālāya namaḥ, iti saṃpūjya, tartrāsane mantreṇa puṣpaṃ dattvā anantāsanāya namaḥ, vimalāsanāya namaḥ, padmāsanāya namaḥ| oṃ pṛthivi tvayā dhṛtā lokā devi tvaṃ viṣṇunā dhṛtā| tvaṃ ca dhāraya māṃ loke pavitraṃ kuru cāsanam|| trirvāmapārṣṇighātaṃ dattvā, apasarpantu te bhūtā ye bhūtā bhūmisaṃsthitāḥ| ye bhūtā vighnakartāraste naśyantu śivājñayā|| iti vighnānutsārya, hūṃ aghorāya phaṭ iti daśa diśo baddhvā bhūtaśuddhiṃ kuryāt
adyāhaṃ bhūtaśuddhiṃ kariṣye iti saṅkalpya, vāme gurubhyo namaḥ, dakṣiṇe gaṇeśāya namaḥ, agre śivāya namaḥ, pṛṣṭhe kṣetrapālāya namaḥ, iti namaskṛtya, praṇavena prāṇāyāmatrayaṃ kṛtvā hūmiti mūlādhārāt
kueḍalinīmutthāpya suṣumnāvartmanā hṛdayasthajīvamādāya brahmarandhragatāṃ
vibhāvya haṃsa iti brahmaṇi yojayet | tataḥ pādādijānuparyantaṃ pṛthivīṃ
jānvādinābhyantaṃ jalaṃ, nābhyādihṛdayāntaṃ vahniṃ, hṛdayādibhrūmadhyāntaṃ vāyuṃ,
bhrūmadhyādibrādaśāntamākāśaṃ pratyekaṃ pravilāpya, ākāśamahaṅkāre'haṅkāraṃ
mahattattve tadahaṃprakṛtau tāṃ saccidānandarūpe brahmaṇi vilāpya, svātmānaṃ
brahyamayaṃ vibhāvya
ahaṃ devo nacānyo'sti brahmaivāhaṃ na śokabhāk
saccidānandarūpo'haṃ nityamuktasvabhāvavān